ផ្នែកសុខាភិបាលខេត្តសុកត្រាំង បានអនុវត្តនូវវិធានការជាច្រើនដើម្បីបង្ការទប់ស្កាត់ ជំងឺគ្រុនឈាមលើវិសាលភាពធំទូលាយ។ ក្នុងនោះ យកគោលលំនាំប្រជាជនបង្ការជំងឺជាសំខាន់ ផ្នែកឯកទេសមិនធ្វេសប្រហែសចំពោះការប្រែប្រួលនៃជំងឺឆ្លងរាលដាល។
![ម្ចាស់ការបង្ការទប់ស្កាត់ជំងឺគ្រុនឈាម](https://baocantho.com.vn/image/fckeditor/upload/2024/20240702/images/khmer/64.jpg)
កម្មាភិបាលពេទ្យទីរួមខេត្តង៉ាណាំ បើកទូលាយយុទ្ធនាការកម្ចាត់ដង្កូវទឹក។
តាមមជ្ឈមណ្ឌលគ្រប់គ្រងជំងឺខេត្តសុកត្រាំង មកទល់ពេលនេះ ទូទាំងខេត្តមានករណីកើតជំងឺគ្រុនឈាមជាង៤៩០ករណី។ មូលហេតុដោយសាររដូវភ្លៀងមូសកើតច្រើន គួបផ្សំនឹងតម្រូវការស្តុកទឹកភ្លៀងរបស់ប្រជាជនកើនខ្ពស់ ហានិភ័យដង់ស៊ីតេសត្វល្អិត (មូសខ្លានិងដង្កូវទឹក) កើនឡើង ម្ល៉ោះហើយពេលខាងមុខជំងឺគ្រុនឈាមនឹងមានហានិភ័យកើនខ្ពស់។ បច្ចុប្បន្ន ផ្នែកសុខាភិបាលខេត្តបានចង្អុលការមជ្ឈមណ្ឌលសុខាភិបាលស្រុក ទីរួមខេត្ត ក្រុង បង្កើនការផ្សព្វផ្សាយផែនការបង្ការទប់ស្កាត់ជំងឺគ្រុនឈាម។ តាមប្រសាសន៍វេជ្ជបណ្ឌិត សឺហ្វាងខាញ់ នាយករងមជ្ឈមណ្ឌលសុខាភិបាល ទីរួមខេត្តង៉ាណាំ ដើម្បីម្ចាស់ការបង្ការទប់ស្កាត់ជំងឺគ្រុនឈាម ចាប់ពីដើមឆ្នាំមក ទីរួមខេត្តបានផ្សព្វផ្សាយយុទ្ធនាការកម្ចាត់ដង្កូវទឹកបាន២លើក លើភូមិភូមិសាស្រ្តធំទូលាយនិងផ្សព្វផ្សាយឱ្យប្រជាជនលើកកម្ពស់ស្មារតីបង្ការទប់ស្កាត់ជំងឺ គ្រុនឈាមក្នុងគ្រួសារ ដូច៖ របៀបកម្ចាត់ដង្កូវទឹក អនាម័យជុំវិញផ្ទះដេកដាក់មុង ពេលមានសមាជិកក្នុងគ្រួសារក្តៅខ្លួន ត្រូវនាំទៅកាន់មូលដ្ឋានសុខាភិបាលដើម្បីព្យាបាល។ល។ តាមការព្យាករណ៍របស់ផ្នែកឯកទេស ជំងឺគ្រុនឈាមនឹងកើនខ្ពស់ ចាប់ពីខែសីហារហូតដល់ចុងឆ្នាំ ២០២៤ ហេតុនោះ ផ្នែកសុខាភិបាលបានសហការជាមួយរដ្ឋអំណាចភូមិភាគ បន្តការតាមដានរោគរាតត្បាតនិងបាញ់សារធាតុគីមីកម្ចាត់មូសនៅកន្លែងដែលជំងឺផ្ទុះរាលដាល។
តាមប្រសាសន៍វេជ្ជបណ្ឌិតឯកទេស I ឡឹមវ៉ាន់តឹង ប្រធានដំណាក់សុខាភិបាលឃុំដាយតឹម ស្រុកមីស្វៀង មកទល់ពេលនេះឃុំដាយតឹមបាន កត់សម្គាល់ករណីជំងឺគ្រុនឈាម១៣ករណី ថយចុះ៤៣ករណីបើប្រៀបនឹងខណៈពេលដូចគ្នានៃឆ្នាំកន្លង។ លទ្ធផលនោះ គឺដោយសារដំណាក់សុខាភិបាលបានកំណត់ការបង្ការទប់ស្កាត់ជំងឺឆ្លងរាលដាល គឺជាការងារសំខាន់បំផុត។ អាស្រ័យហេតុនោះ ចាប់ពីដើមឆ្នាំមក ដំណាក់សុខាភិបាលបានកសាងផែនការបង្ការទប់ស្កាត់ជំងឺគ្រុនឈាមនិងចាត់តាំងផ្សព្វផ្សាយយ៉ាងហ្មត់ចត់។ មកដល់ពេលនេះ បានសហការជាមួយអង្គការមហាជន សហការីសុខាភិបាល បើកយុទ្ធនាការកម្ចាត់ដង្កូវទឹកបាន២លើក និងចលនាប្រជាជនម្ចាស់ការអនាម័យបរិស្ថាន បិទគម្របពាងតម្កល់ទឹកភ្លៀង និងសម្អាតពាងទឹកប្រើប្រាស់ ឱ្យបានទៀងទាត់ ព្រលែងត្រីប្រាំពីរពណ៌ចូលក្នុងពាង។ល។ ដើម្បីជៀសវាងមូសចម្លងជំងឺគ្រុនឈាមកើតរាលដាល។ ទន្ទឹមនឹងនោះ ត្រៀមវិនិច្ឆ័យដាច់ខាតនូវករណីកើតជំងឺជាថ្មី សម្បុកជំងឺ ឆ្លងរាលដាល; ម្ចាស់ការត្រួតពិនិត្យ ប្រទះឃើញនិងរាយការណ៍បន្ទាន់ដល់ថ្នាក់លើដើម្បីវិនិច្ឆ័យបានទាន់ពេល។ ដោយសារម្ចាស់ការនូវវិធានការបង្ការទប់ស្កាត់ជំងឺឆ្លងរាលដាល ម្ល៉ោះហើយ មកដល់ពេលនេះ ស្ថានភាពជំងឺគ្រុនឈាមតែងស្ថិតក្នុងការគ្រប់គ្រង។
លោកង្វៀងវ៉ាន់ថេម នាយកមជ្ឈមណ្ឌលគ្រប់គ្រងជំងឺសុកត្រាំង ឱ្យដឹង៖ “ខេត្តបានចង្អុលការភូមិភាគនានាដែលមានករណីកើតជំងឺគ្រុនឈាមខ្ពស់ គប្បីវាយតម្លៃឡើងវិញពីស្ថានភាពជំងឺរាលដាល និងពិនិត្យលក្ខឋានវិនិច្ឆ័យជំងឺឆ្លងរាលដាលដោយទ្រង់ទ្រាយធំ ទ្រង់ទ្រាយភូមិ ឃុំតាមសេចក្តីកំណត់; បង្កើនការត្រួតពិនិត្យ និងវិនិច្ឆ័យដាច់ខាតសម្បុករោគឆ្លង ទប់ស្កាត់មិនទុកឱ្យជំងឺឆ្លងរាលដាលនៅក្នុងសហគមន៍។ ទន្ទឹមនឹងនោះ ជំរុញការងារផ្សព្វផ្សាយដោយរូបភាពជាច្រើនដល់គ្រួសារប្រជាជន ដើម្បីលើកកម្ពស់ស្មារតីម្ចាស់ការក្នុងការបង្ការទប់ស្កាត់ជំងឺគ្រុនឈាម”៕
លីធាន-វិមាន