ប៉ុន្មានឆ្នាំមកនេះ របរចិញ្ចឹមក្ដាមនៅកាម៉ាវមានការរីកចម្រើនយ៉ាងលឿន រាប់តាំងពីផ្ទៃដីបរិមាណ តាមទិសដៅបង្កើតផលិតផលបម្រើដល់ការនាំចេញ រួមចំណែកបង្កើនប្រាក់ចំណូលដល់កសិករ។ ទោះបីដូច្នោះក៏ដោយ សព្វថ្ងៃរបរចិញ្ចឹមក្ដាមនៅកាម៉ាវ ក៏កំពុងប្រឈមនឹងការលំបាកដែលបង្កឡើងដោយសារអាកាសធាតុ បរិស្ថាននិងប្រភេទជំងឺផ្សេងៗដែលតែងកើតមានក្នុងដំណាក់កាលនៃការផ្លាស់ប្ដូររដូវកាល។ ហេតុនោះ ការចិញ្ចឹមក្ដាមក្នុងប្រអប់ជ័រ កំពុងជាទិសដៅមួយប្រកបដោយភាពច្នៃប្រតិដ្ឋ។
![ចិញ្ចឹមក្ដាមក្នុងប្រអប់ជ័រ](https://baocantho.com.vn/image/fckeditor/upload/2024/20240702/images/khmer/53.jpg)
ទម្រង់ចិញ្ចឹមក្ដាមក្នុងប្រអប់ជ័ររបស់គ្រួសារ បងស្រីក្វៀង។
គ្រួសារបងស្រី ង្វៀងធីក្វៀង នៅភូមិតឹងតាវ ឃុំតឹងហឹងដុង ស្រុកកាយណឿក បានធ្វើការសិក្សាស្រាវជ្រាវអនុវត្តទម្រង់ចិញ្ចឹមក្ដាម ក្នុងប្រអប់ជ័រដោយប្រើប្រាស់បច្ចេកវិទ្យាប្រព្រឹត្តកម្មទឹក ផ្ដល់ប្រសិទ្ធភាពសេដ្ឋកិច្ចខ្ពស់។ គន្លឹះដែលធ្វើឱ្យគ្រួសារបងស្រីក្វៀង ទទួលបានជោគជ័យក្នុងការចិញ្ចឹមទាំង ៥ លើក បងស្រីង្វៀងធីក្វៀង ចែករំលែក ក្ដាមដែលយកមកចិញ្ចឹមគឺក្ដាមមានសុខភាពល្អ ទើបអត្រាការខាតបង់ទាប។ ឆ្លងកាត់ដំណាក់កាលនៃការចិញ្ចឹម ត្រូវមានការពិនិត្យតាមដានជាប្រចាំ ដូចជា សុខភាពក្ដាម កម្រិតនៃការស៊ីចំណី តាមរយៈការកត់សម្គាល់ ដើម្បីសម្រួលដល់ការផ្ដល់ចំណីឱ្យបានសមស្រប។
![ចិញ្ចឹមក្ដាមក្នុងប្រអប់ជ័រ](https://baocantho.com.vn/image/fckeditor/upload/2024/20240702/images/khmer/54.jpg)
ទឹកដែលបានបូមចូលក្នុងអាងបេតុង ឆ្លងកាត់ប្រព័ន្ធប្រព្រឹត្តកម្មទឹកដើម្បីដាក់
បញ្ចូលក្នុងប្រអប់ចិញ្ចឹមក្ដាម។
“ ក្ដាមដាក់ចូលក្នុងប្រអប់ចិញ្ចឹម ដើម្បីបំប៉នចំណីឱ្យឆាប់ធំធាត់ ពីក្ដាមមិនសូវមានសាច់ ជាក្ដាមមានសាច់ណែនពេញ; ក្ដាមឈ្មោលសាច់ទន់ ទៅជាក្ដាមសាច់រឹង; ក្ដាមញីទៅជាក្ដាមសក។ រយៈពេលចិញ្ចឹមបំប៉នពី ១០-៤០ ថ្ងៃ ទៅតាមប្រភេទក្ដាមនីមួយៗ អាចនឹងលក់ចេញទីផ្សារបាន។ ចំពោះប្រភពចំណីក្ដាមវិញគឺមានស្រាប់ក្នុងមូលដ្ឋានងាយស្រួលរក ដូចជា ត្រីទីឡាព្យា គ្រំចំពុះទា និងខ្យងជាដើម។ បងស្រីង្វៀងធីក្វៀង ចែករំលែកព្រមទាំងឱ្យដឹងបន្ថែម ការពង្រីកបន្ថែមទំហំនៃការចិញ្ចឹមគឺសមស្របខ្លាំងណាស់ ចំណាយក្នុងការចិញ្ចឹមក៏ត្រូវបានកាត់បន្ថយ អាស្រ័យលើប្រព័ន្ធចិញ្ចឹមព្រលែងក្នុងស្រះចិញ្ចឹមត្រីទីឡាព្យាប្រយោជន៍ ដើម្បីគ្រឹះទឹកក្នុងស្រះឱ្យថ្លាទៀតផង។
សម្រាប់អ្នកទើបចិញ្ចឹមដំបូង ចំណាយដើមពិតជាទុនធ្ងន់បន្តិច ទោះបីដូច្នោះក៏ដោយ បើតាមការគិតគ្នន់គ្នេររបស់បងស្រីង្វៀងធីវ៉ៀង គឺអ្នកចិញ្ចឹមអាចនឹងស្រង់ដើមទុនឡើងវិញទៅតាមរដូវកាលនៃការចិញ្ចឹម។ ក្នុងមួយរដូវចិញ្ចឹមជាមធ្យមពី ១០-៤០ ថ្ងៃ អាចលក់បានចំណេញពី ៥ - ៧ លានដុង។
សព្វថ្ងៃ ប្រអប់ចិញ្ចឹមប្រមាណ ២០០ ប្រអប់គ្រួសារបងស្រីក្វៀង អនុវត្តរូបមន្តចិញ្ចឹមវិលជុំ ដើម្បីធានាថាថ្ងៃណាគ្រួសារបងស្រីក៏មានក្ដាមលក់ចេញ។ ផ្ដើមពីការធ្វើនេះ គ្រួសារបងស្រី ម្ចាស់ការបានការលក់ផលិតផលក្ដាម ទោះក្នុងដំណាក់កាលដែលក្ដាមមិនសូវមានលើទីផ្សារលក់បានថ្លៃ ម្ល៉ោះហើយប្រាក់ចំណេញអាចកើនឡើងជាង១៥០%។
លោក ត្រឹងថាញលីម ប្រធានសមាគមកសិករឃុំតឹងហឹងដុង ស្រុកកាយណឿក ឱ្យដឹង តាមការវាយតម្លៃជាបឋម ទម្រង់នេះមិនត្រឹមតែនាំមកផល ចំណេញល្អប្រសើរលើសពីនេះទៀតគឺកសិករចាប់ផ្ដើមមានការចាប់អារម្មណ៍ដល់ការអនុវត្តវិទ្យាសាស្រ្តបច្ចេកវិទ្យាក្នុងការផលិត។ សព្វថ្ងៃ ទម្រង់ចិញ្ចឹមក្ដាមក្នុងប្រអប់ជ័ររបស់គ្រួសារបងស្រីក្វៀង ត្រូវបានការិយាល័យកសិកម្មនិងអភិវឌ្ឍន៍ជនបទ ស្រុកកាយណឿក វិនិយោគ១៨០ លានដុងដើម្បីពង្រីកទម្រង់៕
ប្រភពៈ TTXVN - ពេជ្រសឿន