មហាសាមគ្គីជនជាតិ ភូមិស្រុកផ្លាស់ថ្មី

07/05/2024 - 08:24

ប្រធានសាខាសមាគមនារីធ្វើសេដ្ឋកិច្ចពូកែ

បងស្រី ថាច់ធីថើយ ប្រធានសាខាសមាគមនារីភូមិហ្វៀងឌឹក ឃុំឡុងសើុង ស្រុកកូវង៉ាង ខេត្តត្រាវិញ មិនត្រឹមតែធ្វើសេដ្ឋកិច្ចពូកែប៉ុណ្ណោះទេ នៅទាំងអនុវត្តល្អការងារអង្គការមហាជន ជួយដល់ការចលនារបស់ភូមិភាគរីកចម្រើនពីមួយថ្ងៃទៅមួយថ្ងៃទៀតផង។

បងស្រីថាច់ធីថើយ ពិនិត្យបញ្ជីសមាជិកបុលទុន។

ជាមួយនឹងគោលបំណងជួយបងប្អូននារីមានភាពជឿនលឿន បងស្រី ថាច់ធីថើយ តែងសិក្សាស្រាវជ្រាវឯកសារផ្សេងៗ ដែលជាប់ពាក់ព័ន្ធ ក៏ដូចជាការចលនារបស់សមាគមនារី ដើម្បីអនុត្តការងារផ្សព្វផ្សាយជួយបងប្អូននារីក្នុងភូមិ មិនត្រឹមតែមានភាពជឿនលឿនសម្រាប់ខ្លួនផ្ទាល់ប៉ុណ្ណោះទេ នៅថែមទាំងលើកកម្ពស់ការទទួលខុសត្រូវក្នុងការអប់រំកូនចៅក្នុងគ្រួសារកាន់តែល្អពីមួយថ្ងៃទៅមួយថ្ងៃទៀតផង។ បងស្រី ថាច់ធីថើយ ឱ្យដឹង៖ “ភូមិហ្វៀងឌឹក បច្ចុប្បន្នមានប្រជាជន ៣៥០ គ្រួសារ ដោយមានមនុស្សប្រមាណ ១.៥០០ នាក់ ក្នុងនោះ ជនរួមជាតិខ្មែរស្រូបអត្រាជាង ៣៥%។ ភូមិត្រូវបានទទួលស្គាល់ជាភូមិវប្បធម៌ជនបទថ្មី។ បច្ចុប្បន្នភូមិនៅមានគ្រួសារក្រីក្រចំនួន ១០ គ្រួសារប្រកៀកបន្ទាត់ក្រចំនួន ២៥ ។ ដោយឡែកចំពោះសមាជិកសមាគមនារី សព្វថ្ងៃគ្មាននៅគ្រួសារសមាជិកណាស្ថិតក្នុងខ័ណ្ឌគ្រួសារក្រីក្រ។ ភូមិហ្វៀងឌឹក ពីមុននេះ មានមុខសញ្ញាជាច្រើនដែលជាប់ពាក់ព័ន្ធនឹងបាបគ្រោះសង្គម ធ្វើឱ្យប៉ះពាល់ដល់ស្ថានភាពសន្ដិសុខ សណ្ដាប់ធ្នាប់របស់ភូមិភាគ។ កំណត់ច្បាស់នោះគឺជាភារកិច្ចរបស់បងប្អូននារីដែលត្រូវការជួយក្មេងៗជំទង់ឱ្យគោរពច្បាប់ បានជានាងខ្ញុំតែងប្រមូលផ្ដុំបងប្អូននារីចូលរួមប្រជុំ ដើម្បីអនុវត្តល្អការងារផ្សព្វផ្សាយ។ ផ្ដើមពីនោះ មានបងប្អូននារីជាច្រើន កាន់តែលើកកម្ពស់តួនាទីរបស់ខ្លួនក្នុងការគ្រប់គ្រងគ្រួសារ កូនចៅកាន់តែមានប្រសិទ្ធភាព”។

បងស្រីថាច់ធីថើយ ថែទាំគោរបស់គ្រួសារ។

ចំពោះការអភិវឌ្ឍសេដ្ឋកិច្ចគ្រួសារ បងស្រី ថាច់ធីថើយ ត្រូវបានចាត់ទុកជាអ្នកឈានមុខម្នាក់ “ហ៊ានគិត ហ៊ានធ្វើ និងហ៊ានទទួលខុសត្រូវ”។ ជាក់ស្ដែង ក្នុងសកម្មភាពសាខាសមាគមនារី បងស្រី តែងក្ដាប់ពីបំណងប្រាថ្នារបស់បងប្អូននារី ប្រសិនបើពិនិត្យឃើញបងប្អូននារីមានតម្រូវការខាងទុន បងស្រីក៏ស្នើទៅសមាគមថ្នាក់លើបង្កើតគម្រោងនិងស្នើជំនួយទុនដល់បងប្អូននារី។ មកទល់បច្ចុប្បន្ន មានបងប្អូននារីជាច្រើនកសាងបានទម្រង់ចិញ្ចឹមសត្វ ដាំដុះ រួមចំណែកលំនឹងសេដ្ឋកិច្ចគ្រួសារ។

លោកស្រីង្វៀងធីធូថៅ ប្រធានសមាគមសហព័ន្ធនារីឃុំឡុងសើុង ឱ្យដឹង៖ “មិនត្រឹមតែពូកែអភិវឌ្ឍសេដ្ឋកិច្ចគ្រួសារប៉ុណ្ណោះទេ បច្ចុប្បន្ន បងស្រីថាច់ធីថើយ នៅទាំងខ្នះខ្នែងនិងតែងសកម្មឈានមុខក្នុងចលនារបស់ភូមិភាគទៀតផង។ ជាមួយនឹងតួនាទីជាប្រធានសាខាសមាគមនារី បងស្រីរួមជាមួយនឹងសមាជិកជួយដល់បងប្អូននារីជាច្រើនចាកផុតពីភាពក្រីក្រប្រកបដោយចីរភាព ឈានឡើងពង្រីកសេដ្ឋកិច្ចគ្រួសារ”៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ