មហាសាមគ្គីជនជាតិ ភូមិស្រុកផ្លាស់ថ្មី

22/04/2024 - 16:21

បាកលីវ អនុវត្តមានប្រសិទ្ធភាពវិធានការទប់ទល់នឹងភាពហួតហែង ជ្រាបទឹកប្រៃ

ម្ចាស់ការទប់ស្កាត់នឹងផលប៉ះពាល់ផ្សេងៗពីគ្រោះរាំងស្ងួតជ្រាបទឹកប្រៃ គណៈកម្មាធិការប្រជាជនខេត្តបាកលីវ ម្ចាស់ការកសាងសេណារីយូ ចំនួន ៣ បង្កបានការឯកភាពខ្ពស់ក្នុងការដឹកនាំចង្អុលការ ទើបធានាបានប្រភពទឹកសម្រាប់បម្រើផលិតកម្ម ប្រជុំជីវភាពដល់ប្រជាជនក្នុងរដូវប្រាំង។

ប្រព័ន្ធប្រឡាយធារាសាស្រ្តវាលស្រែបាកលីវ នៅតែធានាទឹកសាបសម្រាប់
បម្រើផលិតកម្មរបស់ប្រជាជន។

យោងតាមមន្ទីរកសិកម្មនិងអភិវឌ្ឍន៍ជនបទខេត្តបាកលីវ សេណារីយូ ចំនួន ៣ ដែលទប់ស្កាត់នឹងគ្រោះរាំងស្ងួត ជ្រាបទឹកប្រៃ ត្រូវបានកសាងទៅក្នុងផែនការផលិតកម្មកសិកម្មសម្របនឹងការប្រែប្រួលអាកាសធាតុរដូវកាល ២០២៣ –២០២៤។ ជាក់ស្តែង សេណារីយូទី១គឺ៖ ភាពប្រែប្រួលនៃគ្រោះរាំងស្ងួត ជ្រាបទឹកប្រៃក្នុងរដូវប្រាំងឆ្នាំ ២០២៣-២០២៤ មិនមានក្តៅខ្លាំងដូចរដូវប្រាំងឆ្នាំ ២០១៥ -២០១៦; សេណារីយូទី២គឺ៖ ភាពប្រែប្រួលនៃគ្រោះរាំងស្ងួត ជ្រាបទឹកប្រៃក្នុងរដូវប្រាំងឆ្នាំ ២០២៣-២០២៤ ក្តៅខ្លាំងប្រហែលនឹងរដូវប្រាំង ឆ្នាំ ២០១៥-២០១៦; សេណារីយូទី៣គឺ៖ ភាពប្រែប្រួលនៃគ្រោះរាំងស្ងួត ជ្រាបទឹកប្រៃក្នុងរដូវប្រាំងឆ្នាំ ២០២៣-២០២៤ ក្តៅខ្លាំងជាងរដូវប្រាំង ២០១៥-២០១៦។

មានប្រភពទឹកសាប ប្រជាជនផលិតស្រូវនៅបាកលីវស្ងប់ចិត្តបង្កបង្កើនផល។

ផ្តើមពីការវិភាគ វាយតម្លៃស្ថានភាព គណៈកម្មាធិការប្រជាជនខេត្ត បានជ្រើសយកសេណារីយូ ២ ដោយមានថវិកាអនុវត្តជាង ២១ ពាន់លានដុង។ តាមប្រសាសន៍លោក ឡឺវហ្វាងលី នាយកមន្ទីរកសិកម្មនិងអភិវឌ្ឍន៍ជនបទខេត្តបាកលីវ ខេត្តបានដាក់ចេញក្រុមដំណោះស្រាយ ២ ក្រុម ដែលទប់ស្កាត់នឹង El Nino។ ចំពោះក្រុមដំណោះស្រាយលើសំណង់ គឺបង្កើនការដ្ឋានសាងសង់ ជួសជុលប្រព័ន្ធសំណង់ធារាសាស្រ្ត ផ្គត់ផ្គង់ទឹកស្អាតជនបទ; រៀបចំគម្រោងទប់ទំនប់បណ្តោះអាសន្ន ដើម្បីបូមបន្តឈានទៅខែដែលរាំងខ្លាំងក្នុងរដូវប្រាំងសម្រាប់ស្រូវរដូវប្រាំង។ ចំពោះក្រុមដំណោះស្រាយ ក្រៅពីសំណង់ខេត្តបង្កើនការជូនព័ត៌មាន ផ្សព្វផ្សាយតាមរយៈមធ្យោបាយព័ត៌មានមហាជនផ្សេងៗ ដើម្បីប្រជាជនក្តាប់ច្បាស់ពីការប្រែប្រួលអាកាសធាតុក្នុងរដូវប្រាំង។ ផ្តើមពីនោះ ម្ចាស់ការបង្ការចៀសវាងផលប៉ះពាល់ផ្សេងៗលើការបង្កបង្កើនផល និងជីវភាពម្ចាស់ការទប់ស្កាត់នឹងគ្រោះរាំងស្ងួតនិងជ្រាបទឹកប្រៃ កាត់បន្ថយកម្រិតទាបបំផុតលើការខូចខាត ដែលអាចកើតមានឡើង។ គ្រប់ស្ថាប័នជំនាញ គប្បីរៀបចំពិនិត្យគុណភាពប្រភពទឹក ជូនដំណឹងដល់ប្រជាជនជាប្រចាំ; មានផែនការសម្រួលទឹកឱ្យបានសមស្រប ជូនដំណឹងដល់ប្រជាជនបានទាន់ពេលពីហានិភ័យនៃការជ្រាបទឹកប្រៃ ឬជន់លិច ប៉ះពាល់ដល់ការបង្កបង្កើនផល; ណែនាំកសិករពិនិត្យកម្រិតទឹកប្រៃមុនពេលបូមចូលស្រែ ចៀសវាងការខូចខាតដំណាំ។ល។

ចំពោះការផ្គត់ផ្គង់ទឹកប្រើប្រាស់វិញ មជ្ឈមណ្ឌលទឹកស្អាតនិងអនាម័យបរិស្ថានជនបទ កំពុងគ្រប់គ្រងដំណើរការប្រព័ន្ធផ្គត់ផ្គង់ទឹក ប្រមូលផ្តុំ ១១៥ កន្លែង សម្រាប់បម្រើប្រជាជន ៨២.០៨០ គ្រួសារ ស្ថាប័ន និងអង្គភាពមួយចំនួនទៀតលើភូមិសាស្រ្តខេត្ត។ មកទល់ពេលនេះ ស្ថានីយផ្គត់ផ្គង់ទឹកលើភូមិសាស្រ្តខេត្តនៅដំណើរការធម្មតា ជាបន្តបន្ទាប់ធានាប្រភពទឹកផ្គត់ផ្គង់ឱ្យគ្រប់សម្រាប់ប្រជាជនប្រជុំជីវភាព៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ