សុខភាព - អប់រំ សុខភាព

08/04/2024 - 17:00

ថែទាំសុខភាពជូនប្រជាជនបានល្អ

យោងតាមប្រសាសន៍លោកថាច់យឿង ប្រធានគណៈជនជាតិខេត្តវិញឡុង អត្រាឃុំនៅតំបន់ជនរួមជាតិភាគតិចក្នុងខេត្តមានដំណាក់សុខាភិបាលសម្រេចបទដ្ឋានជាតិ១០០%។ នេះជាបុព្វបទដើម្បីការងារថែទាំសុខភាពបឋមជូនប្រជាជននៅតំបន់ឆ្ងាយដាច់ស្រយាល តំបន់មានជនរួមជាតិភាគតិចរស់នៅកុះករ អនុវត្តបានល្អប្រសើរ។

ដំណាក់សុខាភិបាលឃុំទ្រុងថាញ់ តែងរៀបចំបធានបទឯកទេសពីការពិនិត្យសុខភាពស្ត្រីមានផ្ទៃពោះតាមកាលកំណត់ ព្រមទាំងណែនាំបងប្អូននារីនៅភូមិភាគចម្អិនអាហារសម្បូរជីវជាតិ ទាក់ទាញបងប្អូននារីចូលរួមយ៉ាងច្រើនកុះករ។

មិនត្រឹមតែធានាមូលដ្ឋានសម្ភារៈសមរម្យ បំពាក់គ្រឿងបរិក្ខារពេទ្យគ្រប់សព្វ ឆ្លើយតបទៅនឹងតម្រូវកាថែទាំសុខភាពបឋមប៉ុណ្ណោះទេ ដំណាក់សុខាភិបាលទាំងអស់នៅតំបន់ជនជាតិភាគតិចសុទ្ធសឹងតែមានវេជ្ជបណ្ឌិត។ ពិសេស បរិមាណភាពនិងគុណភាព កម្មាភិបាលសុខាភិបាលជាជនជាតិភាគតិច មានកម្រិតវិជ្ជាមុខជំនាញមហាវិទ្យាល័យសម្រេចជាង៧០% ដំណាក់សុខាភិបាលនៅតំបន់ជនជាតិ ភាគច្រើនមានកម្មាភិបាលសុខាភិបាលជាជនជាតិភាគតិច។ លោកស្រីសើុងធីង៉ុកហឿង អនុប្រធានដំណាក់សុខាភិបាលឃុំទ្រុងថាញ់ ស្រុកវុងលីម ឱ្យដឹង៖ “នាងខ្ញុំបានអង្គភាពបញ្ជូនទៅសិក្សាវគ្គបង្កើនកម្រិតវិជ្ជា ដើម្បីធានាការងារពិនិត្យព្យាបាលជំងឺ ក៏ដូចជាចូលរួមក្នុងការងារគ្រប់គ្រង។ ការបានបញ្ជូនទៅសិក្សាជារឿយៗ ជួយឱ្យកម្មាភិបាលសុខាភិបាលជាជនជាតិភាគតិចកាន់តែមានទំនុកចិត្ត។ ផ្តើមពីនោះ អនុវត្តសម្រេចល្អនូវភារកិច្ចដែលបានប្រគល់ឱ្យ។ បច្ចុប្បន្ន ដំណាក់មានបុគ្គលិកពេទ្យជាជនជាតិភាគតិច២នាក់ កំពុងបានបញ្ជូនទៅសិក្សាដើម្បីបង្កើនកម្រិតវិជ្ជា”។ មិនត្រឹមតែផ្តុំកម្លាំងអនុវត្តល្អការងារមុខជំនាញទេ ដំណាក់សុខាភិបាលឃុំទ្រុងថាញ់នៅទាំងសហការជិតស្និទ្ធជាមួយអង្គការមហាជននានានៅភូមិភាគ ធ្វើការផ្សព្វផ្សាយនៅមូលដ្ឋានបានល្អផងដែរ។ បងសើុងថាញណាម អនុលេខាសម្ព័ន្ធយុវជនឃុំទ្រុងថាញ់ ឱ្យដឹង៖ “សម្ព័ន្ធយុវជនឃុំនិងដំណាក់សុខាភិបាល តែងសហការផ្សព្វផ្សាយជារឿយៗអំពីការបង្ការទប់ស្កាត់ រោគរាតត្បាត កាប់ឆ្ការគុម្ពោតព្រៃឱ្យបានស្រឡះស្រឡំ ដើម្បីកុំឱ្យមូសជ្រកកើតកើន”។

ខណៈពេលហេដ្ឋារចនាសម្ព័ន្ធសុខាភិបាលមូលដ្ឋានត្រូវបានវិនិយោគកសាង បុគ្គលិកពេទ្យបានបណ្តុះបណ្ដាលបំពាក់បំប៉នមានកម្រិតវិជ្ជាមុខជំនាញសម្រេចតាមតម្រូវការ ដូច្នេះ ការងារថែទាំសុខភាពបឋមជូនប្រជាជន កាន់តែមានភាពល្អប្រសើរពីមួយថ្ងៃទៅមួយថ្ងៃ។ បងស្រីថាច់ធីបានី នៅឃុំដុងប៊ិញ ទីរួមខេត្តប៊ិញមិញ ឱ្យដឹង៖ “មុននេះ ពេលក្តៅខ្លួន ឬផ្តាសាយម្តងៗ ខ្ញុំតែងទៅឱសថស្ថានទិញថ្នាំលេប។ ឥឡូវ ពេលឈឺថ្កាត់ខ្ញុំទៅពិនិត្យសុខភាពនៅដំណាក់សុខាភិបាល បានគ្រូពេទ្យពិនិត្យនិងផ្តល់ថ្នាំពេទ្យដោយឥតគិតថ្លៃ ម៉្លោះហើយ ខ្ញុំពេញចិត្តណាស់”។ អាស្រ័យ អនុវត្តល្អនូវការងារថែទាំសុខភាពបឋមជូនប្រជាជន ដូច្នេះ ដំណាក់សុខាភិបាលបង្កបានទំនុកចិត្ត ផ្តើមពីនោះ រួមចំណែកលើកកម្ពស់ អត្រាប្រជាជនចូលរួមប័ណ្ណធានារ៉ាប់រងសុខាភិបាលកាន់តែច្រើន។ បច្ចុប្បន្ន សរុបចំនួនប្រជាជនមានប័ណ្ណធានារ៉ាប់រងសុខាភិបាលដែលនៅមានសុពលភាពប្រើប្រាស់ទូទាំងខេត្ត គឺ៩៣០.៣៩៧នាក់ សម្រេច៩៧,៨%នៃផែនការដែលធានារ៉ាប់រងសង្គមវៀតណាមប្រគល់ឱ្យ កើន២,៤%បើប្រៀបនឹងរយៈពេលដូចគ្នាកាលពីឆ្នាំមុន។ អត្រាជនរួមជាតិភាគតិចចូលរួមប័ណ្ណធានារ៉ាប់រងសុខាភិបាលសម្រេចអត្រាខ្ពស់គឺជាង១៥.៤១៦នាក់៕

ហាថាញ-មុនី

ចែករំលែកអត្ថបទ

ពាក្យគន្លឹះ