មហាសាមគ្គីជនជាតិ ភូមិស្រុកផ្លាស់ថ្មី

04/03/2024 - 16:43

ស្រុកជនបទថ្មីតាមប៊ិញ

ក្រោយពីជាង ១០ ឆ្នាំកសាងជនបទថ្មី ស្រុកតាមប៊ិញ បានទទួលស្គាល់ជាស្រុកជនបទថ្មី។ ផ្តើមពីនោះ ជីវភាពប្រជាជនមានការរីកចម្រើន មុខមាត់ជនបទផ្លាស់ថ្មីជាលំដាប់។

សាលាបឋមសិក្សាថាច់ធា នៅឃុំឡងមីសម្រេចបទដ្ឋានជាតិ។

ប្រសិនបើស្រុកតាមប៊ិញជាមជ្ឈមណ្ឌលរបស់ខេត្តវិញឡុង ដូច្នេះឃុំឡងមីមានទីតាំងស្ថិតនៅចំមជ្ឈមណ្ឌលស្រុកតាមប៊ិញ។ ឡងមីជាឃុំដែលមានជនរួមជាតិខ្មែររស់នៅច្រើនបំផុតរបស់ស្រុក ម៉្លោះហើយ ក្រៅពីកម្មវិធីគម្រោងនានាកសាងជនបទថ្មី ឃុំនៅទាំងបានផ្គួបបញ្ជូលកម្មវិធី គម្រោងពិសេសដោយឡែករបស់រដ្ឋាភិបាល សម្រាប់តំបន់ដែលមានជនជាតិភាគតិចរស់នៅកុះករ។ ហេតុនោះ ហេដ្ឋារចនាសម្ព័ន្ធរបស់ឃុំមានការផ្លាស់ថ្មីជាលំដាប់តាមល្បឿននៃការកសាងជនបទថ្មី។ រហូតមកដល់ឆ្នាំ២០២៣ ទូទាំងស្រុកសម្រេចបទដ្ឋានជនបទថ្មី ឡងមីក៏កាន់តែមានភាពរីកចម្រើន។ លេចធ្លោបំផុត គឺដងផ្លូវជនបទថ្មីមានបំពាក់អំពូលភ្លើងបំភ្លឺផ្លូវ។ នៅតាមសាលារៀនសម្រេចបទដ្ឋានជាតិ មានបំពាក់សម្ភារៈបរិក្ខារគ្រប់គ្រាន់ ដើម្បីបម្រើការរៀនសូត្រសម្រាប់សិស្សជនជាតិភាគតិច។ លោកគ្រូ ថាច់ប៊ិញថាញ គ្រូបង្រៀនសាលាបឋមសិក្សាថាច់ធា ឃុំឡងមី ឱ្យដឹង៖ “ខ្ញុំកើតនិងធំដឹងក្តីនៅឃុំឡងមី ម្ល៉ោះហើយយល់ច្បាស់ពីការផ្លាស់ប្តូរនៅទីនេះ។ បើប្រៀបធៀបនឹងពីមុន ផ្លូវគមនាគមន៍ សាលារៀន ដំណាក់សុខាភិបាលគឺប្លែកទាំងអស់ ដូច្នេះ សិស្សានុសិស្សទៅរៀនក៏មានភាពងាយស្រួលជាង។ ដោយសារគោលនយោបាយអនុគ្រោះរបស់រដ្ឋ ទើបជីវភាពប្រជាជននិយាយរួម និងជនរួមជាតិភាគនិយាយដោយឡែកត្រូវបានលើកស្ទួយ។ តួយ៉ាងដូចគ្រួសារខ្ញុំ បានរដ្ឋឧបត្ថម្ភកូនៗរៀនសូត្រត្រឹមត្រូវ។ ឆ្នាំកន្លង កូនស្រីពៅរបស់ខ្ញុំបញ្ចប់ថ្នាក់បរិញ្ញាបត្រផ្នែកគរុកោសល្យអប់រំមត្តេយ្យ សព្វថ្ងៃទៅបង្រៀននៅខេត្តឡុងអាង”។

ហេដ្ឋារចនាសម្ព័ន្ធជនបទនៅឃុំឡងមី។

មិនត្រឹមតែជាមជ្ឈមណ្ឌលរបស់ខេត្តតាមប៊ិញនៅទាំងជាតំបន់ជំនាញផលិតស្រូវ ដោយមានផ្ទៃដីផលិតជារៀងរាល់ឆ្នាំ ១១.០០០ ហិកតា/រដូវ បានពង្រាយគ្រប់ឃុំក្នុងស្រុក និងតំបន់ជំនាញផលិតឈើហូបផ្លែ ក្នុងនោះដាំក្រូចពោធិ៍សាត់ជាដំណាំស្នូល ដោយមានផ្ទៃដីផលិតជិត៣.៧៤០ហិកតា។ ទាំងនេះគឺជាភាពងាយស្រួល ដើម្បីរួមចំណែកបង្កើនប្រាក់ចំណូលមធ្យមភាគលើមនុស្សម្នាក់ទូទាំងស្រុក សម្រេច៥៧,៧ លានដុង/ម្នាក់/ឆ្នាំ (កើនមធ្យមភាគជារៀងរាល់ឆ្នាំ ៣,៦៨ លានដុង/ម្នាក់/ឆ្នាំ បើប្រៀបធៀបនឹងឆ្នាំ ២០១១)។ ផ្តើមពីលទ្ធផលដូចពោលខាងលើ តាមរយៈការស្ទង់មតិ អត្រាពេញចិត្តរបស់ប្រជាជនចំពោះលទ្ធផលកសាងជនបទថ្មីរបស់ស្រុក គឺ៩៧,៥៨% សម្រេចលើស៧,៥៨% បើប្រៀបធៀបនឹងការកំណត់ ក្នុងនោះ អត្រាពេញចិត្តរបស់ប្រជាជននៅតាមឃុំនីមួយៗសម្រេចពី៩៥,២៧% ឡើងទៅ សម្រេចលើស ១៥,២៥% បើប្រៀបធៀបនឹងការកំណត់។

តាមប្រសាសន៍លោកគឹមកាន់ អនុប្រធានការិយាល័យគណៈកម្មាធិការប្រជាជន-ក្រុមប្រឹក្សាប្រជាជនស្រុកតាមប៊ិញ ជនបទថ្មីគឺជាឈ្នាន់ដើម្បីប្រជាជនពង្រីកសេដ្ឋកិច្ចឈានឡើងក្នុងជីវភាព រួមនឹងរដ្ឋរួមចំណែកក្នុងការលើកកម្ពស់គុណភាពលក្ខឋាន ឈានដល់ជនបទថ្មីកម្រិតខ្ពស់ ជនបទថ្មីគំរូ៕

ហាថាញ-មុនី

ចែករំលែកអត្ថបទ

ពាក្យគន្លឹះ