សុខភាព - អប់រំ អប់រំ

22/01/2024 - 16:02

ហូវយ៉ាង បន្តធ្វើឱ្យសុក្រឹតប្រព័ន្ធសាលារៀន

ក្រោយរយៈពេល២០ឆ្នាំបង្កើតខេត្ត ការអប់រំលើភូមិសាស្រ្តខេត្តហូវយ៉ាងមានការរីកចម្រើនដោយឥតឈប់ឈរ ពិសេសគឺប្រព័ន្ធសាលារៀនកាន់តែសុក្រឹតតាមទិសដៅទំនើប។

សិស្សានុសិស្សរបស់សាលាបឋមសិក្សាវីដុង៣ ស្រុកវីធ្វី ក្នុងម៉ោងចេញលេង។ នេះជាសាលារៀនមួយក្នុងចំណោមសាលារៀនទាំង៣របស់ឃុំវីដុងដែលសម្រេចបទដ្ឋានជាតិ។

តាមប្រសាសន៍លោក វ៉ថាញម៉ុង នាយការិយាល័យមន្ទីរអប់រំនិងបណ្ដុះបណ្ដាលខេត្តហូវយ៉ាង រយៈពេលកន្លង ផ្នែកអប់រំខេត្តហូវយ៉ាង បានធ្វើសេនាធិការជូនគណៈកម្មាធិការប្រជាជនខេត្ត ដើម្បីរៀបចំប្រព័ន្ធសាលារៀនឡើងវិញតាមទិសដៅកាត់បន្ថយសាខាសាលា ផ្ដុំកម្លាំងវិនិយោគមូលដ្ឋានសម្ភារៈនៅទីតាំងមណ្ឌលសាលាតាមទិសដៅសម្រេចបទដ្ឋានជាតិ។ ពិសេស គឺការបង្កើតសាលាអនុវិទ្យាល័យ វិទ្យាល័យខ្នាតធំថ្មីមួយចំនួន ដើម្បីឆ្លើយតបតម្រូវការសិក្សារបស់សិស្សានុសិស្សនៅភូមិភាគដែលមិនទាន់មានវិទ្យាល័យ មានដូច៖ វិទ្យាល័យតីដូ នៅទីប្រជុំជនវិញវៀង វិទ្យាល័យជនជាតិអន្តេវាសិកខេត្ត មានទីតាំងនៅទីប្រជុំជនណាងម៉ាវ វិទ្យាល័យជនជាតិអន្តេវាសិកហ៊ីមឡាម នៅទីប្រជុំជនរ៉ាច់ហ្គយ។ល។ ហើយថ្មីៗនេះ គឺវិទ្យាល័យអន្តរកម្រិត FPT ហូវយ៉ាង នៅឃុំវីទ្រុង ស្រុកវីធ្វី។ល។

វិទ្យាល័យអន្តរកម្រិត FPT ហូវយ៉ាង ត្រូវបានកសាងឡើងព្រមគ្នាៗ ដោយមានផ្ទៃដីប្រើប្រាស់សរុបជាង៥ហិកតា មានអគារសិក្សាចំនួន២ អគារសេវាកម្មចំនួន២ អគារហ្វឹកហាត់ និងប្រកួតកីឡា មណ្ឌលហាត់កីឡាខាងក្រៅទីលានបាល់ទាត់ទេសភាពជុំវិញនិងសំណង់បន្ទាប់បន្សំផ្សេងៗទៀត។ សាលាទទួលបណ្ដុះបណ្ដាលទាំង៣កម្រិត៖ បឋមសិក្សា អនុវិទ្យាល័យនិងវិទ្យាល័យ។ នៅពេលដាក់ឱ្យប្រើប្រាស់ សាលាមានទ្រង់ទ្រាយទទួលសិស្សប្រមាណ ៥.១០០នាក់/ឆ្នាំសិក្សា និងបង្កើតការងារធ្វើសម្រាប់គ្រូបង្រៀន កម្មាភិបាលគ្រប់គ្រងនិងបុគ្គលិកប្រមាណ៣០០នាក់។ សាលាដំណើរការបែបទម្រង់អឌ្ឍអន្តេវាសិក មានរថយន្តជូនដំណើរទៅមករៀងរាល់ថ្ងៃ ដើម្បីធានាសុវត្ថិភាពនិងងាយស្រួលសម្រាប់សិស្សានុសិស្សទៅកាន់សាលា។ ថ្លែងយោបល់ក្នុងពិធីបើកការដ្ឋាន លោកដុងវ៉ាន់ថាញ ប្រធានគណៈកម្មាធិការប្រជាជនខេត្តហូវយ៉ាង គូសបញ្ជាក់គម្រោងវិទ្យាល័យអន្តរកម្រិត FPT ហូវយ៉ាង ពេលដាក់ឱ្យប្រើប្រាស់នឹងរួមចំណែកក្នុងការផ្ដល់ប្រភពធនធានសិស្សប្រកបដោយគុណភាពសម្រាប់អនុមហាវិទ្យាល័យ មហាវិទ្យាល័យមិនត្រឹមតែនៅខេត្តហូវយ៉ាងប៉ុណ្ណោះទេ ថែមទាំងនៅតំបន់ជិតខាងមួយចំនួន នាពេលអនាគតអាចក្លាយជាប្រភពកម្លាំងបញ្ញវន្តដ៏សំខាន់ រួមចំណែកដល់ការបង្កើតនិងអភិវឌ្ឍរចនាសម្ព័ន្ធសេដ្ឋកិច្ច មុខរបរថ្មីៗ ចំពោះការអប់រំបណ្ដុះបណ្ដាលនេះគឺជាកម្លាំងចលករនិងមូលដ្ឋានគ្រឹះដ៏រឹងមាំសម្រាប់ការអភិវឌ្ឍ។

ទន្ទឹមនឹងសាលាថ្មីៗបានបង្កើតប្រព័ន្ធសាលារៀនរបស់ខេត្តហូវយ៉ាង ក៏កាន់តែសុក្រឹតតាមទិសដៅសម្រេចបទដ្ឋានជាតិ។ ជាពិសេស គឺសាលារៀននៅតំបន់ជនរួមជាតិភាគតិចរស់នៅកុះករ។ លោកដាវវ៉ូវ នៅភូមិត្រឿងថាំង ឃុំទ្រឿងឡុង A ស្រុកចូវថាញ់ A ឱ្យដឹង៖ “នៅឃុំខ្ញុំ សាលារៀនសាងសង់ឡើងមានទំហំធំៗណាស់ បានជាខ្ញុំលំនឹងចិត្តឱ្យកូនៗទៅរៀនសូត្រ”៕

ហាថាញ- ថាច់ធី

ចែករំលែកអត្ថបទ

ពាក្យគន្លឹះ