គោលនយោបាយ -ការរស់នៅ គោលនយោបាយ

13/11/2023 - 16:48

ទុនឥណទានគោលនយោបាយជាចំណុចលេចធ្លោអនុវត្តគោលនយោបាយកាត់បន្ថយភាពក្រីក្រ

ប្រភពទុនឥណទានរបស់ធនាគារគោលនយោបាយសង្គម បានបង្កលក្ខណៈសម្រាប់អ្នកក្រ ជនជាតិភាគតិចនិងមុខសញ្ញាក្របខ័ណ្ឌគោលនយោបាយនៅខេត្តសុកត្រាំង មានលក្ខណសម្បត្តិអភិវឌ្ឍសេដ្ឋកិច្ច បង្កើតការងារធ្វើ កែលម្អនិងលើកកម្ពស់ជីវភាព។

វគ្គបង្រៀនរបរត្បាញកំប្លោកជូនគ្រួសារជនជាតិភាគតិចនៅឃុំទ្វឹងហឹង ស្រុកមីទូ។

យោងតាមគណៈកម្មាធិការប្រជាជនខេត្តសុកត្រាំង មកទល់បច្ចុប្បន្ន សំណល់បំណុលឥណទានគោលនយោបាយសរុបសម្រេច៤.៧៧៣ពាន់លានដុង ដោយមានអតិថិជន១៥៤.៨៥៦នាក់ នៅជាប់បំណុល គ្របដណ្ដប់ជិត៤៦% នៃចំនួនគ្រួសារប្រជាជនរបស់ខេត្ត។ ទុនឥណទានគោលនយោបាយនៅទាំងអនុវត្តកម្មវិធីទិសដៅជាតិកសាងជនបទថ្មី ដោយមានសំណល់បំណុល៣.៥៨៥ពាន់លានដុង; កម្មវិធីទិសដៅជាតិកាត់បន្ថយភាពក្រីក្រដោយចីរភាព សំណល់បំណុលសម្រេច ២.៤២៨ពាន់លានដុង កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ សំណល់បំណុលសម្រេច១.៣៣៧ពាន់លានដុង។ ក្រៅពីនោះ ទុនឥណទានគោល នយោបាយនៅទាំងចូលរួមក្នុងកម្មវិធីស្ដារនិងអភិវឌ្ឍសេដ្ឋកិច្ច-សង្គម តាមសេចក្ដីសម្រេចចិត្តលេខ១១/NQ-CP របស់រដ្ឋាភិបាល ចាប់ពីឆ្នាំ២០២២ មកទល់បច្ចុប្បន្ន ខេត្តបានរំសាយទុនដល់ប្រជាជនប្រមាណ៧.១០០នាក់ សរុបទឹកប្រាក់ជិត២៩៤ពាន់លានដុង។ លោកស្រី ហូធីកឹមដាវ អនុលេខាប្រចាំការនៃគណៈកម្មាធិការបក្សខេត្តសុកត្រាំង ឱ្យដឹង៖ “រួមជាមួយនឹងប្រភពទុននៃកម្មវិធីទិសដៅជាតិ ទុនឥណទានគោលនយោបាយបានរួមចំណែកយ៉ាងធំធេងក្នុងបុព្វហេតុស្ដារនិងអភិវឌ្ឍសេដ្ឋកិច្ច-សង្គមរបស់ខេត្ត។ ជាពិសេស ជួយកែលម្អជីវភាពសម្ភារៈ ស្មារតីរបស់អ្នកក្រ គ្រួសារជនរួមជាតិភាគតិច កសាងហេដ្ឋារចនាសម្ព័ន្ធជនបទមានភាពសុក្រឹតពីមួយថ្ងៃទៅមួយថ្ងៃ។ ទុនឥណទានគោលនយោបាយ បានចូលរួមដោយផ្ទាល់ក្នុងការអនុវត្តគម្រោងសមាសភាព៤/៧នៃកម្មវិធីកាត់បន្ថយភាពក្រីក្រដោយចីរភាព អនុវត្តលក្ខឋានកសាងជនបទថ្មី៩/១៩និងគម្រោងសមាសភាព២/១០នៃកម្មវិធីអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ”។

ប្រភពទុនឥណទានគោលនយោបាយបានជួយគ្រួសារជនរួមជាតិខ្មែរក្នុងខេត្តសុកត្រាំង មានលក្ខណសម្បត្តិអភិវឌ្ឍផលិតកម្ម លំនឹងជីវភាព។

ទុនឥណទានគោលនយោបាយ បានបង្កលក្ខណសម្បត្តិសម្រាប់អ្នកក្រ គ្រួសារជនរួមជាតិភាគតិចនិងមុខសញ្ញាស្ថិតក្នុងក្របខណ្ឌ គោលនយោបាយឯទៀតលើភូមិសាស្រ្តខេត្ត បានកៀកជិតកាន់តែងាយស្រួល ឆាប់រហ័ស ដើម្បីពង្រីកអាជីវកម្ម ជាសន្សឹមៗលើកកម្ពស់ជីវភាព។ លោកផាមត្វឹង លេខាគណៈកម្មាធិការបក្សស្រុកមីទូ ឱ្យដឹង៖ “ស្រុកមីទូ មានជនរួមជាតិខ្មែររស់នៅជាង២៦,៥% ហើយបានកៀកជិតនឹងឥណទានគោលនយោបាយស្ទើរតែទាំងអស់ ដូច្នេះ បានរួមចំណែកយ៉ាងសកម្មក្នុងការកាត់បន្ថយភាពក្រីក្ររបស់ស្រុក។ តាមរយៈនោះ ឥណទានគោលនយោបាយបានជួយដល់ការបង្កើតការងារធ្វើជូនពលករ៣.៥០០នាក់ ប្រាក់ចំណាយសម្រាប់ពលករទៅពលកម្មប្រទេសក្រៅចំនួន៤០នាក់ សាងសង់ផ្ទះសម្រាប់គ្រួសារក្រីក្រ៣.៩០៦ខ្នង។ល។ សរុបទឹកប្រាក់ជាង ១៨៧,៧ពាន់លានដុង។ ប្រភពទុនបានពង្រីកនូវប្រសិទ្ធភាព បានជួយដល់គ្រួសារក្រីក្រ គ្រួសារជនរួមជាតិខ្មែរ មានលក្ខណសម្បត្តិអភិវឌ្ឍសេដ្ឋកិច្ច អាជីវកម្ម លើកកម្ពស់ជីវភាព។ អាស្រ័យហេតុនោះ មកទល់សព្វថ្ងៃ ទូទាំងស្រុកមានគ្រួសារចាកផុតពីភាពក្រីក្រជាង ១៣.០០០គ្រួសារ”។ល។

បច្ចុប្បន្ន ខេត្តសុកត្រាំងកំពុងស្នើធនាគារគោលនយោបាយសង្គមវៀតណាម បន្តការបន្ថែមដើមទុន ដែលមានអត្រាកំណើនប្រចាំឆ្នាំពី១០-១៥% សម្រាប់ជួយខេត្តអនុវត្តគម្រោង គ្រោងការដោះស្រាយការងារធ្វើទុនបុលសង់លំនៅឋានសង្គម បង្វែររចនាសម្ព័ន្ធសេដ្ឋកិច្ច ។ល។ លោកស្រី ហូធីកឹមដាវ បានអះអាង៖ “ឥណទានគោលនយោបាយបានចូលក្នុងជីវភាពយ៉ាងពិត ឆ្លើយតបតម្រូវការទុនយ៉ាងធំសម្រាប់គ្រួសារក្រីក្រ គ្រួសារជនជាតិភាគតិចរបស់ខេត្តក្នុងការអភិវឌ្ឍសេដ្ឋកិច្ច អាជីវកម្ម។ ឥណទានគោលនយោបាយបាននាំមកប្រសិទ្ធភាពជាក់ស្ដែង ត្រូវបានប្រជាជនស្ម័គ្រចិត្តគាំទ្រ និងបានគណៈកម្មាធិការបក្ស រដ្ឋអំណាចភូមិភាគវាយតម្លៃជា “សសរស្ដម្ភ” សំខាន់ ជា “ចំណុចលេចធ្លោ”ក្នុងការអនុវត្តគោលនយោបាយកាត់បន្ថយភាពក្រីក្រ”៕

លីធាន - ថាច់ធី

ចែករំលែកអត្ថបទ

ពាក្យគន្លឹះ