សុខភាព - អប់រំ អប់រំ

25/09/2023 - 15:39

លំនឹងការរៀនសូត្រដើម្បីលើកកម្ពស់គុណភាពអប់រំ

បន្ទាប់ពីបើកបវេសនកាលជិតមួយខែ ឃើញថាសាលារៀននៅតំបន់ជនជាតិភាគតិច តំបន់វាលរាប់ទន្លេគឺវឡុង មានភាពលំនឹងជាបណ្តើរៗ ឈានដល់ការលើកកម្ពស់គុណភាពអប់រំ។

ម៉ោងប្រជុំជីវភាពនៅដើមសប្តាហ៍របស់សិស្សអនុវិទ្យាល័យជន
ជាតិអន្តេវាសិកស្រុកហ្គក្វាវ ។

លោកហ្វិញវ៉ាន់ហ្វាច ប្រធានការិយាល័យអប់រំនិងបណ្តុះបណ្តាលស្រុកកើ-ដ ក្រុងកឹងធើ មានប្រសាសន៍៖ “អាស្រ័យមានការត្រៀមលក្ខណៈតាំងពីដំបូងមក ទើបសាលារៀនលើភូមិសាស្រ្តនិយាយរួម និងនៅតំបន់ជនជាតិភាគតិច ដូចជា៖ ថើយដុង, ថើយស្វឹង, ដុងថាំង, និងកើ-ដ ។ល។ មិនចំណាយពេលច្រើនដើម្បីលំនឹងថ្នាក់រៀនឡើយ។ ស្ថានភាពខ្វះគ្រូបង្រៀនក៏បានការិយាល័យម្ចាស់ការចាត់ចែងគ្រូបង្រៀនទទួលបន្ទុក ដើម្បីដំណើរការកម្មវិធីត្រូវតាមពេលកំណត់” ។

អនុវត្តន៍តាមកិច្ចចង្អុលការរបស់ផ្នែកអប់រំ សាលារៀនតំបន់ជនជាតិភាគតិចនៅស្រុកកើ-ដ ក៏បានអនុវត្តល្អការគិតគូរដល់សិស្សានុសិស្ស។ លោកគ្រូដោដាក់ហ្វាង នាយកសាលាបឋមសិក្សាថើយដុង២ មានប្រសាសន៍៖ “ មុននិងក្រោយពីបើកបវេសនកាល សាលាបានសំណូមពរគ្រូបង្រៀន ទទួលបន្ទុកត្រួតពិនិត្យមើលស្ថានភាពសិស្សានុសិស្សឡើងវិញ។ បើប្រទះឃើញសិស្សណាមានការលំបាក រាយការណ៍ជាបន្ទាន់ដល់ក្រុមប្រឹក្សា គរុកោសល្យរបស់សាលា ដើម្បីរួមគ្នារកវិធី ឧបត្ថម្ភនិងជួយប្អូនៗស្ងប់អារម្មណ៍រៀនសូត្រ”។ នៅស្រុកកើ-ដនេះដដែល លោកគ្រូឡេវ៉ាន់យុង នាយកវិទ្យាល័យត្រឹងង៉ុកហ្វាំង ឱ្យដឹង៖ សាលាមានកម្រិតសិក្សា២កម្រិត គឺអនុវិទ្យាល័យ និងវិទ្យាល័យ ហើយការងារចាត់ចែងគ្រូបង្រៀនក៏មានភាពងាយស្រួល។ គ្រូបង្រៀន វ័យក្មេងរបស់សាលាក៏ស្ម័គ្រចិត្តជួយជំនួសគ្នា ដើម្បីមិត្តរួមអាជីពមានឱកាសរៀនសូត្រ លើកកម្ពស់កម្រិតវិជ្ជា ដូច្នេះ កងជួរគ្រូបង្រៀនរបស់ សាលាកាន់តែមានគុណភាព ឆ្លើយតបតម្រូវការបង្រៀនតាមកម្មវិធីអប់រំចំណេះទូទៅថ្មី។

សិស្សានុសិស្សនៅក្រុងកឹងធើ សប្បាយរីករាយឈានចូលឆ្នាំសិក្សាថ្មី។

ឆ្នាំសិក្សា ២០២៣-២០២៤ ខេត្តវិញឡុង មានសិស្សជាង២១០.០០០នាក់ នៅគ្រប់កម្រិត។ ការងារត្រៀមបម្រុងបានផ្នែកអប់រំអនុវត្តល្អ ដូច្នេះ សិស្សនិងគ្រូមិនជួបការលំបាកនៅពេលឈានចូលឆ្នាំសិក្សាថ្មី។ អ្នកគ្រូប៊ូយហុងណាម នាយកសាលាមត្តេយ្យសាវម៉ាយ ឃុំដុងថាញ់ ទីរួមខេត្តប៊ិញមិញ ឱ្យដឹង៖ “ក្នុងរដូវវិស្សមកាល សាលាបានរៀបចំជួសជុលមូលដ្ឋានសម្ភារៈ បន្ទប់រៀន បំផុតគឺសាខាសាលានៅតំបន់ជនជាតិភាគតិច។ ទន្ទឹមនឹងនោះ ក៏ចាត់គ្រូបង្រៀនជនជាតិខ្មែរឱ្យចូលរួមជាមួយភូមិភាគដើរចលនាសិស្សចូលរៀន។ សាលារៀនកសាងមាំទាំ ហើយគ្រូបង្រៀនចេះភាសាជនជាតិ ដូច្នេះ ការងារចលនាសិស្សចូលរៀនរបស់សាលាសម្រេចតាមភាគកម្រិតប្រគល់ឱ្យ”។

ជាសាលាមួយមានលក្ខណៈពិសេសរបស់ខេត្តគៀងយ៉ាង អ្នកគ្រូធីហុងវ៉ាង នាយកសាលាអនុវិទ្យាល័យជនជាតិអន្តេវាសិកស្រុកហ្គក្វាវ មានប្រសាសន៍៖ “ការងារជម្រើសសិស្សរបស់សាលាមានភាពងាយស្រួល បន្ទាប់ពីថ្ងៃបើកបវេសនកាល គ្រូនិងសិស្សរបស់សាលា ផ្តោត លើការបង្រៀននិងរៀនប្រកបដោយគុណភាព”៕

ហាថាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ