សន្តិសុខ - ការពារប្រទេស សន្តិសុខ

31/07/2023 - 16:46

ចាប់ឃាត់ខ្លួនមុខសញ្ញាក្លែងធ្វើនាយកដើម្បីបោកប្រាស់លើបណ្ដាញសង្គម

ពិរុទ្ធជនត្រឹងវ៉ាន់វ៉ូវ ។ រូបថត៖ នគរបាលក្រុងកឹងធើផ្តល់ជូន

ការិយាល័យនគរបាលព្រហ្មទណ្ឌ នគរបាលក្រុងកឹងធើ ទើបបំបែកករណីបោកប្រាស់ ដើម្បីកិបកេងទ្រព្យសម្បត្តិ។ តាមរយៈនោះ បញ្ជូនសេចក្ដីសម្រេចផ្ដើមនីតិវិធីបណ្ដឹងពិរុទ្ធជន និងអនុវត្តដីកាចាប់ខ្លួនមុខសញ្ញា ត្រឹងវ៉ាន់វ៉ូវ (អាយុ៣៣ឆ្នាំ ស្នាក់នៅស្រុកវិញថាញ់) ដើម្បីបន្ដការសើុបអង្កេតពីករណីខាងលើ។

យោងតាមព័ត៌មានបឋម មុខសញ្ញាវ៉ូវ បានប្រើប្រាស់ស៊ីមកាតប្រមូសិនដើម្បីបង្កើតគណ នី Zalo, Facebook ក្លែងបន្លំជានាយកក្រុមហ៊ុន ស្បៀងអាហារលើភូមិសាស្រ្តបណ្ដាខេត្តនៅភូមិភាគខាងលិច ដើម្បីឆបោកលក់ស្រូវ អង្ករ ឧសនិងអង្កាមក្នុងតម្លៃថោក។ បើអតិថិជន យល់ព្រមការដោះដូរទិញលក់ គឺត្រូវបង់ប្រាក់កក់ដោយរូបភាពវេរប្រាក់ចូលគណនីឱ្យវ៉ូវ។ ក្រោយពីទទួលបានប្រាក់រួចរាល់ គេក៏លុបការដោះដូរលើបណ្ដាញសង្គម ដើម្បីកិបកេងទ្រព្យសម្បត្តិរបស់ជនរងគ្រោះ។

បន្ទាប់ពីបង្កើតរឿងក្ដីសើុបអង្កេត តាមរយៈវិធានការវិជ្ជាជីវៈ នគរបាលព្រហ្មទណ្ឌ នគរបាលក្រុងកឹងធើ បានចាប់ឃាត់ខ្លួនមុខសញ្ញាវ៉ូវ។ នៅស្ថាប័នសើុបអង្កេតវ៉ូវក៏ឆ្លើយសារភាព ថាបានប្រព្រឹត្តទង្វើបោកប្រាក់នេះ៤ដង (នៅកឹងធើ៣ដង និងនៅតៀងយ៉ាងម្ដង) កិបកេងបានទឹកប្រាក់ប្រមាណ១,២ពាន់លានដុង។ ចំនួនទឹកប្រាក់នេះ វ៉ូវបានយកទៅលេងល្បែងលើប្រព័ន្ធអនឡាញនិងស៊ីចាយអស់។

នគរបាលព្រហ្មទណ្ឌ នគរបាលក្រុងកឹងធើ បានជូនដំណឹងថា អ្នកណាខ្លះដែលជាជនរងគ្រោះរបស់ពិរុទ្ធជនវ៉ូវ សូមទំនាក់ទំនងមកអង្គភាពដើម្បីទទួលបានការដោះស្រាយ។ បច្ចុប្បន្ន ស្ថាប័នសើុបអង្កេតកំពុងតែសួរចម្លើយ បើកទូលាយករណីនេះ៕

 កេវជិញ-ពេជ្រសឿន

ចែករំលែកអត្ថបទ

ពាក្យគន្លឹះ