ព្រឹត្តិការណ៍ - នយោបាយ ព្រឹត្តិការណ៍

26/06/2023 - 14:43

នាយករដ្ឋមន្ត្រី អញ្ជើញទៅសួរសុខទុក្ខសាលាជនជាតិអន្តេវាសិក និងគ្រួសារគោលនយោបាយនៅខេត្តអាងយ៉ាង

ក្នុងដំណើរបំពេញការងារនៅខេត្តអាងយ៉ាងកន្លងហើយ នាយករដ្ឋមន្ត្រី ផាមមិញជិញ បានអញ្ជើញទៅសាលាវិទ្យាល័យជនជាតិអន្តេវាសិកអាងយ៉ាង និងអញ្ជើញទៅសួរសុខទុក្ខ ជូនអំណោយយោធិនពិការនៅក្រុងចូវដុក។

ក្មួយៗសិស្សានុសិស្សនៃសាលាវិទ្យាល័យជនជាតិអន្តេវាសិកអាងយ៉ាង ទទួលស្វាគមន៍នាយករដ្ឋមន្ត្រី ផាមមិញជិញ អនុប្រធានរដ្ឋ វ៉ធីអាញស្វឹង និងក្រុមគណៈប្រតិភូ។

សាលាវិទ្យាល័យជនជាតិអន្តេវាសិកអាងយ៉ាង គឺជាទីតាំងសិក្សាសម្រាប់កូនចៅជាជនជាតិភាគតិច (ខ្មែរចាម) មានតួនាទីជាមុខព្រួញក្នុងបុព្វហេតុអប់រំរបស់ខេត្តអាងយ៉ាង។ ក្រោយរយៈពេលជាង ៣០ ឆ្នាំកសាងនិងវិវឌ្ឍន៍ សាលាបានក្លាយជាសាលាសម្រេចស្តង់ដារជាតិ ជាទីតាំងដ៏លេចធ្លោនៃការអប់រំរបស់ខេត្តអាងយ៉ាង និងប្រព័ន្ធសាលាជនជាតិអន្តេវាសិកក្នុងទូទាំងប្រទេស។

សួរសុខទុក្ខ ជូនអំណោយ និងលើកទឹកចិត្តដល់កងជួរកម្មាភិបាល គ្រូបង្រៀន និងសិស្សានុសិស្ស នាយករដ្ឋមន្ត្រី ផាមមិញជិញ បានគូសបញ្ជាក់៖ ប្រព័ន្ធសាលាជនជាតិអន្តេវាសិក គឺជាប្រភេទសាលាពិសេសក្នុងប្រព័ន្ធអប់រំ ដើរតួនាទីមិនអាចជំនួសបាន។ ប្រព័ន្ធសាលានេះ បានរួមចំណែកលើកកម្ពស់ប្រជាបញ្ញា បណ្តុះបណ្តាលធនធានមនុស្ស បណ្តុះបញ្ញវន្ត បង្កើតប្រភពកម្មាភិបាលឆ្លើយតបនឹងតម្រូវការអភិវឌ្ឍសេដ្ឋកិច្ច-សង្គម នៅភូមិភាគដែលមានជនជាតិភាគតិចរស់នៅ។

នាយករដ្ឋមន្ត្រីបានអះអាង បក្ស និងរដ្ឋជានិច្ចកាលតែងយកចិត្តទុកដាក់ និងផ្តល់អាទិភាពវិនិយោគលើការអភិវឌ្ឍអប់រំ និងបណ្តុះបណ្តាលសម្រាប់តំបន់ដែលមានការលំបាកខ្លាំង តំបន់ជនជាតិភាគតិច ព្រំដែន កោះសមុទ្ទ និងតំបន់ជ្រៅ តំបន់ឆ្ងាយ និងមុខសញ្ញាគោលនយោបាយ... មានយន្តការគោលនយោបាយជាច្រើន ត្រូវបានដាក់ឱ្យប្រើប្រាស់និងផ្សព្វផ្សាយអនុវត្ត សំដៅឆ្លើយតបនឹងតម្រូវការសិក្សារបស់កូនចៅជនជាតិភាគតិច និងធានាយុត្តិធម៌សង្គមក្នុងវិស័យអប់រំ។

នាយករដ្ឋមន្ត្រីបានកត់សម្គាល់នូវសំណើ និងអនុសាសន៍របស់សាលា; ទន្ទឹមនឹងនោះ នឹងចង្អុលការដល់ក្រសួង ផ្នែក ដែលពាក់ព័ន្ធធ្វើការពិនិត្យ កែតម្រូវ និងបំពេញបន្ថែមគោលនយោបាយ ឱ្យសមស្របជាមួយនឹងលក្ខណសម្បត្តិជាក់ស្តែង។

* នាយករដ្ឋមន្ត្រី ផាមមិញជិញ ក៏បានអញ្ជើញទៅសួរសុខទុក្ខ និងលើកទឹកចិត្តគ្រួសារយោធិនពិការហ្វិញក្វាងវិញ នៅឃុំវិញតេ ក្រុងចូវដុកផងដែរ៕

យោង៖ ក្រាំងព័ត៌មានរដ្ឋាភិបាល

ចែករំលែកអត្ថបទ

ពាក្យគន្លឹះ