ព្រឹត្តិការណ៍ - នយោបាយ ព្រឹត្តិការណ៍

19/06/2023 - 16:47

ជួបជុំអ្នកមុខអ្នកការសាសនា អ្នកមានប្រជាប្រិយក្នុងជនរួមជាតិខ្មែរ

គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តបាកលីវ ទើបរៀបចំពិធីជួបជុំអ្នកមុខអ្នកការសាសនា អ្នកមានប្រជាប្រិយក្នុងជនរួមជាតិខ្មែរ។ សកម្មភាពនេះសំដៅឱ្យការត្រៀមរៀបចំមហាសន្និបាត សមាគមព្រះសង្ឃសាមគ្គីស្នេហាជាតិខេត្តបាកលីវលើកទី ៧ អាណត្តិកាល ២០២៣-២០២៨។

លេខាគណៈកម្មាធិការបក្សខេត្តបាកលីវ លោក ឡឺវ៉ាន់ហុង សួរសុខទុក្ខយ៉ាងកក់ក្តៅ និងប្រគេនទេយ្យវត្ថុដល់ព្រះឧបជ្ឈាយ៍ ព្រះតេជព្រះគុណនិងព្រះសង្ឃគ្រប់អង្គ។

ថ្លែងក្នុងពិធីជួបជុំ លេខាបក្សខេត្តបាកលីវ លោកឡឺវ៉ាន់ហុង បានផ្តល់ព័ត៌មានអំពីល្បឿនអភិវឌ្ឍន៍សេដ្ឋកិច្ចសង្គមរបស់ខេត្ត។ ទន្ទឹមនឹងនោះ ឱ្យតម្លៃខ្ពស់ចំពោះវត្តខ្មែរនានាក្នុងខេត្តបានសកម្មធ្វើការឃោសនា ផ្សព្វផ្សាយនូវគោលការណ៍ និងគោលនយោបាយរបស់បក្ស ច្បាប់របស់រដ្ឋដល់អ្នកមុខអ្នកការសាសនា និងពុទ្ធបរិស័ទនៅលើភូមិសាស្រ្ត។ លេខាបក្សខេត្តបាកលីវ លោក ឡឺវ៉ាន់ហុង ស្នើ៖ អ្នកមុខអ្នកការសាសនា អ្នកមានប្រជាប្រិយបន្តឃោសនា ផ្សព្វផ្សាយ ចលនាបងប្អូនជនរួមជាតិខ្មែរក្នុងខេត្ត ឱ្យមានការជឿជាក់ទៅលើការដឹកនាំរបស់បក្ស និងអនុវត្តល្អគោលនយោបាយ ក្រឹត្យច្បាប់ និងបទប្បញ្ញត្តិរបស់រដ្ឋ; ស្របចិត្តស្របគំនិតគាំទ្រការផ្សព្វផ្សាយអនុវត្តកម្មវិធី គម្រោង និងគោលនយោបាយរបស់មជ្ឈិម និងខេត្ត នៅតំបន់ជនរួមជាតិភាគតិច។ ផ្តើមពីនោះ ជីវភាពសម្ភារៈ និងស្មារតីត្រូវបានលើកស្ទួយ រួមចំណែកក្នុងការអនុវត្តជោគជ័យនូវភារកិច្ច និងទិសដៅអភិវឌ្ឍន៍សេដ្ឋកិច្ច-សង្គម រក្សាខ្ជាប់ការការពារប្រទេស និងសន្តិសុខនៅភូមិភាគ៕

លីធាន

ចែករំលែកអត្ថបទ

ពាក្យគន្លឹះ