សុខភាព - អប់រំ សុខភាព

29/05/2023 - 11:02

ងាយនឹងពុលចំណីអាហារមកពីទម្លាប់ហូបចុក

វេជ្ជបណ្ឌិតដោហុងញ៉ាង អនុប្រធានផ្នែកអាហារូបត្ថម្ភនៃមន្ទីរពេទ្យពហុព្យាបាលក្រុងកឹងធើ បានលើកឡើងអំពីទម្លាប់មិនល្អនិងផ្តល់អនុសាសន៍ដ៏មានប្រយោជន៍ ជួយដល់ការរក្សាទុកចំណីអាហារ និងអនុវត្តរបបអាហារូបត្ថម្ភប្រកបដោយសុវត្ថិភាព ពិសេសគឺសម្រាប់មនុស្សចាស់ និងក្មេងតូចៗ។

វេជ្ជបណ្ឌិតអាហារូបត្ថម្ភបានរំឭកថា មនុស្សចាស់និងក្មេងតូចៗគប្បីហូបចុកតុល្យភាព
ធានាអនាម័យម្ហូបអាហារ។

ការពុលចំណីអាហារអាចនឹងកើតមានក្រោយពីប៉ុន្មាននាទី ឬប៉ុន្មានម៉ោងក្រោយមក ចួនកាលអាចចាប់ពី ១-២ ថ្ងៃ ក្រោយពីប្រព័ន្ធរំលាយអាហារបានរំលាយអាហារអស់។ យោងទៅតាមភ្នាក់ងារបង្កជាតិពុល ហេតុនោះរោគសញ្ញាអាចនឹងកើតមានពីកម្រិតស្រាលរហូតដល់ធ្ងន់ ដូច៖ ឈឺពោះខ្លាំង ក្អួត ចង្អោរ រាករូស គ្រុនក្តៅ ខ្សោះជាតិទឹក-វិបត្តិតុល្យភាពអេឡិចត្រូលីត។ល។

ខណៈពេលដែលក្អួតចង្អោរនិងរាកច្រើនដង ប្រព័ន្ធរាងកាយអាចនឹងខ្សោះជាតិទឹកហើយអតុល្យភាពអេឡិចត្រូលីត។ ដំណាក់កាលនេះ ដាច់ខាតមិនត្រូវប្រើថ្នាំបង្ការក្អួចចង្អោរ ឬទប់ស្កាត់ការចុះរាកទេ ចាំបាច់ត្រូវផឹកទឹកឱ្យបានច្រើនដើម្បីសម្រួលតុល្យភាពអេឡិចត្រូលីត។ ល្បាយរាវអាទិភាពប្រើ គឺជាសារធាតុ Oresol ត្រូវបានលាយនិងប្រើប្រាស់ទៅតាមការណែនាំរបស់ក្រសួងសុខាភិបាល។ ទន្ទឹមនឹងនោះ អាចនឹងប្រើទឹកក្តៅឧណ្ហៗ ទឹកបបរអំបិល-ទឹកស្ករជំនួសវិញ នៅពេលដែលគ្មានសារធាតុ Oresol។ អ្នកពុលចំណីអាហារភាគច្រើនមានទម្លាប់លេបថ្នាំបង្ការចុះរាកក្នុងពេលពុលចំណី អាហារគឺមិនគួរនោះទេ។ អ្នកពុលអាហារគប្បីបញ្ជូនទៅមូលដ្ឋានសុខាភិបាលជិតបំផុត ឱ្យបានឆាប់ៗដើម្បីបានព្យាបាលដោយអង្គបដិបក្ខប្រាណ បញ្ចូលសេរ៉ូម និងរោគសញ្ញាផ្សេងៗ ឱ្យបានទាន់ពេលប្រកបដោយសុវត្ថិភាពនិងប្រសិទ្ធភាព។

ដើម្បីបង្ការការពុលចំណីអាហារ គប្បីជ្រើសរើសទិញអាហារណាដែលស្រស់ មានប្រភពច្បាស់លាស់។ ជ្រើសរើសអាហារនៃមូលដ្ឋាន ផលិតដែលមានការបញ្ជាក់ ធានាសុវត្ថិភាព អនាម័យចំណីអាហារ។ ព្រមជាមួយនោះ ពិនិត្យពីស្ថានភាពចំណីអាហារ រយៈពេលប្រើប្រាស់ សំបកវេចខ្ចប់មិនត្រូវដាច់ចំណីអាហារ មិនឡើងពណ៌ឬធំក្លិនខុសប្រក្រតី៘ រក្សាទុកចំណីអាហារស្រស់ ហើយចម្អិនឱ្យបានសមស្រប។ កំណត់សម្គាល់ពីរបៀបនិងរយៈពេលរក្សាទុកក្នុងទូទឹកកក ឬត្រាំទឹកកកឱ្យបានត្រឹមត្រូវល្អ។ អនុវត្តការហូបឆ្អិន ផឹកទឹកដាំពុះទុក ឱ្យត្រជាក់ ម្ហូបអាហារគប្បីហូបភ្លាមៗក្រោយពីចម្អិនរួច មិនត្រូវចម្អិនច្រើនហួសប្រមាណ រួចហើយកម្តៅច្រើនសា។ ធានាអនាម័យរបស់ប្រើប្រាស់និងអនាម័យដៃមុន ក្នុងនិងក្រោយពីពេលចម្អិនម្ហូបអាហារ។

មនុស្សចាស់និងក្មេងតូចៗ មានប្រព័ន្ធការពាររាងកាយខ្សោយ។ ដើម្បីបង្ការហានិភ័យនៃការពុលចំណីអាហារ គប្បីអនុវត្តរបបអាហារូបត្ថម្ភឱ្យបានសមស្រប និងធានាអនាម័យ។ មនុស្សវ័យចាស់ គប្បីទទួលទានប្រភេទចំណីអាហារណាដែលងាយនឹងរំលាយ ជួយសម្រួលបន្ទុកដល់ពោះវៀននិងក្រពះ។ បំប៉នចំណីអាហារមានផ្ទុកប៉ាក់តេរីមានប្រយោជន៍សម្រាប់ប្រព័ន្ធរំលាយអាហារ ជួយសម្រួលតុល្យភាពអតិសុខុមប្រាណក្នុងពោះវៀន។ ចំពោះក្មេងតូចៗ ការដែលតមអាហារឬហាមផ្តាច់ពេក ក៏មិនល្អសម្រាប់ការលូតលាស់ទាំងផ្នែកកាយសម្បទា និងស្មារតី។ អាស្រ័យហេតុនោះ ឪពុក ម្តាយគប្បីមានផែនការឱ្យកូនបានញុាំតាមចំណូលចិត្តចុះ ប៉ុន្តែត្រូវធានាសុវត្ថិភាព។ គប្បីជ្រើសរើសកន្លែងលក់ដូរ ចម្អិនសុវត្ថិភាពដល់កូន។ គប្បីត្រៀមបម្រុងអាហារពេលព្រឹកឱ្យកូនគ្រប់គ្រាន់។ ពេលឱ្យកូនញុាំអាហារសម្រន់ គប្បីកាត់បន្ថយប្រើគ្រឿងទេស និងទឹកគ្រឿង៘ ក្នុងចំណីអាហារដែលចម្អិនស្រាប់ ដើម្បីកាត់បន្ថយអំបិលឬស្ករពេលកូនញុាំ។ គប្បីឱ្យកូនញុាំផ្ទាប់នឹងបន្លែបៃតង ទឹកគាបផ្លែឈើ ដើម្បីបំប៉នបរិមាណវីតាមីន សារធាតុរ៉ែចាំចាច់ ក្នុងរបបអាហារ។ ឱ្យកូនញុាំសម្រន់មុនពេលទៅទិញអីវ៉ាន់ ឱ្យកូនញុាំអាហារបន្តិចបន្តួចដែលកូនចូលចិត្ត គួបផ្សំនឹងសារធាតុបំប៉ន ដែលមានគុណប្រយោជន៍ដល់សុខភាព។ ផ្តើមពីនោះ កូនៗនឹងញុាំឆ្ងាញ់មាត់និងសុវត្ថិភាពផង៕

ធូសឿង-លីសៀ

ចែករំលែកអត្ថបទ

ពាក្យគន្លឹះ