គោលនយោបាយ -ការរស់នៅ ច្បាប់

01/05/2023 - 06:32

តើដីលំនៅឋានប៉ុន្មានម៉ែត្រ អាចសង់ផ្ទះបាន?

ការសាងសង់សំណង់ លំនៅឋាន ជាសកម្មភាពដែលកើតមានជាទូទៅ ក៏ប៉ុន្តែពេលសាងសង់ត្រូវធានាស្របតាមលក្ខខ័ណ្ឌសេចក្តីកំណត់នៃច្បាប់ ក្នុងនោះ មានលក្ខខ័ណ្ឌអំពីទំហំអប្បបរមាសម្រាប់សង់ផ្ទះ។ ដូច្នេះ តើដីលំនៅឋានប៉ុន្មានម៉ែត្រ អាចសង់ផ្ទះបាន ?

រូបថតជាឧទាហរណ៍។

តើដីលំនៅឋានជាអ្វី ?

បច្ចេកស័ព្ទ “ដីលំនៅឋាន” ឥតមានកំណត់ក្នុងឯកសារច្បាប់ទេ នេះគ្រាន់តែជាពាក្យដែលប្រជាជននិយមហៅចំពោះដីលំនៅឋានតែប៉ុណ្ណោះ និងត្រូវបានបែងជា ២ ប្រភេទ៖ ដីលំនៅឋាននៅជនបទ និងដីលំនៅឋាននៅទីក្រុង។ ជាក់ស្ដែង យោងតាមមាត្រា ១៤៣ និងមាត្រា ១៤៤ នៃច្បាប់ដីធ្លីឆ្នាំ ២០១៣ ៖

-ដីលំនៅឋាននៅទីក្រុង៖ គឺប្រភេទដីសម្រាប់សាងសង់លំនៅឋាន សាងសង់សំណង់សម្រាប់បម្រើការរស់នៅចំណុះមណ្ឌលប្រជាជនតាំងទីលំនៅទីក្រុង។

- ដីលំនៅឋាននៅជនបទ៖ គឺប្រភេទដីអាស្រ័យឃុំគ្រប់គ្រងនៅតំបន់ជនបទ។ ចំពោះដីឋិតនៅមណ្ឌលក្រុងដែលកំពុងរៀបចំគម្រោង ដើម្បីឡើងជាទីក្រុង គឺមិនហៅថាដីនៅជនបទទៀតទេ។ ដីនៅជនបទ ត្រូវបានអាទិភាព ផ្ដល់អជ្ញាបណ្ណលើកចម្ការ ជីកស្រះ។ អាស្រ័យហេតុនោះ ដីលំនៅឋាននៅជនបទត្រូវបានបែងជាច្រើនប្រភេទដូចខាងក្រោម៖

- ដីសម្រាប់សង់ផ្ទះ ដីសម្រាប់តាំងទីលំនៅ គឺអាស្រ័យគ្រួសារប្រើប្រាស់ សាងសង់សំណង់សម្រាប់បម្រើការរស់នៅ;

- ចម្ការ ស្រះនៅរួមជាមួយនឹងក្បាលដី ដែលចំណុះតំបន់ប្រជាជនតាំងទីលំនៅជនបទ។

តើដីលំនៅឋានប៉ុន្មានម៉ែត្រ អាចសង់ផ្ទះបាន?

សព្វថ្ងៃច្បាប់មិនទាន់មានសេចក្ដីកំណត់ជាក់លាក់ ស្ដីពីទំហំអប្បបរមានៃដីលំនៅឋានសម្រាប់សង់ផ្ទះនោះទេ ទោះបីដូច្នោះក្ដី ពាក់ព័ន្ធជាមួយបញ្ហានេះ ច្បាប់ដីធ្លីក៏កំណត់ស្ដីពីទំហំអប្បបរមាសម្រាប់ការកាត់ប្លង់ដីសង់ផ្ទះ ឬសំណង់ផ្សេងៗ។

យោងតាមនោះ ត្រង់ប្រការ ១ មាត្រា ១៨៨ នៃច្បាប់ដីធ្លីឆ្នាំ ២០១៣ មាត្រា ២៩ នៃអនុក្រឹត្យលេខ ៤៣/២០១៤/NĐ-CP និងប្រការ ១ មាត្រា ២ នៃសារាចរលេខ ០៩/២០២១/TT-BTNMT ដើម្បីកាត់ប្លង់ត្រូវគ្រប់លក្ខខ័ណ្ឌដូចខាងក្រោម៖

- មានលិខិតទទួលស្គាល់។

- ដីគ្មានការវិវាទ។

- ប័ណ្ណកម្មសិទ្ធិប្រើប្រាស់ដីធ្លីមិនរងការរឹបអូស ដើម្បីធានាអនុវត្តសាលក្រម។

- ដីនៅមានសុពលភាពប្រើប្រាស់។

- ក្បាលដីគ្រប់លក្ខខ័ណ្ឌអំពីផ្ទៃនិងទំហំប្រវែងអប្បបរមា តាមការកំណត់របស់គណៈកម្មាធិការប្រជាជនខេត្ត ក្រុង។

ជាក់ស្ដែងទំហំផ្ទៃអប្បបរមាសម្រាប់កាត់ប្លង់ ប្រការ ២ មាត្រា ១៤៣ នៃច្បាប់ដីធ្លី ២០១៣ បានកំណត់ដូចខាងក្រោម៖

“យោងតាមមូលនិធិដីធ្លីរបស់ភូមិភាគនិងគម្រោងប្លង់អភិវឌ្ឍន៍ជនបទ ដែលបានស្ថាប័នមានសមត្ថកិច្ចផ្ដល់សច្ចាប័ន គណៈកម្មាធិការប្រជាជនថ្នាក់ខេត្ត កំណត់កម្រិតដីប្រគល់ឱ្យគ្រួសារ បុគ្គល ដើម្បីសាងសង់លំនៅឋាននៅជនបទ; ទំហំផ្ទៃអប្បបរមា ត្រូវបានកាត់ប្លង់ចំពោះដីលំនៅឋានត្រូវសមស្របជាមួយនឹងលក្ខខ័ណ្ឌនិងច្បាប់ទម្លាប់នៅភូមិភាគ”។

ព្រមជាមួយនោះ ប្រ ការ ៣១ មាត្រា ២ នៃអនុក្រឹត្យលេខ ០១/២០១៧/NĐ-CP បានកំណត់បន្ថែម៖

“គណៈកម្មាធិការប្រជាជនថ្នាក់ខេត្ត កំណត់ទំហំផ្ទៃអប្បបរមាបានអនុញ្ញាតកាត់ប្លង់រាល់ប្រភេទដីឱ្យសមស្របជាមួយនឹងលក្ខណសម្បត្តិជាក់ស្ដែងរបស់ភូមិភាគ”។

យោងតាមសេចក្ដីកំណត់ខាងលើ សឱ្យឃើញ ដោយសារទំហំផ្ទៃអប្បបរមាកាត់ប្លង់នៅតាមភូមិភាគនីមួយៗគឺខុសគ្នា ព្រោះហេតុនោះ ទំហំផ្ទៃអប្បបរមាអនុញ្ញាតឱ្យសាងសង់ផ្ទះនៅតាមភូមិភាគនីមួយៗក៏ខុសគ្នាដែរ៕

ប្រភព៖ luatvietnam.vn - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ