សន្តិសុខ - ការពារប្រទេស ការពារប្រទេស

10/04/2023 - 16:43

កម្មាភិបាល យុទ្ធជន ២១៥ រូប ចូលរួមបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី ឆ្នាំ ២០២៣

ចាប់ពីថ្ងៃទី ២៧ ដល់ថ្ងៃទី ៣១ ខែមីនា មានកម្មាភិបាល យុទ្ធជនកងកម្លាំងប្រដាប់អាវុធក្រុងកឹងធើចំនួន ២១៥ រូប បានចូលរួមសកម្មភាពបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី (លើកទី១) នៅឃុំឌិញម៉ូង ស្រុកថើយឡាយ។ នេះជាឆ្នាំទី ៣ ដែលកងកម្លាំងប្រដាប់អាវុធក្រុងរៀបចំបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មីនៅតាមខណ្ឌ ស្រុកដែលមានជនរួមជាតិខ្មែររស់នៅកុះករ។

កងប្រជាស្វ័យត្រាណជួយប្រជាជនអូសក្រួសខ្សាច់ក្នុងថ្ងៃបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី (លើកទី ១)។

កម្មាភិបាល យុទ្ធជនកងកម្លាំងប្រដាប់អាវុធក្រុង បានចូលរួមជួយប្រជាជនធ្វើស្ពាន ផ្លូវ គមនាគមន៍ សាងសង់ផ្ទះជូនប្រជាជនដែលមានស្ថានភាពលំបាក កាប់ឆ្ការព្រៃស៊ុមទ្រុម អនាម័យបរិស្ថាន និងដាំដើមឈើ ដាំផ្កាតាមសងខាងដងផ្លូវជាដើម។ ទន្ទឹមនឹងនោះ កម្មាភិបាល យុទ្ធជនក៏បានចូលរួមសកម្មភាពដោះដូរវប្បធម៌-សិល្បៈ កីឡាអប់រំកាយជាមួយនឹង គណៈ ផ្នែក អង្គការមហាជននិងប្រជាជននៅភូមិភាគផងដែរ។

ឆ្នាំនេះ បញ្ជាការដ្ឋានយោធាក្រុងកឹងធើ បានសហការជាមួយនឹងគណៈកម្មាធិការប្រជាជនស្រុកថើយឡាយ រៀបចំបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី។ លើកទី២ ការរៀបចំពិធីបុណ្យចូលឆ្នាំកងទ័ព-ប្រជាជន ប្រព្រឹត្តឡើងចាប់ពីថ្ងៃទី ១០ រហូតដល់ថ្ងៃទី ១២ ខែមេសា ដោយមានសកម្មភាពសម្ពោធសំណង់ផ្លូវគមនាគមន៍ ប្រគល់ផ្ទះមហាសាមគ្គី ផ្ទះមនោសញ្ចេតនាមិត្តរួមកង ព្រមទាំងពិនិត្យជំងឺ និងផ្តល់ឱសថដោយឥតគិតថ្លៃដល់ប្រជាជនជាដើម។ នៅរាត្រីថ្ងៃទី ១២ ខែមេសា គណៈ ចាត់តាំងបុណ្យចូលឆ្នាំកងទ័ព-ប្រជាជនអំណរបុណ្យចូលឆ្នាំថ្មី រៀបចំកម្មវិធីសិល្បៈ និងធ្វើការបូកសរុបសកម្មភាព៕

ជុងកឿង-វិមាន

ចែករំលែកអត្ថបទ

ពាក្យគន្លឹះ