សុខភាព - អប់រំ អប់រំ

28/03/2023 - 08:52

លើកកម្ពស់គុណភាពបណ្តុះបណ្តាលមធ្យមសិក្សាវិជ្ជាជីវៈសម្រាប់សិស្សជនជាតិភាគតិច

សាលាមធ្យមសិក្សាវិជ្ជាជីវៈជនជាតិអន្តេវាសិកខេត្តអាងយ៉ាង បានបង្កើតនៅឆ្នាំ ២០០៩ យោងលើមូលដ្ឋានបង្កើនកម្រិតពីមជ្ឈមណ្ឌលបង្រៀនវិជ្ជាជីវៈស្រុកទ្រីតូង មានទីតាំងនៅឃុំណុយតូ ស្រុកទ្រីតូង ខេត្តអាងយ៉ាង។ ឆ្នាំ២០១៨ គណៈកម្មាធិការប្រជាជនខេត្តអាងយ៉ាង ចេញសេចក្តីសម្រេចរួមបញ្ចូលមជ្ឈមណ្ឌលអប់រំវិជ្ជាជីវៈទ្រីតូង-អប់រំ ជាប្រចាំទ្រីតូង បង្កើនជាសាលាមធ្យមសិក្សាវិជ្ជាជីវៈជនជាតិអន្តេវាសិកខេត្តអាងយ៉ាង។

ដោះដូរព័ត៌មានជាមួយនឹងកាសែតកឹងធើ-ភាសាខ្មែរ លោកកៅវ៉ាន់ធិច នាយកសាលា ឱ្យដឹង៖

- ក្នុងនាមជាសាលាមធ្យមសិក្សាវិជ្ជាជីវៈជនជាតិអន្តេវាសិកដំបូងគេ នៅតំបន់វាលរាបទន្លេគឺវឡុង ភារកិច្ចរបស់សាលា គឺបណ្តុះបណ្តាលវិជ្ជាជីវៈដល់ជនជាតិភាគតិចក្នុងខេត្តអាងយ៉ាង ជាពិសេសនៅស្រុកតំបន់ភ្នំ គឺទ្រីតូងនិងទិញបៀង។ សាលាបានកសាងមុខវិជ្ជាបណ្តុះបណ្តាលចំនួន ១៦ ក្នុងនោះ មានមុខរបរមួយចំនួនមាននិន្នាការកើនខ្ពស់ខាងតម្រូវការពលកម្ម ដូចជា៖ បច្ចេកវិទ្យារថយន្ត បច្ចេកទេសម៉ាស៊ីនត្រជាក់ និងម៉ាស៊ីនសម្រួលខ្យល់អាកាសចុម្ពិតអគ្គិសនី ពាណិជ្ជកម្មអេឡិចត្រូនិក មគ្គុទ្ទេសក៍ទេសចរណ៍។ល។ សាលាមានបំពាក់មូលដ្ឋានសម្ភារៈគ្រប់សព្វតាំងពីបន្ទប់រៀនកម្មន្តសាល អន្តេវាសិកដ្ឋាន និងទីធ្លាសម្រាប់សកម្មភាពខាងក្រៅដល់សិស្សក្រោយពីម៉ោងរៀន។

ម៉ោងអនុវត្តផ្ទាល់របស់សិស្ស។

* តាមបានដឹង រយៈពេល ៣ ឆ្នាំកន្លង អត្រាជម្រើសសិស្សចូលរៀនតែងសម្រេចលើសភាគកម្រិត។ តើអ្វីទៅជាមូលហេតុដែលសម្រេចបានលទ្ធផលជាទីគាប់ចិត្តនេះ ជម្រាបប្រសាសន៍លោក?

-អត្រាជម្រើសសិស្សចូលរៀនដែលប្រៀបធៀបនឹងផែនការដាក់ចេញរយៈពេល ៣ ឆ្នាំកន្លង ២០២០-២០២២ សម្រេចអត្រាគឺ ១៥៧,៥%; ១០២% និង ២០៦,២៥%។ សម្រេចបានលទ្ធផលវិជ្ជមាននេះ គឺដោយសារសាលាអនុវត្តបានល្អនូវការផ្ដល់ពិគ្រោះតម្រង់ទិសរៀនវិជ្ជាជីវៈ ដោយចាត់ទុកថានេះជាភារកិច្ចយ៉ាងសំខាន់។ ជារៀងរាល់ឆ្នាំ សាលាតែងរៀបចំទិវាផ្ដល់ពិគ្រោះតម្រង់ទិសរៀនវិជ្ជាជីវៈដល់សិស្សរៀនឆ្នាំចុងក្រោយកម្រិតអនុវិទ្យាល័យ ដោយមានការចូលរួមពីអាជីវកម្ម និងសិស្សនៅស្រុកទ្រីតូង ថ្វយសើុងទិញបៀងជាដើម។ សាលាក៏រៀបចំកម្មវិធីផ្តល់ពិគ្រោះផ្ទាល់នៅតាមសាលាអនុវិទ្យាល័យនិងតាមរយៈមធ្យោបាយផ្សាយដំណឹងផ្សេងៗ។

* តើបញ្ហា “ច្រកចេញ” របស់សិក្ខាកាមត្រូវបានសាលាចាប់អារម្មណ៍យ៉ាងដូចម្ដេច ជម្រាបប្រសាសន៍លោក ?

-សាលារៀនអនុវត្តគោលការណ៍ចងសម្ព័ន្ធរវាងសាលារៀន និងអាជីវកម្មក្នុងការបណ្តុះបណ្តាលវិជ្ជាជីវៈ រួមទាំងទៅធ្វើការនៅបរទេស។ សាលារៀនបានជួបពិភាក្សាយោបល់និងចុះហត្ថលេខាលើអនុស្សរណៈសហការជាមួយអាជីវកម្មជាច្រើន ដើម្បីពិភាក្សាអំពីខ្លឹមសារនៃកម្មវិធីបណ្តុះបណ្តាល ជំនួយសិស្សហាត់ការនិងធ្វើការក្នុងអាជីវកម្ម។ ដោយសារការចងសម្ព័ន្ធនេះបានជួយដល់សិស្សងាយកៀកការងារធ្វើបន្ទាប់ពីបញ្ចប់ការសិក្សា អាជីវកម្មមិនចាំបាច់រៀបចំការបណ្តុះបណ្តាលឡើងវិញ ហើយអត្រាសិស្សបញ្ចប់ការសិក្សាស្វែងរកបានការងារធ្វើក្នុងប៉ុន្មានឆ្នាំនេះ គិតជាមធ្យមភាគសម្រេច ៨០%។ បច្ចុប្បន្ន មានសិស្សសាលាចំនួន ៥ នាក់ ដែលកំពុងធ្វើការនៅប្រទេសជប៉ុន និងសិស្ស ៦ នាក់ទៀតទើបតែបញ្ចប់ថ្នាក់វិទ្យាល័យ កំពុងរៀនភាសាជប៉ុន ត្រៀមទៅធ្វើការនៅបរទេស។

* នៅពេលខាងមុខ តើសាលានឹងផ្តោតទៅលើភារកិច្ចសំខាន់ៗអ្វីខ្លះជម្រាបប្រសាសន៍លោក ?

-សាលារៀននឹងបង្កើនការអនុវត្តបច្ចេកវិទ្យាព័ត៌មានក្នុងការគ្រប់គ្រងបង្រៀន និងរៀន។ សកម្មផ្លាស់ប្តូរវិធីសាស្រ្តបង្រៀន និងវាយតម្លៃសិស្សតាមទិសលើកកម្ពស់គំនិតម្ចាស់ការ ច្នៃប្រតិដ្ឋ និងអភិវឌ្ឍសមត្ថភាពរបស់សិស្សម្នាក់ៗ។ល។ សាលាបន្តបង្កើនការទំនាក់ទំនងជាមួយអាជីវកម្មក្នុងការរៀបចំឱ្យសិស្សហាត់ការ និងដោះស្រាយការងារធ្វើបណ្ដុះបណ្ដាលតាមតម្រូវការដោះស្រាយការងារធ្វើដល់សិស្ស ក្រោយពីរៀនចប់៕

*អរគុណលោក !

ថាញឡុង - ថាច់ធី

ចែករំលែកអត្ថបទ

ពាក្យគន្លឹះ