មហាសាមគ្គីជនជាតិ គំរូក្នុងសហគមន៍

19/12/2022 - 15:16

អស់ពីចិត្តដើម្បីប្រជាជន

ដោយសារការខ្នះខ្នែងរស់នៅសាមញ្ញនិងអស់ពីចិត្តជាមួយនឹងការងារ បងស្រីហ្វិញធីកីមកឿងប្រធានគណៈកម្មការការងាររណសិរ្សភូមិវិញឡាក ឃុំវិញធិញ ស្រុកហ្វាប៊ិញ ខេត្តបាកលីវ តែងបានមាមីងគោរពស្រឡាញ់រាប់អាន។

បងស្រី ហ្វិញធីកីមកឿង (អាវពណ៌ស្វាយ) មកសួរសុខទុក្ខនិងចលនាមាមីងខ្មែរនៅភូមិវិញឡាក សកម្មអភិវឌ្ឍសេដ្ឋកិច្ច។

ភូមិវិញឡាក មាន ៣ ជនជាតិជាបងប្អូន គឺ កិញ-ខ្មែរ-ចិន រួមរស់ជាមួយគ្នា។ ថ្វីដ្បិតដូច្នោះក្តី ជីវភាពនៅទីនេះនៅលំបាកច្រើនណាស់។ ហេតុនោះ បងស្រីហ្វិញធីកីមកឿង តែងរកគ្រប់វិធីដើម្បីជួយគ្រួសារដែលមានស្ថានភាពគ្រួសារលំបាកលំនឹងជីវភាព។ ទន្ទឹមនឹងនោះ ឃោសនាចលនាមាមីងនៅមណ្ឌលតាំងទីលំនៅ អនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ព្រួតដៃរួមជាមួយនឹងរដ្ឋអំណាចភូមិភាគកសាងជនបទថ្មី។

ក្នុងអំឡុង ៦ ឆ្នាំបំពេញការងារ បងស្រីកីមកឿង តែងសកម្មចលនាសប្បុរសជនសង់ផ្ទះឧបការគុណបាន ២ ខ្នង ផ្ទះមហាសាមគ្គីបាន ៦ ខ្នង ផ្ទះមួយខ្នងៗ មានតម្លៃពី ៧០-៨០ លានដុង; ជូនអំណោយបាន ១.៥០០ ចំណែក អង្ករជាង ១០ តោន និងគ្រឿងឧបភោគបរិភោគផ្សេងៗ ទៀត។ល។ ឧបត្ថម្ភដល់គ្រួសារក្រីក្រ គ្រួសារប្រកៀកបន្ទាត់ក្រ ដែលរងផលប៉ះពាល់ដោយសារជំងឺ COVID-១៩ គិតជាទឹកប្រាក់ជាង ៣,៣ ពាន់លានដុង។ ក្រៅពីនោះ ក្នុងដំណាក់កាលជំងឺ COVID-១៩ គាត់នៅទាំងចលនាបងប្អូននារីបង្កើតក្រុម “អាហារសប្បុរស” ជួយដល់អ្នកក្រលំបាកនិងបង្កើតក្រុមសប្បុរសធម៌ រៀងរាល់ខែជំនួយអង្ករ ១០ គីឡូក្រាមដល់គ្រួសារក្រីក្រ មនុស្សចាស់គ្មានទីពឹងនៅក្នុងភូមិចំនួន ២៨ គ្រួសារ។ លោកសើុងត្រែ ឱ្យដឹង៖ “និយាយពីបងស្រីកីមកឿង អ្នកណាក៏ស្រឡាញ់រាប់អានគាត់ទាំងអស់ពីព្រោះគាត់ជាកម្មាភិបាលជិតដិតនឹងប្រជាជន តែងជួយអ្នករាល់គ្នាដោយអស់ពីចិត្ត។ គាត់បានចលនាសប្បុរសឧបត្ថម្ភអង្ករ មី ទឹកប្រាក់។ល។ ដើម្បីមាមីងបានឆ្លងផុតការលំបាក។ ទឹកចិត្តសប្បុរសរបស់បងស្រី យើងខ្ញុំគោរពស្រឡាញ់រាប់អានគាត់ណាស់”។

លេខាគណៈកម្មាធិការបក្សឃុំវិញធិញហឿវ៉ាន់ក្វាង ឱ្យដឹង៖ “ជាច្រើនឆ្នាំមកនេះ បងស្រីហ្វិញធីកីមកឿង តែងខ្នះខ្នែងអស់ពីចិត្តជាមួយនឹងការងារ បំផុតគឺក្នុងការឧបត្ថម្ភមាមីងក្រីក្រ បានរួមចំណែកយ៉ាងធំក្នុងការលុបបំបាត់ភាពអត់ឃ្លាន កាត់បន្ថយភាពក្រីក្រនៅភូមិភាគ។ អាស្រ័យការចលនាយ៉ាងសកម្មរបស់គាត់ ទើបបងប្អូនជនជាតិកិញ-ខ្មែរ-ចិន រស់នៅសាមគ្គី សកម្មព្រួតដៃរួមជាមួយនឹងភូមិភាគ កសាងជនបទថ្មី”។

ជាមួយនឹងការរួមចំណែកយ៉ាងសកម្មនោះ បងស្រីហ្វិញធីកីមកឿង បានស្ងើចសរសើរនៅក្នុងអង្គសន្និបាតស្ងើចសរសើរប្រធានរណសិរ្សថ្នាក់ឃុំ និងប្រធានគណៈកម្មការការងាររណសិរ្សគំរូក្នុងទូទាំងប្រទេស ដំណាក់កាលឆ្នាំ ២០១៧-២០២២ ៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ