គោលនយោបាយ -ការរស់នៅ គោលនយោបាយ

19/12/2022 - 15:16

ជីវភាពលូតលាស់ដោយសារគោលនយោបាយពិសេសដោយឡែក

ស្រុកកើ-ដ ក្រុងកឹងធើ មានជនរួមជាតិភាគតិចរស់នៅកុះករ ម្ល៉ោះហើយមានគោលនយោបាយពិសេសដោយឡែកជាច្រើន ត្រូវបានផ្សព្វផ្សាយនៅស្រុកជាយក្រុងនេះ។ ផ្តើមពីនោះ ជីវភាពជនរួមជាតិមានការលូតលាស់ដោយឥតឈប់ឈរនិងឈានឡើងធូរធារ។

ផ្ទះរបស់បងស្រីសាឡាង បានឧបត្ថម្ភសាងសង់ថ្មី។

តាមប្រសាសន៍លោកត្រឹងត្វឹងវៀត ប្រធានការិយាល័យជនជាតិស្រុកកើ-ដ រយៈពេលកន្លង គោលនយោបាយអនុគ្រោះពិសេសដោយឡែករបស់រដ្ឋ វិនិយោគដល់តំបន់ជនជាតិនៅលើភូមិសាស្រ្តបានពង្រីក ប្រសិទ្ធភាព ម្ល៉ោះហើយគុណភាពការរស់នៅរបស់ជនរួមជាតិបានលើកកម្ពស់។ តួយ៉ាងដូច ដងផ្លូវចូលកាន់ភូមិដែលមានជនជាតិខ្មែររស់នៅកុះករ ដូចភូមិថើយត្រឿង ១ ថើយត្រឿង ២ ឃុំថើយស្វឹង; ភូមិថើយត្រឿង ឃុំថើយដុង; ភូមិថើយហ្វា B ទីប្រជុំជនកើ-ដ; ភូមិដុងថាំង ឃុំដុងថាំង។ល។ ត្រូវបានក្រាលបេតុងរួចរាល់ រថយន្តអាចបើកបរពីក្បាលភូមិ រហូតដល់ចុងភូមិ។ បងស្រីយឿងធីម៉ាញ លេខាសាខាបក្សនិងជាប្រធានភូមិដុងថាំង ឱ្យដឹង៖ “ផ្លូវគមនាគមន៍ស្រឡះស្រឡំ ម្ល៉ោះហើយ មាមីងប្រកបការងាររកស៊ីងាយស្រួលណាស់ ជីវភាពកាន់តែធូរធារឡើង”។

ទីតាំងសាលាមត្តេយ្យថើយស្វឹងនៅភូមិថើយត្រឿង១ ។

លោកឡេក្វឹកវៀត ប្រធានគណៈកម្មាធិការប្រជាជនឃុំថើយស្វឹង ឱ្យដឹង៖ “អាស្រ័យភូមិភាគអនុវត្តព្រមៗគ្នានូវកម្មវិធី គម្រោងនានាក្នុងតំបន់ជនជាតិ ម្ល៉ោះហើយជីវភាពប្រជាជនមានភាពរីកចម្រើន។ តួយ៉ាងដូច ពេលដងផ្លូវ ១៣៥ កាត់ភូមិថើយត្រឿង ១ បានបង្កើនកម្រិត បើកទូលាយសម្រេចបទដ្ឋានជនបទថ្មី គឺផ្ទះនៅតាមបណ្តោយសងខាងផ្លូវក៏បានឧបត្ថម្ភដើម្បីសង់ផ្ទះឥដ្ឋទាំងស្រុងផងដែរ អាស្រ័យកម្មវិធីសង់ផ្ទះមហាសាមគ្គី ផ្ទះមេត្តាធម៌។ល។ បងស្រីថាច់ធីសាឡាង នៅភូមិថើយត្រឿង ១ ឱ្យដឹង៖ “អាស្រ័យបានរដ្ឋសង់ផ្ទះមហាសាមគ្គីជូន និងឧបត្ថម្ភទុនចិញ្ចឹមគោ ទើបគ្រួសារខ្ញុំបានចាកផុតពីភាពក្រីក្រ។ ឥឡូវ គ្រួសារខ្ញុំបានលំនឹងហើយ ហេតុនោះប្តីប្រពន្ធខ្ញុំខិតខំធ្វើការរកស៊ី ដើម្បីគិតគូរឱ្យកូនរៀនសូត្របានចប់ចុងចប់ដើម”។ តាមបណ្តោយដងផ្លូវនៅភូមិថើយត្រឿង ១ ប្រជាជនបានដាំផ្កាលម្អសងខាងផ្លូវយ៉ាងស្រស់ស្អាត។ អគ្គិសនី ទឹកស្អាត ត្រូវបានតភ្ជាប់និងដាក់បំពង់ទុយោទឹកចូលដល់ផ្ទះ។ ក្រៅពីសាលាមត្តេយ្យថើយស្វឹង នៅមជ្ឈមណ្ឌលឃុំបានសម្រេចបទដ្ឋានជាតិ រីឯទីតាំងសាលាមត្តេយ្យនៅភូមិថើយស្វឹង ១ ក៏បានកសាងថ្មីផងដែរ ដើម្បីកុមារជនជាតិភាគតិចមិនបាច់ទៅរៀនឆ្ងាយ។

លោកយ័ញថាញ់ លេខាគណៈកម្មាធិការបក្សឃុំថើយដុង ឱ្យដឹង៖ ផ្សារឃុំថើយដុង ជាប់ព្រំប្រទល់ជាមួយនឹងស្រុកយ៉ុងរៀង ខេត្តគៀងយ៉ាង ម្ល៉ោះហើយឃុំកំពុងផ្តុំកម្លាំងអនុវត្តនូវគោលនយោបាយ ដើម្បីលើកកម្ពស់សកម្មភាពដោះដូរពាណិជ្ជកម្មនៅផ្សារ។ ជាមួយនឹងល្បឿនដំណើរការនេះ ដល់បុណ្យចូលឆ្នាំថ្មីវៀតណាម ២០២៣ ឃុំនឹងដាក់ផ្សារផ្កាឱ្យដំណើរការនៅពេលរបាំងការពារច្រាំងកសាងសម្រេចរួចរាល់។ រំពឹងថា ផ្សារផ្កានឹងជួយដល់ពលករជនជាតិភាគតិចជាច្រើនមានការងារធ្វើបន្ថែម”៕

ហាថាញ-វិមាន

ចែករំលែកអត្ថបទ

ពាក្យគន្លឹះ