មហាសាមគ្គីជនជាតិ គំរូក្នុងសហគមន៍

12/12/2022 - 14:46

អាគារដ៏កក់ក្តៅនិងពោរពេញដោយមនោសញ្ចេតនា

អាគារដ៏កក់ក្តៅនិងពោរពេញដោយមនោសញ្ចេតនា ត្រូវបានសមាគមមនុស្សធម៌ស្ម័គ្រចិត្តខេត្តត្រាវិញ ចលនាសមាជិកដែលជាសប្បុរសជនសាងសង់សម្រាប់គ្រួសារខ្មែរក្រីក្រនិយាយដោយឡែក និងគ្រួសារក្រីក្ររួមក្នុងខេត្តត្រាវិញ ដើម្បីគ្រួសារទាំងនេះបានលំនឹងជីវភាព។

លោកស្រីថាច់ង៉ុកណឺ (ស្តាំ) ពិនិត្យការសាងសង់ផ្ទះបងស្រី សើុងធីហ្កៃ។

លោកគឹមតារា នៅភូមិព្រែកអំពិល ឃុំភូកឹង ស្រុកទីវកឹង ឱ្យដឹង៖ “គ្រួសារខ្ញុំឋិតក្នុងក្របខ័ណ្ឌគ្រួសារក្រីក្រ គ្មានដីធ្វើស្រែចម្ការ។ ឆ្នាំ ២០១៩ ប្រពន្ធរបស់ខ្ញុំកើតជំងឺដាច់សរសៃឈាមខួរក្បាល ម៉្លោះហើយ ជីវភាពកាន់តែលំបាក។ គ្រួសារទាំងមូលរស់នៅអាស្រ័យលើប្រាក់ចំណូលពីការធ្វើជាងកំបោររបស់ខ្ញុំ រាល់ថ្ងៃត្រូវនៅក្នុងផ្ទះបណ្ដោះអាសន្ន។ កន្លងហើយ សមាគមមនុស្សធម៌ស្ម័គ្រចិត្តខេត្តត្រាវិញ ចលនាសប្បុរសជន សហការជាមួយរដ្ឋអំណាច ឧបត្ថម្ភសង់ផ្ទះមួយខ្នងគិតជាតម្លៃ ៦០ លានដុង ខ្ញុំសប្បាយចិត្តខ្លាំងណាស់។ ផ្ទះកំពុងបានសាងសង់ដោយបេតុង ដំបូលប្រក់ក្បឿង ធារក្រាលឥដ្ឋកាចា មានផ្ទៃក្រឡាចំនួន ៤៨ ម២។ គ្រួសារខ្ញុំអំណរគុណយ៉ាងស្មោះស្ម័គ្រចំពោះសមាគមមនុស្សធម៌ស្ម័គ្រចិត្តខេត្តត្រាវិញ និងរដ្ឋអំណាចមូលដ្ឋានដែលបានឧបត្ថម្ភដល់គ្រួសារខ្ញុំ។ បច្ចុប្បន្ន គ្រួសារខ្ញុំមានផ្ទះនៅរឹងមាំ ខ្ញុំក៏បានស្ងប់ចិត្តការធ្វើរកស៊ី ដើម្បីគ្រួសារមានជីវភាពកាន់តែប្រសើរ''។

លោកស្រីថាច់ង៉ុកណឺ (កណ្តាល) ពិនិត្យការសាងសង់ផ្ទះបងគឹមតារា។

បងស្រីសើុងធីហ្កៃ នៅភូមិផ្នោរសង្រ្កម ឃុំហីវទឺ ស្រុកទីកឹង ឱ្យដឹង៖ ''ខ្ញុំនិងប្តីខ្ញុំធ្វើការស៊ីឈ្នួល ទោះជាខិតខំប្រឹងប្រែង សូ៊ទ្រាំយ៉ាងក៏ដោយ នៅតែរកប្រាក់ចំណូលមិនខ្ពស់ដដែល ខ្ញុំខំលកលៃណាស់ទើបគ្រួសារគ្រប់ចាយវាយ។ សេដ្ឋកិច្ចគ្រួសារខ្ញុំខ្វះខាត មិនគ្រប់ប្រាក់ដើម្បីសង់ផ្ទះ ឥឡូវបានសមាគមមនុស្សធម៌ស្ម័គ្រចិត្តខេត្តត្រាវិញ ជួយឧបត្ថម្ភសង់ផ្ទះមេត្តាធម៌ខ្ញុំសប្បាយចិត្តសឹងស្រក់ទឹកភ្នែក។ ផ្ទះនេះសាងសង់លើផ្ទៃដីប្រមាណ ៤០ម២ ឥឡូវសាងសង់ជិតរួចស្រេច បើប្រសិនជាគ្មានការជួយឧបត្ថម្ភ ៦០ លានដុងពីសមាគមមនុស្សធម៌ស្ម័គ្រចិត្តនោះទេ ប្តីប្រពន្ធខ្ញុំមិនហ៊ានប្រាថ្នាថាអាចសង់បានផ្ទះរឹងមាំដូច្នេះដើម្បីស្នាក់នៅនោះទេ”។

លោកស្រីថាច់ង៉ុកណឺ ប្រធានសមាគមមនុស្សធម៌ស្ម័គ្រចិត្តខេត្តត្រាវិញ ឱ្យដឹង៖ “ជាមួយនឹងសារ “រួមបេះដូងតែមួយ” ក្នុងឆ្នាំ ២០២២ សមាគមមនុស្សធម៌ស្ម័គ្រចិត្តខេត្តត្រាវិញបានកៀរគរសប្បុរសជនជួយឧបត្ថម្ភផ្ទះសប្បុរសធម៌ ចំនួន ៣០ ខ្នង សម្រាប់គ្រួសារក្រីក្រ សំខាន់គឺគ្រួសារក្រីក្រជាជនជាតិខ្មែរ ផ្ទះមួយខ្នងគិតជាតម្លៃ ៦០ លានដុង”៕

សើុងម៉ាល័យ

ចែករំលែកអត្ថបទ

ពាក្យគន្លឹះ