មហាសាមគ្គីជនជាតិ គំរូក្នុងសហគមន៍

07/11/2022 - 11:08

លេខាសាខាបក្ស គិតគូរដល់ប្រជាជន

លោកថាច់សៀង លេខាសាខាបក្សភូមិចុងផ្នោរ ឃុំធ្វឹងហ្វា ស្រុកកូវង៉ាង ខេត្តត្រាវិញ តែងបង្ហាញពីការឈានមុខ គំរូក្នុងនាមជាបក្ខជនអស់ពីចិត្តចំពោះការងារ និងជួយមាមីងខ្មែរជាច្រើនគ្រួសារចាកផុតពីភាពក្រីក្រ លំនឹងជីវភាព។

លោកថាច់សៀង កំពុងស្រាវជ្រាវពីគោលនយោបាយនិងច្បាប់
ដើម្បីផ្សព្វផ្សាយដល់មាមីងខ្មែរ។

លោកថាច់សៀង ឱ្យដឹង៖ “ភូមិចុងផ្នោរ មានប្រជាជនរស់នៅជាង ៤២០ គ្រួសារ ក្នុងនោះ ជនរួមជាតិខ្មែរស្រូបអត្រា ៩៧,៦% ហើយចែកជា ៤ ក្រុម ដើម្បីងាយស្រួលគ្រប់គ្រងការរស់នៅរបស់ប្រជាជន។ ដើម្បីអនុវត្តសម្រេចលក្ខឋានភូមិវប្បធម៌ជនបទថ្មី សាខាបក្សភូមិបានចាត់បក្ខជន ២ រូបទទួលបន្ទុកប្រជាជន ១ ក្រុម ដើម្បីអនុវត្តការងារផ្សព្វផ្សាយ ទន្ទឹមនឹងនោះ សហការជាមួយនឹងវត្តអារាមលើភូមិសាស្ត្រ ផ្សព្វផ្សាយដល់ពុទ្ធបរិស័ទឱ្យយល់ច្បាស់ពីផលប្រយោជន៍នៃការកសាងជនបទថ្មី។ អាស្រ័យហេតុនោះ រាល់កិច្ចការដែលពាក់ព័ន្ធដល់ការកសាងជនបទថ្មី តែងបានប្រជាជនចូលរួមជ្រោមជ្រែង”។

ដោយមានគំនិតដើម្បីចលនាមាមីងក្នុងភូមិចូលរួមចលនាអភិវឌ្ឍន៍ផលិតកម្ម លោកថាច់សៀង ជាអ្នកឈានមុខក្នុងការបង្វែររចនាសម្ព័ន្ធឈើដំណាំ សត្វចិញ្ចឹមនៅភូមិស្រុក។ ដោយកំណត់ច្បាស់លក្ខណពិសេសនៃតំបន់ដីសមស្របនឹងការដាំដំណាំរួមផ្សំគ្រប់ប្រភេទ លើផ្ទៃដីកសិកម្ម ១០ កុងរបស់គ្រួសារលោកថាច់សៀង បានបង្វែរដី ២,៥ កុង ងាកមកដាំម្ទេស ២ រដូវ/ឆ្នាំ។ អាស្រ័យដោយអនុវត្តត្រឹមត្រូវតាមបែបបទបច្ចេកទេស ម្ល៉ោះហើយម្ទេសរបស់គ្រួសារលោកនាំមកប្រសិទ្ធភាពតម្លៃសេដ្ឋកិច្ចខ្ពស់ រកបានប្រាក់ចំណូលរាប់សិបលានដុង ក្នុងមួយរដូវ ក្លាយជាទម្រង់ផលិតមួយដើម្បីប្រជាជនយកតម្រាប់តាម។ ការឈានមុខរបស់លោក បានជួយប្រជាជនក្នុងភូមិរក្សាផ្ទៃដីដាំដំណាំរួមផ្សំជាង ១៥ ហិកតា ជារៀងរាល់ឆ្នាំ ក្នុងនោះ មានផ្ទៃដីដាំម្ទេសពី ៣០-៤០ ហិកតា។

អនុវត្តការកសាងជនបទថ្មី លោកថាច់សៀង បានចលនាជនរួមជាតិខ្មែរក្នុងភូមិ កសាងអំពូលភ្លើងតាមដងផ្លូវដោយមានប្រវែងជាង ៣ គ.ម ថវិកាសរុបជាង ២០០ លានដុង គួបផ្សំនឹងដាំដើមឈើគ្រប់ប្រភេទ និងអនាម័យបរិស្ថាន បង្កើតបានជាសោភណភាពដងផ្លូវជនបទផង កាត់បន្ថយករណីគ្រោះថ្នាក់ចរាចរណ៍លើភូមិសាស្ត្រផង។

លោកសើុងង៉ុកថ្លា អនុប្រធានគណៈកម្មាធិការប្រជាជនឃុំធ្វឹងហ្វា ឱ្យដឹង៖ “ អាស្រ័យពង្រីកល្អតួនាទី ទទួលខុសត្រូវក្នុងនាមជាបក្ខជនដែលអស់ពីចិត្តបម្រើប្រជាជន ម្ល៉ោះហើយលោកថាច់សៀង មានទំនុកចិត្តខ្ពស់ក្នុងប្រជាជន គួបផ្សំបានទៅជាកម្លាំងទូទាំងប្រជាជនក្នុងការអនុវត្តនៅគ្រប់ចលនា។ បណ្តាទិសដៅផែនការនានាដែលភូមិភាគគិតថា ពិបាកសម្រេចបាន ប៉ុន្តែលោកថាច់សៀង តែងខ្នះខ្នែងគួបផ្សំជាមួយនឹងបក្ខជនទាំងឡាយ អង្គការមហាជននានាអនុវត្តសម្រេចរាល់ភាគកម្រិតអភិវឌ្ឍសេដ្ឋកិច្ច វប្បធម៌សង្គម សន្តិសុខការពារប្រទេស សណ្តាប់ធ្នាប់សុវត្ថិភាពសង្គម ធ្វើឱ្យកម្រិតជីវភាពនៅតំបន់ជនរួមជាតិខ្មែរត្រូវបានលើកស្ទួយជាលំដាប់”៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ