សុខភាព - អប់រំ អប់រំ

31/10/2022 - 14:23

រួមដៃគ្នាជួយជនរួមជាតិខ្មែរផ្លាស់ប្តូរគំនិតពីការរៀនសូត្រ

ឥឡូវនេះ ទៅសាលារៀននៅតំបន់ដែលមានជនជាតិខ្មែររស់នៅកុះករនៃក្រុងកឹងធើ គេតែងឃើញអាណាព្យាបាលសិស្សជាច្រើនបានជូនកូនទៅរៀន។ អាចយល់ថាអាណាព្យាបាលសិស្សកាន់តែចាប់អារម្មណ៍លើការរៀនសូត្ររបស់កូន។

ប្អូនៗកំពុងលេងកម្សាន្តនៅទីធ្លាសាលាបឋមសិក្សាឌិញម៉ូង ២ ដែលសម្រេចបទដ្ឋានជាតិ ។

បងស្រីធីសយ នៅឃុំដុងហ៊ីប ស្រុកកើ-ដ ឱ្យដឹង៖ “ដោយសារប្តីខ្ញុំគាត់ទៅធ្វើការនៅខេត្តប៊ិញយឿង ទើបខ្ញុំជួលឡានចុះទៅយ៉ុងរ៉ៀងស្រុកកំណើតខ្ញុំ ធ្វើសំណុំបែបបទតាមការណែនាំរបស់កម្មាភិបាល ដើម្បីកូនស្រីមានសំបុត្រកំណើតសម្រាប់ចូលរៀននឹងគេ។ ខ្ញុំជួបការលំបាកច្រើន ព្រោះមិនចេះអក្សរ ដូច្នេះប្តីប្រពន្ធខ្ញុំប្ដេជ្ញាចិត្តឱ្យកូនរៀនសូត្រ”។

តាមប្រសាសន៍លោក ហ្វិញវ៉ាន់វ៉ាត់ ប្រធានការិយាល័យអប់រំនិងបណ្តុះបណ្តាលស្រុកកើ-ដ ដើម្បីផ្លាស់ប្តូរគំនិតរបស់អាណាព្យាបាលសិស្សជាជនជាតិខ្មែរពីការរៀនសូត្រ គឺត្រូវមានការរួមដៃគ្នាពីគ្រប់ថ្នាក់គ្រប់ផ្នែក។ ក្នុងនោះ ភូមិភាគក៏បានកសាងផែនការនិងធ្វើសេនាធិការជូនថ្នាក់លើ កសាងរៀបគម្រោងប្លង់សាលារៀន បន្ទប់រៀនឱ្យសមស្រប និងសម្រេចបទដ្ឋានជាតិ។ អង្គការមហាជន រដ្ឋអំណាចភូមិភាគ សហការជាមួយផ្នែកអប់រំដើម្បីចលនាសិស្សចូលរៀន។ សមាគមជំរុញការសិក្សាគ្រប់លំដាប់ថ្នាក់ ក៏ចលនាអាហារូបករណ៍ គ្រឿងសម្ភារៈសិក្សានិងមធ្យោបាយទៅសាលា ដើម្បីជួយដល់សិស្សានុសិស្សជនជាតិភាគតិច ដែលជួបការលំបាក។ល។ ការទទួលខុសត្រូវរបស់សហគមន៍ បានជួយឱ្យអាណាព្យាបាលសិស្សយល់ឃើញថាត្រូវតែសហការដើម្បីគិតគូរឱ្យសិស្សបានទៅរៀន។

យោងតាមស្ថិតិរបស់ការិយាល័យអប់រំខណ្ឌអូរម៉ូង ឆ្នាំ ២០២២ ខណ្ឌវិនិយោគ ៩០ ពាន់លានដុងដើម្បីជួសជុល សាងសង់និងបំពាក់បន្ថែមនូវឧបករណ៍ថ្មីៗដល់សាលារៀន ក្នុងនោះ មានសាលានៅសង្កាត់ទ្រឿងឡាក ចូវវ៉ាន់លីមជាដើម ។ល។ ជាកន្លែងដែលមានជនរួមជាតិខ្មែររស់នៅកុះករ។ លោកហ្វិញវ៉ាន់ភូ ប្រធានគណៈកម្មាធិការប្រជាជនសង្កាត់ទ្រឿងឡាក ឱ្យដឹង៖ “បច្ចុប្បន្ន នៅតាមមណ្ឌលសាលាសំខាន់ៗលើភូមិសាស្រ្តសុទ្ធតែសម្រេចបទដ្ឋានជាតិ។ ចំណែកទីតាំងសាលាសាខា ក៏ត្រូវបានសាងសង់យ៉ាងរឹងមាំ ឆ្លើយតបតាមតម្រូវការរៀនសូត្ររបស់កូនចៅជនរួមជាតិខ្មែរលើភូមិសាស្រ្ត”។

ចំណែកលោកង្វៀងវ៉ាន់ជី ប្រធានការិយាល័យអប់រំ និងបណ្តុះបណ្តាលស្រុកថើយឡាយ មានប្រសាសន៍ ទន្ទឹមនឹងការវិនិយោគសាងសង់ថ្មី ហេដ្ឋារចនាសម្ព័ន្ធគមនាគមន៍តំបន់ជនជាតិភាគតិចក៏ត្រូវបានវិនិយោគព្រមៗគ្នា ដូច្នេះ សិស្សានុសិស្សកាន់តែមានភាពងាយស្រួលពេលទៅកាន់សាលារៀន៕

ហាថាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ