សុខភាព - អប់រំ សុខភាព

24/10/2022 - 15:49

វិញឡុង បង្កើនការបង្ការជំងឺគ្រុនឈាម

ចំពោះមុខស្ថានភាពប្រែប្រួលយ៉ាងស្មុគស្មាញនៃជំងឺគ្រុនឈាម ផ្នែកសុខាភិបាលខេត្តវិញឡុង បានសហការជាមួយភូមិភាគនានាបង្កើនការផ្សព្វផ្សាយ ដើម្បីប្រជាជនម្ចាស់ការបង្ការជំងឺ។

ផ្សារទ្រុងថាញ់មានភាពស្អាតបាត គ្មានថ្លុកដក់ទឹក ដោយសារបានកម្មាភិបាលសុខាភិបាលក្រើនរំលឹករឿយៗ។

តាមស្ថិតិរបស់ផ្នែកសុខាភិបាលខេត្តវិញឡុង ទូទាំងខេត្ដបានប្រទះឃើញសម្បុករោគជាង ២៨០ កន្លែង ករណីជំងឺធ្ងន់ត្រូវបញ្ជូនទៅមន្ទីរពេទ្យថ្នាក់លើ កើនជាង ៤ដង បើប្រៀបនឹងរយៈពេលដូចគ្នាកាលពីឆ្នាំកន្លង។ ចំពោះមុខស្ថានភាពខាងលើ ផ្នែកសុខាភិបាល ខេត្តបានម្ចាស់ការបង្កើនការផ្សព្វផ្សាយ សហការនឹងភូមិភាគនានា ត្រួតពិនិត្យភូមិសាស្ត្រម៉ត់ចត់។ ទន្ទឹមនឹងនោះ រួមជាមួយអង្គភាពនានាដែលពាក់ព័ន្ធជំរុញការផ្សព្វផ្សាយតាមរយៈមធ្យោបាយព័ត៌មានមហាជននានា។ នៅតាមដំណាក់សុខាភិបាល ជានិច្ចកាលតែងមានកម្មាភិបាលប្រចាំការ ដើម្បីធ្វើការពិគ្រោះនិងណែនាំប្រជាជនបានទាន់ពេល ពីរបៀបបង្ការប្រឆាំងជំងឺគ្រុនឈាមនិងវិធីព្យាបាលនៅពេលកើតជំងឺ។

លោកស្រីសើុងធីង៉ុកហឿង អនុប្រធានដំណាក់សុខាភិបាលឃុំទ្រុងថាញ់ ស្រុកវ៉ុងលីម ឱ្យដឹង៖ “ដំណាក់សុខាភិបាលបានកសាងផែនការទប់ទល់នឹងជំងឺគ្រុនឈាមយ៉ាងលម្អិត។ ក្នុងនោះ លើកកម្ពស់ការងារសហការជាមួយនឹងសហការីសុខាភិបាលនៅតាមភូមិ ពិសេស ភូមិដែលមានជនរួមជាតិខ្មែររស់នៅកុះករ។ ការទំនាក់ទំនងជិតស្និទ្ធនឹងមូលដ្ឋាន ជួយផ្តល់ព័ត៌មានអំពីជំងឺរាតត្បាតដល់ដំណាក់សុខាភិបាលបានទាន់ពេលផងដែរ។ ខណៈមានករណីកើតជំងឺគ្រុនឈាម ដំណាក់នឹងជូនដំណឹងទៅសុខាភិបាលបម្រុង កំណត់តំបន់ឆ្លងមេរោគ បាញ់ថ្នាំទាន់ពេល មិនទុកឱ្យជំងឺផ្ទុះរាលដាលទៅជាសម្បុករោគឡើយ”។ តាមប្រសាសន៍ បងថាច់តឹម ប្រធានភូមិតាធាយ ឃុំតឹងមី ស្រុកត្រាអូង ភូមិភាគជានិច្ចកាលតែងសហការនឹងដំណាក់សុខាភិបាលឃុំចុះទៅតាមផ្ទះ ដើម្បីផ្សព្វផ្សាយ ចលនាប្រជាជនអនុវត្តនូវវិធីបង្ការ ប្រឆាំងជំងឺគ្រុនឈាមដែលផ្នែកសុខាភិបាលបានផ្តល់អនុសាសន៍។ ក្នុងនោះ ផ្តោតទៅលើការកាប់ឆ្ការស្មៅព្រៅស៊ុមទ្រុម មិនឱ្យមានថ្លុកដក់ទឹកនិងដេកដាក់មុងទាំងយប់ទាំងថ្ងៃ។ អាស្រ័យហេតុនោះ លើភូមិសាស្ត្រមិនមានសម្បុករោគធ្ងន់ធ្ងរឡើយ”។

តាមប្រសាសន៍លោកស្រី ហូធីធូហុង នាយិការងមន្ទីរសុខាភិបាលខេត្តវិញឡុង តួនាទីរបស់ប្រជាជនក្នុងការបង្ការប្រឆាំងជំងឺគ្រុនឈាមគឺ សំខាន់ខ្លាំងណាស់ ម្ល៉ោះហើយផ្នែកសុខាភិបាលបានជំរុញការផ្សព្វផ្សាយតាមរយៈរូបភាពជាច្រើន ដើម្បីបង្ក្រាបជំងឺរាតត្បាត។ ការសហការផ្សព្វផ្សាយរបស់ផ្នែកសុខាភិបាលវិញឡុង បានផ្តល់លទ្ធផលគួរឱ្យកត់សម្គាល់។ បងស្រីដាវធីបាច់វ៉ឹង នៅភូមិកំពង់រលីង ជាភូមិដែលមានជនរួមជាតិខ្មែររស់នៅកុះកររបស់ឃុំទ្រុងថាញ់ ឱ្យដឹង៖ “ខ្ញុំតែងពិនិត្យមើលពាងទឹក ខណៈពេលឃើញមានដង្កូវទឹក គឺគ្រលែងចាក់ចោលភ្លាម មិនទុកឱ្យកើតមូសទេ។ យើងត្រូវម្ចាស់ការបង្ការប្រឆាំងជំងឺគ្រុនឈាម ដើម្បីសុខភាពគ្រួសារយើង បន្ទាប់មកទៀតគឺដើម្បីសហគមន៍ទាំងមូល”៕

ហាថាញ -លីសៀ

ចែករំលែកអត្ថបទ

ពាក្យគន្លឹះ