ព្រឹត្តិការណ៍ - នយោបាយ ព្រឹត្តិការណ៍

03/10/2022 - 15:29

បន្តកសាងអង្គការរណសិរ្សនិងអង្គការមហាជនប្រទេសទាំងពីរ វៀតណាមនិងកម្ពុជា មួយថ្ងៃកាន់តែរឹងមាំ

គណៈកម្មាធិការមជ្ឈិមរណសិរ្សមាតុភូមិវៀតណាម និងក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ទើបសហការរៀបចំសន្និសីទអន្តរជាតិ កសាងខ្សែបន្ទាត់ព្រំដែនវៀតណាម-កម្ពុជា សន្តិភាព មិត្តភាព សហប្រតិបត្តិការ ដើម្បីអភិវឌ្ឍន៍លើកទី ៦ ដំណាក់កាល ២០២២-២០២៥។

តំណាងថ្នាក់ដឹកនាំរណសិរ្សនៃប្រទេសទាំងពីរ ចុះកិច្ចសន្យាក្នុងអង្គសន្និសីទ។

យោងតាមនោះ គណៈកម្មាធិការមជ្ឈិមរណសិរ្សមាតុភូមិវៀតណាម និងក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា (ភាគីទាំងពីរ) បានរួមគ្នាដោះដូរ ពិភាក្សានិងឯកភាពលើទិសដៅ ភារកិច្ច សហប្រតិបត្តិការកសាងខ្សែបន្ទាត់ព្រំដែនវៀតណាម-កម្ពុជា សន្តិភាព មិត្តភាព សហប្រតិបត្តិការដើម្បីអភិវឌ្ឍន៍ ដំណាក់កាល ២០២២-២០២៥ ជាមួយនិងខ្លឹមសារសំខាន់ៗ ត្រូវបានលើកឡើងតាមរយៈសេចក្ដីប្រកាសរួមនូវខ្លឹមសារ ស្ដីពីការងារផ្សព្វផ្សាយ; កសាងអង្គការរណសិរ្សនិងអង្គការមហាជនរឹងមាំ។ ភាគីទាំងពីរបានបន្តការកៀរគរអាជីវកម្ម សហការជាមួយនិងរដ្ឋអំណាចនៅភូមិភាគដែលមានខ្សែបន្ទាត់ព្រំដែនរួមគ្នា រៀបចំ “ផ្សារណាត់សាមគ្គី” ដើម្បីនាំយកទំនិញវៀតណាម ទំនិញកម្ពុជា មានគុណភាពខ្ពស់ចុះទៅតំបន់ព្រំដែនលក់ជូនប្រជាជននៅតាមភូមិនានា ជាប់នឹងព្រំដែន ។ល។ សេចក្ដីប្រកាសរួម ក៏បានលើកឡើងអំពីរណសិរ្សមាតុភូមិវៀតណាមក្រុងចំណុះមជ្ឈិមចំនួន ៥ និងរណសិរ្សមាតុភូមិនៅបណ្ដាខេត្តទាំងឡាយ មានលក្ខណសម្បត្តិអភិវឌ្ឍន៍សេដ្ឋកិច្ចងាយស្រួល បង្កើនកិច្ចសហប្រតិបត្តិការ (ចងសម្ព័ន្ធ) ជាមួយនឹងរណសិរ្សសាមគ្គី អភិវឌ្ឍន៍មាតុភូមិខេត្តជាប់ព្រំដែនចំនួន ១០ របស់ព្រះរាជាណាចក្រកម្ពុជា សំដៅចែករំលែកបទពិសោធន៍ការងាររណសិរ្ស ក៏ដូចជាសិក្សាស្រាវជ្រាវ ស្នើដល់គណៈកម្មាធិការបក្ស រដ្ឋអំណាច ទាំងសងខាង យកចិត្តទុកដាក់ឧបត្ថម្ភ ជំរុញកិច្ចសហប្រតិបត្តិការលើគ្រប់វិស័យ ជាមួយនឹងភាគីនីមួយៗ ដែលមានប្រៀបខ្លាំង។

ក្នុងសន្និសីទនេះ យោងតាមសេចក្ដីប្រកាសរួម ត្រូវបានអង្គការរណសិរ្សទាំងពីរ ឯកភាពអនុម័តក្នុងសន្និសីទ តំណាងថ្នាក់ដឹកនាំរណសិរ្សខេត្តចំនួន ១០ របស់វៀតណាមនិងខេត្តចំនួន ១០ របស់កម្ពុជា ដែលមានខ្សែបន្ទាត់ព្រំដែនរួមគ្នារវាងប្រទេសទាំងពីរ បានរួមគ្នាដោះដូរ ពិភាក្សានិងឯកភាពចុះកិច្ចសន្យាប្រឡងប្រណាំង។ ខ្លឹមសារចុះកិច្ចសន្យាប្រឡងប្រណាំងផ្ដុំកម្លាំងក្នុងលក្ខឋានជាក់ស្ដែងមួយចំនួន មានដូច៖ រៀបចំសកម្មភាពវប្បធម៌ សិល្បៈ កីឡាប្រវេណី រួមចំណែកអភិរក្សនិងពង្រីកអត្ដសញ្ញាណវប្បធម៌ជនជាតិ; សហការរៀបចំទំនាក់ទំនងរវាងភូមិជាប់ព្រំដែន ដើម្បីប្រជាជនប្រទេសទាំងពីរយល់ដឹងអំពីប្រវេណីវប្បធម៌នៃប្រទេសទាំងពីរ៕

យោង៖ ទស្សនាវដ្ដីរណសិរ្ស-ថាច់ធី

ចែករំលែកអត្ថបទ

ពាក្យគន្លឹះ