សន្តិសុខ - ការពារប្រទេស ការពារប្រទេស

12/09/2022 - 14:56

នាំក្តីរីករាយដល់សិស្សតំបន់ព្រំដែនសមុទ្រ

កម្មវិធី “ជំរុញដំណើរប្អូនទៅសាលា” របស់បញ្ជាការដ្ឋានកងទ័ពការពារព្រំដែនខេត្តសុកត្រាំង បានរក្សាខ្ជាប់និងអនុវត្តឈានចូលឆ្នាំទី ៦ ជួយឱ្យសិស្សក្រខ្សត់ និងសិស្សជនជាតិភាគតិចដែលមានស្ថានភាពលំបាកបានទៅរៀនបន្ត។

កងទ័ពការពារព្រំដែនខេត្តសុកត្រាំង ជូនអាហារូបករណ៍និងសិក្ខូបករណ៍ដល់សិស្សក្រខ្សត់សិស្សជនជាតិភាគតិចនៅតំបន់ព្រំដែនសមុទ្រ។

ដើមឆ្នាំសិក្សា ២០២២-២០២៣ កងទ័ពការពារព្រំដែនបានសហការជាមួយនឹងសមាគមជំរុញការសិក្សាខេត្ត និងសប្បុរសជនផ្ដល់ជូនអាហារូបករណ៍ កង់និងសៀវភៅសរសេរជាង ២០.០០០ ក្បាលដល់ប្អូនៗសិស្សានុសិស្សដែលមានស្ថានភាពលំបាកខ្លាំងនៅតំបន់ព្រំដែនសមុទ្រចំនួន ២០០នាក់។ អាហារូបករណ៍មួយចំណែកៗរួមមានទឹកប្រាក់ ១លានដុង និងសៀវភៅសរសេរ ១០ ក្បាល។ ទន្ទឹមនឹងនោះ កម្មាភិបាល យុទ្ធជនកងទ័ពការពារព្រំដែនខេត្តសុកត្រាំង នៅទាំងរៃអង្គាសប្រាក់ជួយឧបត្ថម្ភដល់ប្អូនៗសិស្សានុសិស្ស ៣៨ នាក់រស់នៅតំបន់ព្រំដែន ដោយចំនួនទឹកប្រាក់ ៥០០.០០០ ដុង/ខែ/ម្នាក់ រហូតដល់ពេលប្រឡងបញ្ចប់វិទ្យាល័យ។ ប្អូនដាវសំណាង សិស្សថ្នាក់ទី ៩ អនុវិទ្យាល័យនិងវិទ្យាល័យឡាយហ្វា ទីរួមខេត្តវិញចូវ ឱ្យដឹង៖ “ច្រើនឆ្នាំមកនេះ ខែណាក៏ពូៗកងទ័ពតែងចុះមកផ្ទះប្អូនឧបត្ថម្ភប្រាក់ អង្ករ មី។ល។ ដើមឆ្នាំសិក្សានេះ ប្អូននៅទាំងទទួលបានអាហារូបករណ៍ សៀវភៅ និងសម្លៀកបំពាក់ទៀតផង។ល។ ហេតុនេះ ប្អូនត្រេកអរខ្លាំងណាស់។ ប្អូនសន្យាថា នឹងខិតខំរៀនឱ្យបានពូកែ ដើម្បីមិនធ្វើឱ្យម្តាយឪពុកនិងពូៗកងទ័ពខកបំណង ដែលបានជួយឧបត្ថម្ភប្អូនឡើយ”។ ចំណែកប្អូនង្វៀងធីប៊ិតង្វៀន កំពុងរៀនថ្នាក់ទី ១១ នៅឃុំវិញហាយ ឱ្យដឹង៖ “គ្រួសារប្អូនក្រខ្សត់ ឪពុកម្តាយគាត់ដើរធ្វើការស៊ីឈ្នួល ថែមទាំងគិតគូរឱ្យបងប្អូន ខ្ញុំ ២ នាក់រៀនសូត្រទៀត ម្ល៉ោះហើយកាន់តែលំបាកខ្លាំង។ អាស្រ័យដើមឆ្នាំសិក្សានេះ បានពូៗ កងទ័ពមកដល់ផ្ទះជូនអាហារូបករណ៍ សៀវភៅ ម្ល៉ោះហើយប្អូនមានសេចក្តីត្រេកអរយ៉ាងក្រៃលែង។ ប្រាក់អាហារូបករណ៍ ប្អូនទិញសម្លៀកបំពាក់ឯកសណ្ឋានសិស្ស និងសិក្ខូបករណ៍ ដើម្បីរៀនសូត្រឱ្យបានល្អ។ ប្អូនសូមថ្លែងអំណរគុណយ៉ាងជ្រាលជ្រៅចំពោះពូៗកងទ័ព ដែលបានជួយឧបត្ថម្ភប្អូននិងគ្រួសារប្អូនក្នុងអំឡុងពេលច្រើនឆ្នាំមកនេះ”។

វរសេនីយ៍ឯក ឡេវ៉ាន់អាញ ស្នងការនយោបាយរងនៃកងទ័ពការពារព្រំដែនខេត្តសុកត្រាំង ជូនអាហារូបករណ៍ដល់ប្អូនង្វៀងធីប៊ិតង្វៀន។

តាមប្រសាសន៍លោកវរសេនីយ៍ឯក ឡេវ៉ាន់អាញ ស្នងការនយោបាយរងនៃកងទ័ពការពារព្រំដែនខេត្តសុកត្រាំង ក្នុងអំឡុងពេល ៥ ឆ្នាំកន្លង អនុវត្តកម្មវិធី “ជំរុញដំណើរប្អូនទៅសាលា” កម្មាភិបាល យុទ្ធជនកងទ័ពការពារព្រំដែនខេត្ត បានរៃអង្គាសទឹកប្រាក់បានជាង ១,២ ពាន់លានដុង; ជូនកង់ ៤០ គ្រឿង និងចលនាទឹកប្រាក់បានជាង ៦០ លានដុង ដើម្បីឧបត្ថម្ភជាសៀវភៅសរសេរ សៀវភៅសិក្សាគោលនិងសិក្ខូបករណ៍ដល់សិស្សដែលមានស្ថានភាពលំបាកនៅតំបន់ព្រំដែនសមុទ្រ។ កម្មវិធីតែងមានការព្រួតដៃចូលរួមរបស់សមាគមជំរុញការសិក្សាខេត្ត ក្រុមហ៊ុនចំកាតសមាជិកមួយឆ្នោតជាតិខេត្តសុកត្រាំង និងសាខា Viettel សុកត្រាំង។ អាហារូបករណ៍ទាំងនេះ បានបង្ហាញពីការយកចិត្តទុកដាក់របស់បក្ស រដ្ឋ របស់កងទ័ពចំពោះប្អូនៗសិស្សានុសិស្សក្រខ្សត់ សិស្សជនជាតិភាគតិចនៅតំបន់ព្រំដែនសមុទ្ររបស់ខេត្ត។ ការយកចិត្តទុកដាក់គិតគូរ សំដៅជួយឱ្យប្អូនៗមានលក្ខណៈបានទៅរៀន ក្លាយជាពលរដ្ឋល្អ មានប្រយោជន៍ដល់សង្គម រួមចំណែកជាមួយនឹងកងទ័ពការពារព្រំដែនការពារអធិបតេយ្យសន្តិសុខព្រំដែនសមុទ្រ៕

លីធាន-វិមាន

ចែករំលែកអត្ថបទ

ពាក្យគន្លឹះ