គោលនយោបាយ -ការរស់នៅ គោលនយោបាយ

29/08/2022 - 15:02

បាកលីវ អនុវត្តល្អការងារតបស្នងសងគុណ

ខេត្តបាកលីវ តែងយកចិត្តទុកដាក់និងអនុវត្តល្អនូវគោលនយោបាយតបស្នងសងគុណ គិតគូរដល់អ្នកមានគុណបំណាច់ និងសាច់ញាតិអ្នកមានគុណបំណាច់ក្នុងខេត្ត។

លេខាគណៈកម្មាធិបក្ស ខេត្តបាកលីវ ជូនអំណោយដល់វីរមាតាវៀតណាម។

បច្ចុប្បន្ន ខេត្តបាកលីវមានអ្នកមានគុណបំណាច់និងសាច់ញាតិអ្នកមានគុណបំណាច់ចំពោះបដិវត្តន៍ជាង ៧១.០០០ រូប; មានយុទ្ធជនពិការនិងយុទ្ធជនជំងឺជាង ៦.០០០ រូប; មានអ្នកតស៊ូសម័យសង្រ្គាម និងកូនរបស់ពួកគាត់ត្រូវរងជាតិពុលគីមីជាង ២.៥០០ រូប។ ទូទាំងខេត្ត មានអ្នកម្តាយជាង ២.១០០ រូបបានរដ្ឋប្រទាននិងឧទ្ទិសជូនជាកិច្ចបច្ឆាប្រទានកិត្តិនាមវីរមាតាវៀតណាម។ ប៉ុន្មានឆ្នាំមកនេះ រួមជាមួយនឹងការអនុវត្តនូវគោលនយោបាយអនុគ្រោះរបស់បក្សនិងរដ្ឋ គណៈកម្មាធិការបក្ស រដ្ឋអំណាច រណសិរ្សមាតុភូមិវៀតណាមនិងអង្គការមហាជនគ្រប់លំដាប់ថ្នាក់ អង្គភាពកងទ័ព នគរបាល អាជីវកម្ម បុគ្គលក្នុងនិងក្រៅខេត្ត បានសកម្មចូលរួមបំផុសចលនា “តបស្នងសងគុណ”។ គិតតាំងពីឆ្នាំ ២០១២ មកដល់បច្ចុប្បន្ន ខេត្តបានសាងសង់និងជួសជុលផ្ទះជូនអ្នកមានគុណបំណាច់ចំពោះបដិវត្តន៍ ដែលប្រឈមនឹងការលំបាកខាងលំនៅឋានបាន ៧.២៨០ ខ្នង ក្នុងនោះ អនុវត្តតាមគម្រោង ២២ គឺសាងសង់ផ្ទះបាន ៥.១០៧ ខ្នងជូនគ្រួសារគោលនយោបាយ។

ប្រគល់ជូនផ្ទះមនោសញ្ចេតនាដល់គ្រួសារអ្នកមីងត្រឹងធីផឹង។

បច្ចុប្បន្ន តម្រូវការលំនៅឋានជូនអ្នកមានគុណបំណាច់ចំពោះបដិវត្តន៍និងសាច់ញាតិយុទ្ធជនពលីគឺ ៣.៤៩១ ខ្នង កំពុងបានគណៈកម្មាធិការប្រជាជនស្នើក្រសួងសំណង់ដើម្បីសាងសង់។ ទន្ទឹមនឹងនោះ ក៏បានផ្សព្វផ្សាយនូវសកម្មភាពជាច្រើន ដូច៖ ទំនុកបម្រុងយុទ្ធជនពិការនិងយុទ្ធជនជំងឺ គ្រួសារយុទ្ធជនពលី បណ្ដុះបណ្ដាលមុខរបរ បង្កើតឱកាសការងារ ជូនបញ្ជីសន្សំសំចៃ ក្រៅពីនោះ អង្គភាពភូមិភាគទំនុកបម្រុងវីរមាតាវៀតណាមអស់មួយជីវិតចំនួន ៦២ រូប។ ជួយឧបត្ថម្ភយុទ្ធជនពិការធ្ងន់ ១១៤ រូប ចំណាយថវិកាគិលានុដ្ឋាកនៅនឹងគ្រួសារជាង ២.០០០ រូប ។ល។ ឆ្លងតាមរយៈនោះ រួមចំណែកលំនឹងជីវភាពសម្ភារៈ និងស្មារតី លើកទឹកចិត្តយុទ្ធជនពិការនិងយុទ្ធជនជំងឺ គ្រួសារយុទ្ធជនពលីនិងអ្នកមានគុណបំណាច់ចំពោះបដិវត្តន៍ បន្តរួមចំណែកក្នុងបុព្វហេតុផ្លាស់ថ្មីរបស់ប្រទេសជាតិ។ អ្នកមីងត្រឹងធីផឹង នៅសង្កាត់ ១ ក្រុងបាកលីវ ឱ្យដឹង៖ “ជាច្រើនឆ្នាំមកនេះ គ្រួសារខ្ញុំទទួលបានគ្រប់សព្វនូវរបបគោលនយោបាយសម្រាប់អ្នកមានគុណបំណាច់។ ថ្មីៗនេះ ខ្ញុំបានរដ្ឋអំណាចជួយឧបត្ថម្ភសាងសង់ផ្ទះថ្មី ម្ល៉ោះហើយខ្ញុំរីករាយខ្លាំងណាស់”។

លោកផាមវ៉ាន់ធៀវ ប្រធានគណៈកម្មាធិការប្រជាជនខេត្តបាកលីវ បញ្ជាក់៖ “ខេត្តបានចង្អុលការដល់មន្ទីរ គណៈ ផ្នែក អង្គការមហាជន និងភូមិភាគនានា បន្តរៀបចំអនុវត្តឱ្យបានល្អប្រសើរជាងទៀតនូវគោលនយោបាយអនុគ្រោះដល់អ្នកមានគុណបំណាច់; និងយកចិត្តទុកដាក់ដល់ការអប់រំបណ្តុះបណ្តាល បង្រៀនរបរ បង្កើតការងារធ្វើជូនអ្នកមានគុណបំណាច់និងកូនចៅរបស់ពួកគាត់; ផ្តល់ជំនួយជាក់ស្តែងនិងមានប្រសិទ្ធភាពដល់គ្រួសារគោលនយោបាយអំពីសម្ភារៈ ដើម្បីឱ្យគ្រួសារអ្នកគុណបំណាច់ មានកម្រិតជីវភាពស្មើឬខ្ពស់ជាងកម្រិតមធ្យមរបស់ប្រជាជននៅក្នុងភូមិស្រុក”៕

យុីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ