គោលនយោបាយ -ការរស់នៅ ការរស់នៅ

18/11/2025 - 05:33

ព្រួតដៃធានាសុខុមាលភាពសង្គមតំបន់ជនជាតិភាគតិច

ជាច្រើនឆ្នាំកន្លង ទីក្រុងកឹងធើតែងយកចិត្តទុកដាក់អនុវត្តល្អការងារសុខុមាលភាពសង្គមនៅតំបន់ជនជាតិភាគតិច។ ដោយមានគោលនយោបាយ កម្មវិធីនិងគម្រោងជាច្រើនបានផ្សព្វផ្សាយអនុវត្តព្រមៗគ្នា ជួយលើកកម្ពស់ជីវភាពសម្ភារៈនិងស្មារតីរបស់ប្រជាជន។ រយៈពេលកន្លង នៅឃុំវិញហាយ រដ្ឋអំណាចភូមិភាគគ្រប់ថ្នាក់បានផ្តុំកម្លាំងផ្សព្វផ្សាយអនុវត្តមានប្រសិទ្ធភាពកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិឋាន ឧបត្ថម្ភសាងសង់ផ្ទះ ១៣៧ ខ្នង ក្នុងនោះ សាងសង់ថ្មី ១១៨ ខ្នងនិងជួសជុលផ្ទះ១៩ខ្នង ជួយឱ្យប្រជាជនមានផ្ទះសម្បែងសមរម្យដើម្បីស្ងប់អារម្មណ៍ពលកម្មផលិត។

បងស្រីឌិញធីឡាង នៅភូមិវិញថាញ់ B ឃុំវិញហាយ បានជំនួយសាងសង់ផ្ទះថ្មីនៅដើមឆ្នាំ ២០២៥។

បងស្រីឌិញធីឡាង នៅភូមិវិញថាញ់ B ឃុំវិញហាយ ឱ្យដឹងដោយក្ដីរំភើប៖ “គ្រួសារខ្ញុំពីមុននេះរស់នៅក្នុងផ្ទះស្លឹកចាស់ទ្រុឌទ្រោម។ អាស្រ័យបានរដ្ឋជំនួយ ៦០ លានដុង ដើម្បីសាងសង់ផ្ទះថ្មី ទើបខ្ញុំមានផ្ទះរឹងមាំ ស្ងប់អារម្មណ៍ប្រកបការងារ ពង្រីកសេដ្ឋកិច្ចគ្រួសារ” ។

រួមជាមួយនឹងការឧបត្ថម្ភសាងសង់ផ្ទះ ទីក្រុងកឹងធើ ក៏ផ្តោតលើការឧបត្ថម្ភបុលទុនអាទិភាពដល់មាមីងដើម្បីអភិវឌ្ឍទម្រង់ផលិត។ គិតមកដល់ថ្ងៃទី ៣០ ខែកញ្ញា ឆ្នាំ ២០២៥ ចំនួនទឹកប្រាក់ឱ្យបុលឡើងដល់ជាង ២៨ ពាន់លានដុង ដោយមានអតិថិជនចំនួន ៦២១ នាក់ទទួលបានប្រាក់កម្ចី។ បច្ចុប្បន្ន ទូទាំងឃុំមាន ៧០ ក្រុមប្រិតសំចៃនិងបុលទុន អាស្រ័យប្រភពទុននេះ មានគ្រួសារជាច្រើនបានវិនិយោគក្នុងការចិញ្ចឹមសត្វ ដាំដុះ លក់ដូរតូច ជាជំហានៗ ឈានឡើងចាកភាពក្រីក្រដោយចីរភាព។

លោកស្រីឡេធីឌឹកហាញ អគ្គនាយិការងនៃធនាគារគោលនយោបាយសង្គមមជ្ឈិម បានបញ្ជាក់៖ “រយៈពេលខាងមុខ សំណូមពរឃុំបន្តការយកចិត្តទុកដាក់ដឹកនាំ ចង្អុលការផ្សព្វផ្សាយ អនុវត្តនូវគោលការណ៍ គោលនយោបាយរបស់បក្សនិងរដ្ឋ អំពីឥណទានគោលនយោបាយសង្គម ពិសេស គឺការអនុវត្តល្អបទបញ្ជាលេខ ៣៩-CT/TW ចុះថ្ងៃទី ៣០ ខែតុលា ឆ្នាំ ២០២៤ របស់គណៈលេខាមជ្ឈិមបក្ស ស្តីពីការលើកកម្ពស់ប្រសិទ្ធភាពឥណទានគោលនយោបាយសង្គមក្នុងដំណាក់កាលថ្មី”។

ជាក់ស្តែងឃើញថា កម្មវិធីសុខុមាលភាពសង្គមបានផ្សព្វផ្សាយអនុវត្តនៅតំបន់ជនជាតិភាគតិចនៅទីក្រុងកឹងធើ បាននិងកំពុងពង្រីកប្រសិទ្ធភាពយ៉ាងច្បាស់។ ប្រជាជនមិនត្រឹមតែបានឧបត្ថម្ភសាងសង់ផ្ទះ បុលទុនប៉ុណ្ណោះទេ ថែមទាំងទទួលបានការណែនាំនិងហ្វឺកហ្វឹនបំណិនផលិតធ្វើអាជីវកម្មសមស្របនឹងស្ថានភាពជាក់ស្តែង។ ផ្តើមពីនោះ ទម្រង់សេដ្ឋកិច្ចជាលក្ខណៈគ្រួសារជាច្រើនបានបង្កើតឡើង រួមចំណែកកាត់បន្ថយអត្រាគ្រួសារក្រីក្រ បង្កការងារធ្វើនិងបង្កើនប្រាក់ចំណូលជូនប្រជាជន។

លទ្ធផលដែលសម្រេចបានទាំងនេះ បញ្ជាក់អំពីការយកចិត្តទុកដាក់របស់បក្ស រដ្ឋ ចំពោះជនជាតិភាគតិច ព្រមទាំងបង្ហាញពីស្មារតីសាមគ្គី ព្រួតដៃ ដើម្បីទិសដៅ “មិនទុកនរណាម្នាក់ចោលនៅខាងក្រោយ” រួមចំណែកកសាងទីក្រុងកឹងធើ កាន់តែអភិវឌ្ឍន៍ លំនឹងនិងចីរភាព៕

ហុងទើ- ត្រឹងរ៉ូន

ចែករំលែកអត្ថបទ

ពាក្យគន្លឹះ