មហាសាមគ្គីជនជាតិ គំរូក្នុងសហគមន៍

04/07/2022 - 15:43

អ្នកស្ម័គ្រចិត្តបរិច្ចាគឈាម ២០ លើក

បងលីថាញ់យ៉្វាន់ នៅភូមិភូថាញ់ A ឃុំភូតឹម ស្រុកចូវថាញ់ ខេត្តសុកត្រាំង ស្ម័គ្រចិត្តបរិច្ចាគឈាមជាង ២០ លើក។ បងជាមនុស្សម្នាក់ក្នុងចំណោមអ្នកស្ម័គ្រចិត្តបរិច្ចាគឈាម បានគណៈកម្មាធិការប្រជាជនខេត្ត ជូនប័ណ្ណសរសើរឆ្នាំ ២០២២ ។

បងលីថាញ់យ៉្វាន់ ទទួលប័ណ្ណសរសើររបស់គណៈគម្មាធិការប្រជាជនខេត្តសុកត្រាំង ពីព្រោះមានស្នាដៃគំរូក្នុងការស្ម័គ្រចិត្តបរិច្ចាគឈាម។

បងលីថាញ់យ៉្វាន់ បច្ចុប្បន្នជាប្រធានគណៈកម្មការប្រជាជនភូមិភូថាញ់ A ទើបការបរិច្ចាគឈាមរបស់បងបានសាយសុសទូទាំងប្រជាជន។ បងយ៉្វាន់ ឱ្យដឹង៖ “កាលនៅជានិស្សិតសាកលវិទ្យាល័យកឹងធើ ខ្ញុំក៏ធ្លាប់បរិច្ចាគឈាមដែរ។ ពីព្រោះខ្ញុំនឹកឃើញថា “តំណក់ឈាមដែលបានបរិច្ចាគ ជីវិតមនុស្សម្នាក់នឹងបានរស់ឡើងវិញ” តំណក់ឈាមដែលខ្ញុំបរិច្ចាគអាចសង្រ្គោះមនុស្សដែលកំពុងត្រូវការឈាម នោះហើយជាក្ដីរីករាយ ជាកម្លាំងចិត្តសម្រាប់ខ្ញុំបរិច្ចាគឈាមបន្តទៀត”។ តាមសម្ដីបងយ៉្វាន់ កាលទើបបរិច្ចាគឈាមដំបូង បងក៏មានអារម្មណ៍ភ័យខ្លាច ប៉ុន្តែនៅពេលបានសម្ព័ន្ធយុវជនបំផុសចលនា បងក៏លែងអល់អែកហើយចូលរួមដោយស្ម័គ្រចិត្ត។ បងយ៉្វាន់ ចែករំលែក៖ “ក្រោយពីបរិច្ចាគឈាម ខ្ញុំឃើញសុខភាពមាំមួនជាធម្មតា ម្ល៉ោះហើយ បានចលនាសាច់ញាតិក្នុងគ្រួសារចូលរួមបរិច្ចាគឈាម”។

ចាប់តាំងពីឆ្នាំ ២០១៥ មកទល់បច្ចុប្បន្ន បងយ៉្វាន់បានបរិច្ចាគឈាមចំនួន ២០ លើក ចំណែកប្រពន្ធបងវិញ គឺបងស្រីហ្វិញធីថាញស្វឹង ក៏រួមជាមួយប្ដីស្ម័គ្រចិត្តបរិច្ចាគឈាមផងដែរ។ បងស្វឹង ឱ្យដឹង៖ “មុនដំបូងសុខភាពខ្ញុំមិនសូវល្អ ពេលនិយាយដល់បរិច្ចាគឈាម ខ្ញុំនៅភ័យខ្លាច ប៉ុន្តែពេលប្ដីបានលើកទឹកចិត្តហើយជូនទៅបរិច្ចាគឈាមលើកដំបូងមកផ្ទះ ឃើញសុខភាពជាធម្មតា។ តាំងពីនោះមក ខ្ញុំចាប់ផ្ដើមចូលរួមបរិច្ចាគឈាម មកទល់ឥឡូវ បាន ៤ លើក។ ខ្ញុំនិងប្ដីនឹងបន្តបរិច្ចាគឈាមរហូតពេលណាគ្មាននៅសមត្ថភាពទើបឈប់។ ពីព្រោះ តំណក់ឈាមរបស់ខ្ញុំបរិច្ចាគអាចសង្រ្គោះជីវិតអ្នកដទៃ ពិតជាមានអត្ថន័យខ្លាំងណាស់”។

ចំពោះបងយ៉្វាន់ ការបរិច្ចាគឈាមចាត់ទុកជាទម្លាប់ម្យ៉ាង ម្ល៉ោះហើយខណៈពេលមានចលនាបរិច្ចាគឈាមនៅភូមិភាគគឺបងខ្នះខ្នែងចូលរួមជាមួយនឹងគោលបំណងបានសង្រ្គោះអ្នកជំងឺកំពុងត្រូវការឈាម។ ក្រៅពីនោះ បងនៅទាំងចលនាសម្ព័ន្ធយុវជន យុវជនជាច្រើនក្នុងភូមិភូថាញ់ A ស្ម័គ្រចិត្តបរិច្ចាគឈាម។ ជាមួយនឹងគំរូស្ម័គ្រចិត្តបរិច្ចាគឈាម និងសកម្មចលនាប្រជាជនបរិច្ចាគឈាមរបស់បងយ៉្វាន់ បានរួមចំណែកធ្វើឱ្យចលនាបរិច្ចាគឈាមឃុំភូតឹម មានភាពសាយសុសពីមួយថ្ងៃទៅមួយថ្ងៃ សម្រេចនិងលើសផែនការដែលគណៈចង្អុលការចលនាស្ម័គ្រចិត្តបរិច្ចាគឈាមស្រុកប្រគល់ជូន៕

លីធាន - ថាច់ធី

ចែករំលែកអត្ថបទ

ពាក្យគន្លឹះ