សុខភាព - អប់រំ សុខភាព

14/06/2022 - 09:40

វិធីដោះស្រាយពេលឈឺក្បាលជង្គង់ក្រោយពីហាត់ប្រាណ លេងកីឡា

អ្នកហាត់ប្រាណ លេងកីឡាភាគច្រើនតែងជួបប្រទះស្ថានភាពឈឺក្បាលជង្គង់។ មូលហេតុ បណ្ដាលមកពីការចលនាបំផុតគឺពេលរត់ទាត់បាល់។ល។ ក្បាលជង្គង់ត្រូវទទួលរងសម្ពាធធ្ងន់ បើជ្រើសរើសវិញ្ញាសាកីឡាមិនបានសមស្របហាត់មិនបានត្រឹមត្រូវ ឬហាត់ខុសរបៀប ហាត់ហួសកម្លាំង ផ្តើមចលនាមិនបានល្អ គឺងាយនឹងឈឺក្បាលជង្គង់ណាស់។

រូបថតជាឧទាហរណ៍។

ប្រសិនបើហាត់ហួសកម្លាំង លោកអ្នកគប្បីបន្ធូរបន្ថយការហាត់ធ្ងន់ នឹងអាចកាត់បន្ថយបានការឈឺចាប់។ ទន្ទឹមនឹងនោះ គប្បីថែទាំម្តុំដែលឈឺដោយវិធីម៉ាស្សាជាប្រចាំ ចាប់ពីគល់ភ្លៅចុះរហូតដល់កំភួនជើង ដើម្បីបង្កើនសរសៃឈាមចិញ្ចឹមបំប៉ន។ ខណៈពេលម៉ាស្សា គប្បីយកចិត្តទុកដាក់មើល តើមានសាច់ដុំកន្លែងណាដែលមួលរឹងឬទេ ដើម្បីម៉ាស្សាឱ្យធូរស្រាល។ ពិសេស នៅត្រង់សន្លាក់ក្បាល ជង្គង់ លោកអ្នកគប្បីយកដៃសង្កត់មើល តើកន្លែងណាឈឺខ្លាំង គឺម៉ាស្សាត្រង់កន្លែងនោះឱ្យបានច្រើន។ ការម៉ាស្សានេះដំបូងអាចបណ្តាលឱ្យឈឺ ប៉ុន្តែសន្សឹមៗក៏បាត់ឈឺទៅវិញ។

ក្រៅពីនោះ លោកអ្នកអាចស្អំទឹកកកដោយកន្សែងត្រជាក់។ នេះជាវិធីសាស្រ្តប្រតិកម្ម រហ័សងាយស្រួលអនុវត្តនៅផ្ទះ ដើម្បីកាត់បន្ថយការឈឺចាប់ ព្រមទាំងមានប្រសិទ្ធភាពខ្ពស់ចំពោះករណីទាំងឡាយ ដូចជា៖ រលាកសន្លាក់ស្រួចស្រាវ ជំងឺរលាកសន្លាក់ហ្គោដ ឈឺកញ្ចឹងក ស្មា ខ្នង ក្បាលជង្គង់ស្រួចស្រាវ និងគ្រេចសរសៃ ភ្លាត់សន្លាក់ដោយលេងកីឡា គ្រោះថ្នាក់ចរាចរណ៍ឬគ្រោះថ្នាក់ពលកម្ម ចលនាហួសកម្រិត និងធ្វើការខុសឥរិយាបថជាដើម។ លោកអ្នកអាចប្រើប្រភពធាតុ ត្រជាក់ផ្សេងៗគ្នា តួយ៉ាងដូច៖ ថង់ទឹកកក កញ្ចប់ទឹកកក ថង់ត្រជាក់វេជ្ជសាស្រ្ត។ល។ ដាក់ពីលើម្តុំដែលឈឺក្នុងរង្វង់ពី ១៥-២០ នាទី ហើយក្នុងមួយថ្ងៃធ្វើដូច្នេះប្រមាណពី ៣-៤ ដង។

ប្រសិនឈឺខ្លាំង ថែទាំប្រមាណមួយសប្តាហ៍ បើឃើញមិនបានធូរស្រាល ៥០% ទេនោះ ល្អបំផុតគួរឆាប់ទៅឱ្យពេទ្យពិនិត្យ។ តាមពិតទៅ មានមនុស្សជាច្រើន ដំបូងគ្រាន់តែឈឺសន្លាក់ជង្គង់តែម្ខាង ម្ល៉ោះហើយក៏ធ្វេសប្រហែសមិនទៅឱ្យពេទ្យពិនិត្យ ឬមិនបានពិនិត្យផ្ទៀងផ្ទាត់ មើលដំណាក់កាលហ្វឹកហាត់របស់ខ្លួន។ ស្ថានភាពនេះបើអូសបន្លាយយូរទៅ នឹងធ្វើឱ្យឈឺកាន់តែធ្ងន់ឡើងៗ បណ្តាលឱ្យមានអាការៈប្រែប្រួលធ្ងន់ធ្ងរនៅសន្លាក់ជង្គង់ ចុះខ្សោយ សន្លាក់ជង្គង់ ចាំបាច់ត្រូវមានការអន្តរាគមន៍ពីវេជ្ជសាស្រ្ត។ ព្រោះហេតុនោះ លោកអ្នកមិនគប្បីធ្វេសប្រហែសឡើយ៕

យោង៖ វេជ្ជបណ្ឌិត ង្វៀងត្រុងធ្វី (មជ្ឈមណ្ឌលវេជ្ជសាស្រ្តកីឡា Starsmec អតីតវេជ្ជបណ្ឌិតក្រុមជម្រើសជាតិ និង U២៣ វៀតណាម)

ចែករំលែកអត្ថបទ

ពាក្យគន្លឹះ