គោលនយោបាយ -ការរស់នៅ គោលនយោបាយ

30/05/2022 - 10:16

បំពានច្បាប់ស្ដីពីសុវត្ថិភាពអនាម័យម្ហូបអាហារ ត្រូវពិន័យធ្ងន់

ការផ្សាយពាណិជ្ជកម្មផលិតផល ដែលមិនធានាសុវត្ថិភាពអនាម័យម្ហូបអាហារ ធ្វើអាជីវកម្មសេវាភោជនីយដ្ឋានគ្មានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពអនាម័យម្ហូបអាហារនឹងត្រូវពិន័យធ្ងន់។

ក្រុមត្រួតពិនិត្យអន្តរផ្នែកសុវត្ថិភាពម្ហូបអាហារក្រុងកឹងធើ ចុះត្រួតពិនិត្យនៅក្រុមហ៊ុនចំកាត់ចែកចាយ H.M.N។ រូបថត៖ ដងលី

អនុក្រឹត្យលេខ ១២៤/២០២១/NĐ-CP វិសោធកម្មមាត្រាមួយចំនួននៃអនុក្រឹត្យលេខ ១១៥/ ២០១៨/NĐ-CP របស់រដ្ឋាភិបាល បានកំណត់ពីការផាកពិន័យរដ្ឋបាលអំពីសុវត្ថិភាពម្ហូបអាហារនិងអនុក្រឹត្យលេខ ១១៧/២០២០ /NĐ-CP របស់រដ្ឋាភិបាល បានកំណត់ពីការផាកពិន័យរដ្ឋបាលក្នុងវិស័យសុខាភិបាលមានការកំណត់យ៉ាងច្បាស់ចំពោះការធ្វើអាជីវកម្ម ភោជនីយដ្ឋាន គ្មានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារឬមានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារដែរ ប៉ុន្តែអស់សុពលភាព លើកលែងតែករណីមិនស្ថិតក្នុងក្របខណ្ឌត្រូវមានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារ អាចនឹងត្រូវផាកពិន័យជាទឹកប្រាក់ ចាប់ពី ២០-៣០ លានដុង។

ចំពោះការផលិត និងជួញដូរម្ហូបអាហារដោយគ្មានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារ ឬមានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាព ម្ហូបអាហារដែរ ប៉ុន្តែអស់សុពលភាព លើកលែងតែករណីមិនស្ថិតក្នុងក្របខ័ណ្ឌត្រូវមានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារ នឹងត្រូវផាកពិន័យជាទឹកប្រាក់ ចាប់ពី ៣០-៤០ លានដុង។ ពិន័យជាទឹកប្រាក់ ចាប់ពី ៤០-៦០ លានដុងចំពោះទង្វើ ដូចជា៖ ផលិតម្ហូបអាហារការពារសុខភាព តែគ្មានវិញ្ញាបនបត្របញ្ជាក់ពីមូលដ្ឋានគ្រប់លក្ខណៈសុវត្ថិភាពម្ហូបអាហារ តាមតម្រូវការនៃការផលិតកម្មល្អ (GMP) ឬមានវិញ្ញាបនបត្រ GMP ប៉ុន្តែអស់សុពលភាព លើកលែងតែករណីផលិតម្ហូបអាហារ ការពារសុខភាពតាមខ្សែសង្វាក់ផលិតឱសថ ឱសថបុរាណ ឬក៏ករណីផ្សេងៗទៀតតាមកំណត់របស់រដ្ឋមន្ត្រីក្រសួងសុខាភិបាល; ធ្វើពាណិជ្ជកម្មនិងដាក់លក់លើទីផ្សារនូវផលិតផលម្ហូបអាហារការពារសុខភាពដែលផលិតក្នុងប្រទេស ឬនាំចូលពីប្រទេសក្រៅ ដែលបានផ្តល់លិខិតទទួលស្គាល់ប្រកាសថាសមស្របនឹងការកំណត់អំពីសុវត្ថិភាពម្ហូបអាហារ ឬក៏លិខិតទទួលចុះឈ្មោះប្រកាសផលិតផលមុនថ្ងៃទី ១ ខែកក្កដា ឆ្នាំ ២០២១ ដែលមិនអនុវត្តការបំពេញបន្ថែមវិញ្ញាបនបត្រ GMP ឬក៏វិញ្ញាបនបត្រប្រហាក់ប្រហែលមុននឹងផលិត។

ដើម្បីការងារគ្រប់គ្រងសុវត្ថិភាពម្ហូបអាហារ ពង្រីកបានប្រសិទ្ធភាពនោះ ទន្ទឹមនឹងការត្រួតពិនិត្យ ឃ្លាំមើល ចាត់វិធានការយ៉ាងម៉ឺងម៉ាត់ រាល់បទល្មើសពីសំណាក់ផ្នែកសមត្ថកិច្ចជាងអ្នកណាទាំងអស់ គឺអ្នកប្រើប្រាស់ គប្បីលើកកម្ពស់ការយល់ដឹងអំពីការធានាសុវត្ថិភាព ប្រុងប្រយ័ត្នចំពោះការផ្សាយលក់តាមប្រព័ន្ធផ្សព្វផ្សាយលើបណ្តាញសង្គម; គួរជ្រើសទិញផលិតផលម្ហូបអាហារនៅអាសយដ្ឋានដែលគួរទុកចិត្ត ផលិតផលមានប្រភពច្បាស់លាស់ ដើម្បីធានាសុខភាពផ្ទាល់ខ្លួននិងគ្រួសារ៕

ហ្វាងអៀង (សរុប)-មុនី 

ចែករំលែកអត្ថបទ

ពាក្យគន្លឹះ