មហាសាមគ្គីជនជាតិ ភូមិស្រុកផ្លាស់ថ្មី

23/05/2022 - 15:10

ជនបទថ្មី រួមចំណែកលើកកម្ពស់ជីវភាពជនរួមជាតិខ្មែរ

ចាប់តាំងពីពេលក្រុងយ៉ារ៉ាយ ខេត្តបាកលីវ បានកសាងសម្រេចបទដ្ឋានជនបទថ្មី មុខមាត់ជនបទតំបន់ដែលមានជនរួមជាតិខ្មែររស់នៅមានភាពផ្លាស់ប្តូរជាវិជ្ជមាន ជីវភាពរបស់មាមីងខ្មែរកាន់តែល្អប្រសើរ។

គណៈជនជាតិនិងសាសនាខេត្តបាកលីវ ជូនអំណោលដល់មាមីងខ្មែរក្រីក្រ
ក្នុងឱកាសបុណ្យចូលឆ្នាំថ្មី។

ជនរួមជាតិខ្មែរនៅក្រុងយ៉ារ៉ាយ តែងសកម្មចូលរួមជាមួយរដ្ឋអំណាចកសាងជនបទថ្មី។ មិនតែបរិច្ចាគដីកសាងផ្លូវ ធ្វើស្ពានជនបទថ្មីប៉ុណ្ណោះទេ មាមីងនៅទាំងជួយជ្រោមជ្រែងក្នុងការកសាងបរិស្ថានបៃតង ស្រស់ស្អាត; ហើយប្តេជ្ញាអនុវត្តបច្ចេកទេសក្នុងការដាំដុះ ចិញ្ចឹមសត្វ; អនុវត្តកែប្រែចម្ការចម្រុះផ្លាស់មកដាំដើមឈើដែលផ្តល់តម្លៃសេដ្ឋកិច្ចខ្ពស់។ល។ ឆ្លងតាមរយៈនោះ រួមចំណែកបង្កើនប្រាក់ចំណូលមធ្យមភាគនៅតំបន់ជនបទ ៦០ លានដុង/ម្នាក់/ឆ្នាំ។ អត្រាគ្រួសារក្រីក្ររបស់ក្រុង បានបន្ថយចុះនៅត្រឹម ០,១%។

ក្នុងដំណើរការកសាងជនបទថ្មី ក្រុងយ៉ារ៉ាយ រួមបញ្ចូលកម្មវិធី គម្រោង និងគោលនយោបាយជំនួយផ្សេងៗរបស់រដ្ឋ ដើម្បីឆាប់សម្រេចលក្ខឋានជនបទថ្មី។ សមិទ្ធផលនេះ អាស្រ័យកម្លាំងស្មារតីឈានឡើងក្នុងពលកម្មផលិតរបស់ជនរួមជាតិខ្មែរ។ អ្នកមីងថាច់ធីឡាង នៅភូមិ ១៧ ឃុំផុងតឹង ក្រុងយ៉ារ៉ាយ ឱ្យដឹង៖ “អាស្រ័យបានរដ្ឋឧបត្ថម្ភពូជសត្វចិញ្ចឹម និងផ្ដល់បុលទុន ខ្ញុំធ្វើស្រែនិងចិញ្ចឹមជ្រូក រកបានប្រាក់ចំណេញជិត ១០០ លានដុងក្នុងមួយឆ្នាំ។ ខ្ញុំបានធនាគារគោលនយោបាយសង្គម ឧបត្ថម្ភបុលទុនបន្ថែមដើម្បីពង្រីកទម្រង់ចិញ្ចឹមជ្រូកមេ និងជ្រូកសាច់”។ លោកចូវផាក ប្រធានគណៈកម្មការវត្តសិរីមានជ័យយ៉ារ៉ាយថ្មី ឱ្យដឹង៖ “ដោយបានរដ្ឋយកចិត្តទុកដាក់ឧបត្ថម្ភជនជាតិខ្មែរសង់ផ្ទះ បុលទុននិងចិញ្ចឹមសត្វ។ ការកសាងផ្លូវថ្នល់ សាលារៀន។ល។ ទើបតំបន់ជនបទដែលមានជនជាតិខ្មែររស់នៅកុះករនៅក្រុងយ៉ារ៉ាយ មានភាពផ្លាស់ប្តូរទាំងស្រុង។ មានគ្រប់លក្ខណៈ បានជាមាមីងខំយកចិត្តទុកដាក់ធ្វើការរកសុី ចំណែកកូនចៅគ្រប់អាយុពលកម្មក៏បានបញ្ជូនទៅបណ្តុះបណ្តាលមុខរបរ និងបានឧទ្ទេសនាមការងារធ្វើនៅតាមក្រុមហ៊ុននានាក្នុងនិងក្រៅខេត្ត មានប្រាក់ចំណូលលំនឹង ទើបជីវភាពរបស់មាមីងបានល្អប្រសើរ”។

លោកហ្វិញថាញ់សើុង អនុប្រធានគណៈកម្មាធិការប្រជាជនឃុំផុងតឹង ក្រុងយ៉ារ៉ាយ ឱ្យដឹង៖ “ភូមិភាគតែងយកចិត្តទុកដាក់ អនុវត្តល្អនូវគោលនយោបាយឧបត្ថម្ភរបស់រដ្ឋសម្រាប់ប្រជាជនខ្មែរ។ ពិសេស គឺគោលនយោបាយជំនួយ និងការបណ្តុះបណ្តាលវិជ្ជាជីវៈ ណែនាំរកការងារធ្វើ ដើម្បីជួយឱ្យប្រជាជនខ្មែរបង្កើនប្រាក់ចំណូល; ស្រុះស្រួលគ្នាអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ និងច្បាប់របស់រដ្ឋ”៕

យ្វីអាញ់-ត្រឹងរ៉ូន

ចែករំលែកអត្ថបទ

ពាក្យគន្លឹះ