23/05/2022 - 15:10

ប្រ​សិទ្ធ​ភាព​ពីប្រ​ភព​ទុន​វិនិ​យោគ​ដល់​ជន​រួម​ជាតិ​ខ្មែរ​នៅ​យ៉ៀងហាយ​

គោល​នយោ​បាយ​ឧបត្ថម្ភ​ដាច់​ដោយ​ឡែក​របស់​រដ្ឋ​លើ​ភូមិ​សាស្រ្ត​ស្រុក​យ៉ៀងហាយ​ ខេត្ត​ត្រា​វិញ​ បាន​ពង្រីក​ប្រ​សិទ្ធ​ភាព​ ជួយ​ដល់​គ្រួ​សារ​ជន​ជាតិ​ខ្មែរ​ជាច្រើន​លំ​នឹង​ជីវ​ភាព​។​

រដ្ឋ​អំ​ណាច​ភូមិ​ភាគ​ចុះ​មក​ពិនិត្យ​ទម្រង់​ចិញ្ចឹម​ពពែ​របស់​គ្រួ​សារ​បង​គឹម​រឿង ​(ឈរ​ខាង​ឆ្វេង​)។​

បង​គឹម​រឿង​ នៅ​ភូមិ​អង្កោល ឃុំ​ឡុង​វិញ​ ឱ្យ​ដឹង​៖ “ខ្ញុំ​បាន​រដ្ឋ​ឧបត្ថម្ភ​សង់​ផ្ទះ​តាម​រយៈ​កម្ម​វិធី​ ១៦៧ និង​បាន​ឧទ្ទេស​នាម​ រៀន​វគ្គ​បណ្តុះ​បណ្តាល​ត្បាញ​បន្ទោះ​ និង​ចិញ្ចឹម​សត្វ​។​ ក្រោយ​ពីរៀន​វគ្គ​បណ្តុះ​បណ្តាល​រួច​ ខ្ញុំ​បាន​ភូមិ​ភាគ​ឧទ្ទេស​នាម​ចូល​រួម​គម្រោង​ AMD ត្រា​វិញ​ និង​បាន​ទទួល​ប្រាក់​ឧបត្ថម្ភ​ ១២ លាន​ដុង​ ដើម្បី​ទិញ​ពពែ​ ២ ក្បាល​មក​ចិញ្ចឹម​។​ រហូត​មក​ទល់​ពេល​នេះ​ ហ្វូង​ពពែ​របស់​គ្រួ​សារ​ខ្ញុំ​កើន​ឡើង​បាន​ជិត​ ២០ ក្បាល​ លក់​អស់​ជាង​ ១០ ក្បាល​ ចំ​ណេញ​បាន​ ២៥ លាន​ដុង​។​ ម្យ៉ាង​ទៀត​ គ្រួ​សារ​ខ្ញុំ​សន្សែ​សន្សំ​ប្រាក់​ទិញ​បាន​គោ ២ ក្បាល​។​ ដូច្នេះ​ខ្ញុំ​មាន​គម្រោង​បង្កើត​កសិដ្ឋាន​ចិញ្ចឹម​គោក្នុង​អនា​គត​។​ល។​ អា​ស្រ័យ​រដ្ឋ​ឧបត្ថម្ភ​គ្រួ​សារ​ ខ្ញុំ​ក៏​បាន​ចាក​ផុត​ពីភាព​ក្រី​ក្រ”។​

ដោយ​សារ​អនុវត្ត​ល្អ​នូវ​កម្ម​វិធី​ គម្រោង​ គ្រោង​ការ​ គោល​នយោ​បាយ​ក្រោម​ការ​ដឹក​នាំ​ចង្អុល​ការ​របស់​គណៈ​កម្មា​ធិការ​ជន​ជាតិ​ ម្ល៉ោះ​ហើយ​ ហេដ្ឋា​រចនា​សម្ព័ន្ធ​តំ​បន់​ជន​រួម​ជាតិ​ខ្មែរ​ស្រុក​យ៉ៀងហាយ​ ត្រូវ​បាន​កែ​លម្អ​ព្រម​ៗ​គ្នា​។​ ផ្តើម​ពីនោះ​ ជីវ​ភាព​ជន​រួម​ជាតិ​ខ្មែរ​លើ​ភូមិ​សាស្រ្ត​ ត្រូវ​បាន​កើន​ឡើង​ជា​លំ​ដាប់​ អត្រា​គ្រួ​សារ​ជន​ជាតិ​ក្រី​ក្រនៅ​ស្រុក​យ៉ៀង​ហាយ​ បាន​ថយ​ចុះ​នៅ​តែ ៤,៦៥% គ្រួ​សារ​កៀក​បន្ទាត់​ក្រនៅ​ ៩,៧៥%។​ មក​ទល់​ពេល​នេះ​ គ្រប់​ភូមិ​ទាំង​អស់​នៅ​ស្រុក​យ៉ៀង​ហាយ​ សុទ្ធ​សឹង​តែមាន​បណ្តា​ញ​អគ្គិ​សនី​ជាតិ​ គ្រួ​សារ​ប្រ​ជា​ជន​មាន​អគ្គិ​សនី​ប្រើ​ប្រាស់​៩៩,៥៣%។​

លោក​សើុង​កុសល​ ប្រ​ធាន​ការិ​យាល័យ​ជន​ជាតិ​ស្រុក​យ៉ៀង​ហាយ​ ឱ្យ​ដឹង​៖  “ទោះ​បីជួប​ការ​លំ​បាក​ជា​ច្រើន​ដោយ​សារ​ជំងឺ​ COVID -១៩ ក៏​ដោយ​ ប៉ុន្តែ​ឆ្នាំ​ ២០២១ ស្រុក​បាន​អនុវត្ត​ល្អ​នូវ​គោល​នយោ​បាយ​ឧបត្ថម្ភ​ដល់​ជន​រួម​ជាតិ​ភាគ​តិច​ផង​ដែរ​។​ តួយ៉ាង​ដូច​ជា​បាន​វិនិ​យោគ​កសាង​ហេដ្ឋា​រចនា​សម្ព័ន្ធ​នៅ​តាម​ឃុំ​លំ​បាក​ខ្លាំង​ ដែល​ចំ​ណុះ​កម្ម​វិធី​ ១៣៥ ដូច​៖ ដាក់​ឱ្យ​ប្រើ​ប្រាស់​ដងផ្លូវ​កៅ​ស៊ូ​បាសាក់​-ង៉ុក​បៀង​ ផ្លូវ​បេតុង​ភូមិ​សា​វាំង​ ឃុំ​ដូង​ចូវ​ និង​ផ្លូវ​កៅ​ស៊ូ​វាល​ស្រែ​ភូមិ​ផ្នោ​ម្ទេស​ ឃុំ​ង៉ូវ​ឡាក​ជា​ដើម​។​ ទន្ទឹម​នឹង​នោះ​ កសាង​ទម្រង់​សេដ្ឋកិច្ច​ដាំ​ដុះ​និង​ចិញ្ចឹម​សត្វ​ជាច្រើន​ បង្ក​លក្ខណ​សម្បត្តិ​សម្រាប់​ជន​រួម​ជាតិ​ខ្មែរ​ក្នុង​ស្រុក​អភិវឌ្ឍ​ផលិត​កម្ម​ ឈាន​ឡើង​ចាក​ផុត​ពីភាព​ក្រី​ក្រដោយ​ចីរភាព​”៕​

សើុង​ម៉ាល័យ​-លីសៀ

ចែករំលែកអត្ថបទ