សន្តិសុខ - ការពារប្រទេស ការពារប្រទេស

02/05/2022 - 12:39

កងទ័ពការពារព្រំដែនបញ្ជូនបក្ខជនចុះប្រជុំជីវកិច្ចបក្សនៅមូលដ្ឋាន

គណៈកម្មាធិការបក្សនៃកងទ័ពការពារព្រំដែន ខេត្តសុកត្រាំង បានឧទ្ទេសនាមនិងបញ្ជូនកម្មាភិបាល បក្ខជននៅតាមប៉ុស្តិ៍ការពារព្រំដែន ចូលរួមប្រជុំជីវកិច្ចសាខាបក្សនៅតាមភូមិ និងអនុសង្កាត់ លើភូមិសាស្រ្តកងទ័ពឈរជើង ដើម្បីបង្កើតទំនាក់ទំនងជិតស្និទ្ធជាមួយមូលដ្ឋាន។

បក្ខជនប៉ុស្តិ៍ការពារព្រំដែនវិញហាយ សហការជាមួយកម្មាភិបាលភូមិ ចុះស្វែង
យល់ពីគោលបំណងរបស់ប្រជាជន។

តាមប្រសាសន៍វរសេនីយ៍ឯក ង្វៀងទ្រេវម៉េន លេខាគណៈកម្មាធិការបក្ស ស្នងការនយោបាយនៃកងទ័ពការពារព្រំដែនខេត្តសុកត្រាំង អនុវត្តសេចក្តីណែនាំលេខ ០៩-HD/BTCTU របស់គណៈចាត់តាំងនៃគណៈកម្មាធិការបក្សខេត្តសុកត្រាំង គណៈកម្មាធិការបក្ស បានចាត់កម្មាភិបាលបក្ខជនចំនួន ៤៥ នាក់ ចំណុះប៉ុស្តិ៍ការពារព្រំដែនចំនួន ៥ ចូលរួមប្រជុំជីវកិច្ចសាខាបក្សភូមិ និងអនុសង្កាត់; ចាត់បក្ខជន ៧៥ នាក់ មើលការខុសត្រូវដល់ប្រជាជនចំនួន ៣២៤ គ្រួសារ នៅលើភូមិសាស្រ្តកងទ័ពឈរជើង។ ឆ្លងតាមរយៈនោះ បក្ខជនគ្រប់រូបបានជួយគ្នាទៅវិញទៅមកក្នុងការផ្តល់ព័ត៌មានគ្រប់ជ្រុងជ្រោយអំពីស្ថានភាពនៅតំបន់ព្រំដែនសមុទ្រ និងមានវិធានការជាច្រើន ដើម្បីអភិវឌ្ឍសេដ្ឋកិច្ច-សង្គម កាត់បន្ថយភាពក្រីក្រជូនជនរួមជាតិខ្មែរ ម្ល៉ោះហើយបានរដ្ឋអំណាចវាយតម្លៃខ្ពស់។

វរសេនីយ៍ទោង្វៀងភីហា កងចលនាមហាជនប៉ុស្តិ៍ការពារព្រំដែនវិញចូវ
ចុះពិនិត្យមើលទម្រង់ចិញ្ចឹមគោរបស់គ្រួសារដែលបានជំនួយ។

ដោយបានចាត់មកប្រជុំជីវកិច្ចសាខាបក្សនៅអនុសង្កាត់កាឡាំងអាបៀង សង្កាត់ ២ ទីរួមខេត្តវិញចូវ វរសេនីយ៍ទោង្វៀងភីហា កងចលនាមហាជននៃប៉ុស្តិ៍ការពារព្រំដែនវិញចូវ មានការយល់ច្បាស់ពីភូមិសាស្រ្តដែលខ្លួនទទួលបន្ទុក។ អាស្រ័យហេតុនោះ បងភីហា បានជួយទាន់ពេលដល់ប្រជាជនចំនួន ៤ គ្រួសារ ជម្នះនូវការលំបាក លំនឹងចិត្តបង្កបង្កើនផល។ បងភីហា ឱ្យដឹង៖ “ការប្រជុំជីវកិច្ចរួមគ្នានៅសាខាបក្សអនុសង្កាត់ ជួយដល់ខ្ញុំសហការបានទាន់ពេល និងដោះដូរព័ត៌មានភ្លាមៗ ដើម្បីដោះស្រាយបញ្ហាដែលកើតឡើងនៅលើភូមិសាស្រ្ត ក៏ដូចជាការឃោសនា ចលនាប្រជាជនសកម្មចូលរួមចលនា “ទូទាំងប្រជាជនចូលរួមការពារអធិបតេយ្យ បូរណភាពទឹកដី និងសន្តិសុខព្រំដែនជាតិក្នុងស្ថានភាពថ្មី”។

ប៉ុស្តិ៍ការពារព្រំដែនវិញហាយ បានចាត់បក្ខជន ១៧ រូប ចុះប្រជុំជីវកិច្ចបក្សនៅភូមិចំនួន ១៧ ចំណុះឃុំវិញហាយ និងឃុំឡាកហ្វា។ បក្ខជនដែលប្រជុំជីវកិច្ចនៅតាមអនុសង្កាត់និងភូមិនានា តែងរក្សាខ្ជាប់សីលធម៌ ផ្នត់រស់នៅថ្លៃថ្នូរ សកម្មចូលរួមមតិយោបល់ រួមចំណែកលើកកម្ពស់សមត្ថភាពដឹកនាំ កម្លាំងតស៊ូរបស់សាខាបក្ស ពង្រឹងចំណងទំនាក់ទំនងជិតស្និទ្ធជាមួយរដ្ឋអំណាចមូលដ្ឋាននិងប្រជាជន។ លោកវរសេនីយ៍ត្រី ង្វៀងហុងអាញ ស្នងការនយោបាយរងប៉ុស្តិ៍ការពារព្រំដែនវិញហាយ ឲ្យដឹង បក្ខជនមកប្រជុំជីវកិច្ចនៅសាខាបក្សភូមិ បានពង្រីកល្អនូវតួនាទីរបស់ខ្លួនក្នុងការក្តាប់ស្ថានការណ៍លើវិស័យជនជាតិ សាសនា សន្តិសុខនយោបាយ សុវត្ថិភាពសង្គម និងជីវភាពប្រជាជន។ ផ្តើមពីនោះ ស្នើទាន់ពេលដល់រដ្ឋអំណាចមូលដ្ឋាន ឬធ្វើសេនាធិការជូនគណៈបញ្ជាការប៉ុស្តិ៍ការពារព្រំដែន ដើម្បីកសាងទម្រង់ជួយប្រជាជនប្រកបដោយប្រសិទ្ធភាព៕

លីធាន-ត្រឹងហ្គោន

ចែករំលែកអត្ថបទ

ពាក្យគន្លឹះ