សុខភាព - អប់រំ អប់រំ

02/05/2022 - 12:39

ទម្រង់ល្អគប្បីពង្រីក

ជាមួយគោលដៅជួយសិស្សមិនប្រព្រឹត្តល្មើសច្បាប់បាបគ្រោះសង្គម រងការរំលោភបំពាន យកចិត្តទុកដាក់រៀនសូត្រ អនុវិទ្យាល័យង៉ោក្វឹកទ្រី នៅទីប្រជុំជនណាងម៉ាវ ស្រុកវីធ្វី (ហូវយ៉ាង) បានសហការជាមួយនឹងផ្នែកសមត្ថកិច្ច កសាងទម្រង់ “ ៣បង្ការ ៣សកម្ម” ជំហានដំបូងនាំមកនូវប្រសិទ្ធភាពជាច្រើន។

គ្រូបង្រៀនប្រចាំថ្នាក់ ផ្សព្វផ្សាយខ្លឹមសារអនុវត្តទម្រង់ដល់សិស្ស។

ទម្រង់បានបង្កើតនៅខែកញ្ញា ឆ្នាំ២០២១។ ក្នុងនោះ “៣បង្ការ” រួមមាន៖ បង្ការទប់ស្កាត់សិស្សសាលាប្រព្រឹត្តល្មើសច្បាប់ បង្ការការរំលោភបំពាន និងបង្ការការចូលអីុនធឺណិតក្រៅផ្លូវការ។ ៣សកម្ម រួមមាន ៖ សកម្មគ្រប់គ្រង សកម្មអប់រំ និងសកម្មលត់ដំកាយសម្បទា បំណិនជីវិតដល់សិស្សសាលា។

ចំពោះ” ៣ បង្ការ” សាលាតែងផ្សព្វផ្សាយដល់សិស្សនូវបទប្បញ្ញត្តិច្បាប់ ដូចជា៖ ច្បាប់ចរាចរណ៍ផ្លូវគោកអំពីការបង្ការប្រឆាំងអំពើហិង្សាក្នុងសាលារៀន។ ម្យ៉ាងទៀត ផ្សព្វផ្សាយ ក្រើនរំឭកសិស្សមិនសេពគប់នឹងជនអាក្រក់ ដើម្បីចៀសវាងការអូសទាញ លួងលោមប្រព្រឹត្តបាបគ្រោះសង្គម ក៏ដូចជាឧបាយកលរបស់ឧក្រិដ្ឋជនរំលោភបំពានលើកុមារ និងវិធានការបង្ការទប់ស្កាត់; មិនលេងហ្គេម ឬចូលរួមធ្វើអត្ថាធិប្បាយលើបណ្តាញសង្គម Zalo, Facebook ។ល។ បំផុតគឺខ្លឹមសារដែលមិនល្អ។ ចំពោះខ្លឹមសារ ” ៣ សកម្ម” សាលាតែងសហការជាមួយនឹងអាណាព្យាបាលសិស្ស ផ្នែកសមត្ថកិច្ច ភូមិភាគគ្រប់គ្រងការរៀនសូត្រ ការគោរពច្បាប់របស់សិស្សពីផ្ទះទៅសាលា និងពីសាលាមកផ្ទះ; អប់រំ ណែនាំបំណិនជីវិត ដូចជា៖ របៀបទំនាក់ទំនងជាមួយមិត្តភ័ក្តិ មនុស្សចាស់; ការទប់អារម្មណ៍ បង្ការទប់ស្កាត់ការធ្លាក់ទឹកចិត្ត; ពង្រីកទេពកោសល្យសិល្បៈ កីឡាអប់រំកាយជាដើម។

សាលាបានផ្សព្វផ្សាយឱ្យសិស្សគ្រប់រូប ចុះឈ្មោះអនុវត្តខ្លឹមសារ “ ៣ បង្ការ ៣ សកម្ម” យ៉ាងហ្មត់ចត់។ រៀងរាល់សប្តាហ៍ គ្រូប្រចាំថ្នាក់បានផ្សព្វផ្សាយដល់សិស្សអំពីខ្លឹមសារនេះក្នុងពេលប្រជុំថ្នាក់រៀន។ សាលាក៏ផ្គួបបញ្ចូលការផ្សព្វផ្សាយ ឆ្លងតាមរយៈការប្រជុំសម្ព័ន្ធយុវជន ក្រុមនិងបង្កទីលានកម្សាន្តដល់ប្អូនៗ ដូច៖ រៀបចំសកម្មក្រៅសាលា ពិធីប្រឡង។ល។ រៀងរាល់ខែ សាលានៅទាំងសហការជាមួយនឹងគណៈ ផ្នែក ភូមិភាគ ប្រជុំពិនិត្យជម្រើស វាយតម្លៃការអនុវត្តរបស់ប្អូនៗ ដើម្បីមានវិធានការកែ តម្រូវប្រសិនបើលទ្ធផលមិនទាន់បានល្អ; សហការជាមួយនឹងនគរបាលទីប្រជុំជនណាងម៉ាវ ចុះបញ្ជីរាយនាមសិស្សមានចរិតចម្លែក ដើម្បីអប់រំផ្សព្វផ្សាយផ្ទាល់និងពិនិត្យតាមដានការអនុវត្តរបស់ប្អូនៗនៅភូមិភាគ។

“ពិនិត្យជារួម ចាប់ពីការផ្សព្វផ្សាយ អនុវត្តទម្រង់ “ ៣ បង្ការ ៣សកម្ម” មកទល់ពេលនេះ យើងខ្ញុំមិនទាន់ប្រទះឃើញនិងទទួលបានការប្រតិកម្មពីសិស្សសាលាប្រព្រឹត្តល្មើសច្បាប់ បាបគ្រោះសង្គម រងការរំលោភបំពានណាមួយឡើយ” លោកគ្រូហ្វិញថាញ់វ៉ នាយកអនុវិទ្យាល័យង៉ោក្វឹកទ្រី បានឱ្យដឹងដូច្នេះ។

ប្អូនហ្វិញឡេយ៉ាហឹង សិស្សថ្នាក់ទី ៨A១ អនុវិទ្យាល័យង៉ោក្វឹកទ្រី ឱ្យដឹង៖ “ពួកប្អូនស្ថិតក្នុងវ័យវឌ្ឍនាការ មានពេលខ្លះមិនទាន់កៀកជិត យល់ច្បាស់នូវសេចក្តីកំណត់របស់ច្បាប់។ ប៉ុន្តែឆ្លងតាមរយៈទម្រង់នេះ បានជួយឱ្យពួកប្អូនបានដឹងនូវទង្វើណាគួរធ្វើ និងទង្វើណាមិនគួរធ្វើ”។ ប្អូនវ៉ញ៉ឹកខាញ់ប៊ិញ សិស្សថ្នាក់ទី ៨A១ អនុវិទ្យាល័យង៉ោក្វឹកទ្រី បង្ហើបឱ្យដឹង៖ “ទម្រង់បានជួយបំប៉នឱ្យសិស្សស្រីៗដូចពួកប្អូនមានចំណេះដឹងការពារខ្លួន ចៀសវាងរងការរំលោភបំពាន។ ក្រៅពីនោះ ជួយឱ្យពួកប្អូននឹងនរចិត្ត រៀនសូត្រ អនុវត្តល្អនូវសេចក្តីកំណត់របស់ច្បាប់ និងលក្ខន្តិកៈរបស់សាលា”។

អនុសេនីយ៍ឯក វ៉ថាញ់ធី កម្មាភិបាលនគរបាលទីប្រជុំជនណាងម៉ាវ ឱ្យដឹង៖ “ផ្តើមពីប្រសិទ្ធភាពដំបូងរបស់ទម្រង់នេះ យើងខ្ញុំនឹងធ្វើសេនាធិការជូនថ្នាក់ដឹកនាំនគរបាលទីប្រជុំជន គណៈកម្មាធិការបក្ស រដ្ឋអំណាចភូមិភាគ ដើម្បីពង្រឹង លើកកម្ពស់គុណភាពសកម្មភាពមួយចំនួនរបស់ទម្រង់។ ជាក់ស្តែងដូចជាឃោសនា ផ្សព្វផ្សាយបន្ថែមនូវទិសស្លោកមួយចំនួនក្នុងការអនុវត្តទម្រង់នៅសាលារៀន ញុាំងឱ្យសកម្មភាពសម្រេចបានប្រសិទ្ធភាពកាន់តែខ្ពស់ជាងទៀត”៕

យោង៖ កាសែតហូវយ៉ាង-វិមាន

ចែករំលែកអត្ថបទ

ពាក្យគន្លឹះ