ព្រឹត្តិការណ៍ - នយោបាយ ព្រឹត្តិការណ៍

18/04/2022 - 14:52

រដ្ឋាភិបាលប្រកាសឱ្យប្រើសេចក្តីសម្រេច អំពីកម្មវិធីបង្ការ ប្រឆាំងជំងឺ COVID-១៩

ឧបនាយករដ្ឋមន្ត្រីនៃរដ្ឋាភិបាល វ៉ូវឌឹកដាម ទើបចុះហត្ថលេខាប្រកាសឱ្យប្រើសេចក្តីសម្រេចលេខ ៣៨/NQ-CP ប្រកាសឱ្យប្រើកម្មវិធីបង្ការប្រឆាំងជំងឺ COVID-១៩។

យកសំណាកធ្វើតេស្ត SARS-CoV-២។ រូប៖ ថាញ់ឡុង

ទិសដៅរួមរបស់កម្មវិធីគឺ៖ ធានាគ្រប់គ្រងជំងឺរាតត្បាតមានប្រសិទ្ធភាព គ្រប់គ្រងល្បឿនឆ្លងរាលដាលក្នុងសហគមន៍ ធានាសុខភាព អាយុជីវិតរបស់ប្រជាជនឱ្យនៅកម្រិតខ្ពស់បំផុត កាត់បន្ថយឱ្យនៅកម្រិតទាបបំផុតករណីធ្ងន់ បាត់បង់ជីវិតដោយសារជំងឺ COVID-១៩; ស្តារនិងអភិវឌ្ឍសេដ្ឋកិច្ច-សង្គម។

អំពីទិសដៅជាក់ស្តែង៖ ធានាសម្រេចអត្រាគ្របដណ្តប់វ៉ាក់សាំងបង្ការជំងឺ COVID-១៩ រហូតដល់អស់ត្រៃមាសទីI ឆ្នាំ ២០២២ សម្រេចជាស្ថាពរការចាក់វ៉ាក់សាំងដូសទី ២ ជូនប្រជាជនដែលមានអាយុពី ១២ ឆ្នាំរហូតដល់អាយុក្រោយ ១៨ ឆ្នាំ និងចាក់វ៉ាក់សាំងដូសទី ៣ ជូនអ្នកមានអាយុពី ១៨ ឆ្នាំឡើងទៅ ខណៈពេលមានកាលបរិច្ឆេទចាក់ វៀរលែងតែមុខសញ្ញាទទួលការណែនាំមុននឹងចាក់; ធានាមានវ៉ាក់សាំងគ្រប់គ្រាន់ និងសម្រេចការចាក់វ៉ាក់សាំងដល់កុមារមានអាយុពី ៥ ឆ្នាំរហូតដល់អាយុក្រោម ១២ ឆ្នាំ មុនខែកញ្ញា ឆ្នាំ ២០២២ នេះ។

អំពីគ្រប់គ្រងការឆ្លងរាលដាលនៃជំងឺ COVID-១៩ រដ្ឋអំណាចគ្រប់លំដាប់ថ្នាក់មានវិធានការបង្ការប្រឆាំងជំងឺ COVID-១៩; ប្រជាជនគ្រប់រូបគោរពនូវវិធានការបង្ការប្រឆាំងជំងឺរាតត្បាតឱ្យបានសមស្រប។ ស្ថាប័ន អង្គការ អាជីវកម្មទាំងអស់អនុវត្តការវាយតម្លៃហានិភ័យនៃជំងឺរាតត្បាតនិងធ្វើបច្ចុប្បន្នភាព រាយការណ៍លទ្ធផលវាយតម្លៃ។ ទន្ទឹមនឹងនោះ មានយុទ្ធសាស្រ្តឃ្លាំមើល ប្រទះឃើញនូវករណីឆ្លង SARS-CoV-២ ដោយរវៀសរវៃ សមស្របជាមួយនឹងស្ថានភាពជំងឺរាតត្បាតក្នុងដំណាក់កាលនីមួយៗ; កាត់បន្ថយអត្រាបាត់បង់ជីវិតដោយសារជំងឺ COVID- ១៩ ជាង ១ លាននាក់ឱ្យចុះនៅកម្រិតទាបជាងមធ្យមភាគរបស់អាស៊ី។

ទិសដៅកម្មវិធីក៏ដើម្បីលើកកម្ពស់សមត្ថភាពប្រព័ន្ធសុខាភិបាល ពិសេសគឺសុខាភិបាលបង្ការ និងសុខាភិបាលមូលដ្ឋាន; បង្កើនការវិនិយោគបំពាក់បរិក្ខារពេទ្យមូលដ្ឋាន មានរបបគោលនយោបាយអនុគ្រោះសមស្របជាមួយនឹងអ្នកបំពេញការងារសុខាភិបាលបង្ការ សុខាភិបាលមូលដ្ឋាន; បង្កើនគុណភាព សង្គ្រោះបន្ទាន់ និងប្រពោធកម្ម សកម្មនៅតាមគ្រឹះស្ថានពិនិត្យព្យាបាលជំងឺគ្រប់កម្រិត។ មុខសញ្ញាដែលងាយរងផលប៉ះពាល់ទាំងអស់ដូចជា មនុស្សចាស់ អ្នកមានជំងឺប្រចាំកាយ ជនពិការ ស្រ្តីមានផ្ទៃពោះ មនុស្សគ្មានទីពឹង កុមារកំព្រា ជនរួមជាតិភាគតិច ក្រុមពលកម្មចំណាកស្រុកនៅតាមទីក្រុង។ល។ សុទ្ធសឹងត្រូវបានធានាកៀកជិតនឹងសេវាកម្មសុខាភិបាល។

កម្មវិធីបង្ការប្រឆាំងជំងឺ COVID-១៩ ត្រូវបានអនុវត្តក្នុងរយៈពេល ២ ឆ្នាំ គឺឆ្នាំ ២០២២-២០២៣។ ក្នុងករណីជំងឺរាតត្បាត បញ្ចប់មុនឬអូសបន្លាយដល់ឆ្នាំ ២០២៤ ក្រសួងសុខាភិបាលធ្វើរបាយការណ៍លើកជូនរដ្ឋាភិបាល ពិនិត្យផ្ទៀងផ្ទាត់ការបន្តអនុវត្តកម្មវិធីនេះ ឬកែប្រែបំពេញបន្ថែមឱ្យបានទាន់ពេល សមស្របជាមួយនឹងស្ថានភាពជំងឺរាតត្បាត៕

យោង៖ TTXVN-វិមាន

ចែករំលែកអត្ថបទ

ពាក្យគន្លឹះ