គោលជំហរថ្មី ការប្ដេជ្ញាចិត្តខ្ពស់ !
កាលពីថ្ងៃទី ១៨/១១/២០១៩ រដ្ឋសភាដាក់ឱ្យប្រើសេចក្ដីសម្រេចលេខ ៨៨/២០១៩/QH14 ផ្ដល់សច្ចាប័នលើគម្រោងរួមអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០។ ថ្ងៃទី ១៤/១០/២០២១ នាយករដ្ឋមន្រ្តីនៃរដ្ឋាភិបាល ផ្ដល់សច្ចាប័នលើកម្មវិធីទិសដៅជាតិ អភិវឌ្ឍន៍សេដ្ឋកិច្ច-សង្គមនៅតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០។ ដំណាក់កាលទី ១ ចាប់ពីឆ្នាំ ២០២១ ដល់ឆ្នាំ ២០២៥ លើសេចក្ដីសម្រេចលេខ ១៧១៩/QĐ-TTg (សេចក្ដីសម្រេច ១៧១៩) ។ ផ្ដើមពីសេចក្ដីសម្រេចនៃគោលនយោបាយដ៏សំខាន់នេះ ភូមិភាគនៅតំបន់វាលរាបទន្លេគឺវឡុង និងទូទាំងប្រទេសបាននិងកំពុងផ្សព្វផ្សាយអនុវត្តជាមួយគោលជំហរថ្មី ការប្ដេជ្ញាចិត្តខ្ពស់ ដើម្បីតំបន់ជនរួមជាតិភាគតិច អភិវឌ្ឍន៍គ្រប់ជ្រុងជ្រោយ ឆាប់រហ័សនិងចីរភាព។
តំបន់ជនរួមជាតិភាគតិចនៅតំបន់វាលរាបទន្លេគឺវឡុង ក៏ដូចជាតំបន់នានាក្នុងទូទាំងប្រទេស បាននិងកំពុងផ្សព្វផ្សាយអនុវត្តកម្មវិធីជាមួយគោលជំហរថ្មី ការបេ្តជ្ញាចិត្តខ្ពស់។ រូបថត៖ ជ្រុងមួយនៃផ្លូវគមនាគមន៍ជនបទតំបន់ជនជាតិភាគតិចនៅស្រុកទិញបៀង ខេត្តអាងយ៉ាង។
បូកសរុបការអនុវត្តការងារជនជាតិ គោលនយោបាយជនជាតិឆ្នាំ ២០២១ លោកតាវវៀតថាំង នាយករងនៃនាយកដ្ឋានភូមិភាគ III ចំណុះគណៈកម្មាធិការជនជាតិ ធ្វើការសន្និដ្ឋាន៖ ទន្ទឹមនឹងការបូកសរុបនូវកម្មវិធី គោលនយោបាយជនជាតិជាច្រើនកំពុងអនុវត្តស្ថាប័នការងារជនជាតិថ្នាក់ខេត្ត ក្រុង តំបន់វាលរាបទន្លេគឺវឡុង បានធ្វើសេនាធិការជូនគណៈកម្មាធិការប្រជាជនភូមិភាគនានា ត្រៀមលក្ខណសម្បត្តិសម្រាប់បញ្ហាដែលជាប់ពាក់ព័ន្ធក្នុងការអនុវត្តកម្មវិធីទិសដៅជាតិ។ ក្នុងនោះ ផ្ដុំកម្លាំងកសាង ដាក់ចេញសេចក្ដីសម្រេចបង្កើតគណៈចង្អុលការ ផែនការអនុវត្ត ចាត់តាំងស្ថាប័នប្រចាំការ គណៈចង្អុលការ រាយការណ៍ត្រួតពិនិត្យ ស្រាវជ្រាវលទ្ធភាពដែលអាចធ្វើទៅបាន។ គ្រប់យ៉ាងត្រូវចូលរួមយ៉ាងពេញទំហឹងជាមួយស្មារតីទទួលខុសត្រូវខ្ពស់។ លោកម៉ែន ផល្លី ប្រធានគណៈជនជាតិខេត្តអាងយ៉ាង ចែករំលែក ចាប់តាំងពីផ្សព្វផ្សាយអនុវត្តគម្រោងនេះ ក្នុងកិច្ចពិភាក្សាជាច្រើនរបស់ប្រទេសជាតិ ថ្នាក់ដឹកនាំបក្ស រដ្ឋ បានយកចិត្តទុកដាក់ជាពិសេសដល់កម្មវិធីទិសដៅជាតិ។ ហើយនាយករដ្ឋមន្រ្តីនៃរដ្ឋាភិបាល ផាមមិញជិញ ធ្លាប់បានបញ្ជាក់ថា មួយក្នុងចំណោមវិធានការជាច្រើនក្នុងការអភិវឌ្ឍសេដ្ឋកិច្ច-សង្គមក្នុងឆ្នាំ ២០២២ និងឆ្នាំបន្តបន្ទាប់ នោះគឺជំរុញការផ្សព្វផ្សាយទាន់ពេលប្រកបដោយប្រសិទ្ធភាពនូវកម្មវិធីទិសដៅជាតិចំនួន ៣ ក្នុងនោះ មានកម្មវិធិទិសដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០។ ប្រការនេះ បាននិងកំពុងផ្ដល់ឱកាសយ៉ាងធំដល់ជនរួមជាតិភាគតិចនៅវាលរាបទន្លេគឺវឡុង ក៏ដូចជាទូទាំងប្រទេសអភិវឌ្ឍន៍ឈានឡើង។
(1).jpg "វេទិកាគោលនយោបាយជនជាតិ")
ទម្រង់ដាំត្រសក់ផ្អែមក្នុងរោងសំណាញ់នៅឃុំលឿងហ្វា A ស្រុកចូវថាញ់
ខេត្តត្រាវិញ។ រូបថត៖ ម៉ាល័យ
នៅចាំបានថា ឈានចូលឆ្នាំថ្មី ២០២២ ជនរួមជាតិជាជនជាតិភាគតិច ទទួលបានដំណឹងល្អ។ នោះគឺ នាយករដ្ឋមន្រ្តីនៃរដ្ឋាភិបាល បានចុះហត្ថលេខាអនុញ្ញាតឱ្យប្រើសេចក្ដីសម្រេចលេខ ១៧១៩។ សេចក្ដីសម្រេចនេះបានចែងយ៉ាងច្បាស់នូវកម្មវិធីទិសដៅជាតិរួមមាន គម្រោងសមាសភាគចំនួន ១០។ ទិសដៅជាក់ស្ដែងដល់ឆ្នាំ ២០២៥ ខិតខំប្រឹងប្រែង ដើម្បីកម្រិតចំណូលជាមធ្យមរបស់ជនជាតិភាគតិច កើនឡើងទ្វេដងបើធៀបនឹងឆ្នាំ ២០២០ ។ អត្រាគ្រួសារក្រីក្រក្នុងជនរួមជាតិភាគតិច រៀងរាល់ឆ្នាំថយចុះជាង ៣%; ខិតខំប្រឹងប្រែងមានឃុំ ភូមិ ៥០% បានចាកចេញពីភូមិសាស្រ្តលំបាកខ្លាំង។ នេះចាត់ទុកជាដំណឹងល្អមួយ ព្រោះថា កម្មវិធីទិសដៅជាតិដំណាក់កាលនេះ មានការប្ដូរផ្លាស់បើធៀបនឹងការផ្សព្វផ្សាយអនុវត្តនូវគោលនយោបាយជនជាតិមុននេះ។ នោះគឺ កម្មវិធីវិនិយោគមានចំណុចសំខាន់ៗនិងចីរភាព ផ្ដោតទៅលើឃុំ ភូមិដែលលំបាកខ្លាំង ដោះស្រាយបញ្ហាដែលបន្ទាន់ ចាំបាច់បំផុត អាទិភាពជំនួយដល់គ្រួសារក្រីក្រ ក្រុមជនជាតិភាគតិចដែលលំបាកបំផុត។ ការកសាង រៀបចំអនុវត្តកម្មវិធី ត្រូវផ្ដោតទៅតាមទិសដៅ សមស្របជាមួយលក្ខណសម្បត្តិ លក្ខណពិសេស សក្ដានុពល ឧត្តមភាព អត្តសញ្ញាណវប្បធម៌ ទំនៀមទម្លាប់ដ៏ល្អរបស់ជនជាតិនីមួយៗ តំបន់នីមួយៗ ផ្សារភ្ជាប់ជាមួយនឹងការពង្រឹងការការពារប្រទេសសន្តិសុខ។ មិនត្រឹមតែប៉ុណ្ណោះ កម្មវិធីទិសដៅជាតិក្នុងដំណាក់កាលនេះ ត្រូវបានកសាងផ្អែកលើមូលដ្ឋានផ្គួបបញ្ចូលគោលនយោបាយដោយឡែក សម្រាប់ជនរួមជាតិភាគតិចជាច្រើនឆ្នាំមកនេះ។ ចំណុចសំខាន់ គឺផ្លាស់ប្ដូរបន្តិចម្ដងៗចាប់ពីគោលនយោបាយដែលមានលក្ខណៈជំនួយ ប្ដូរមកវិនិយោគអភិវឌ្ឍន៍ ផ្ដោតទៅលើភូមិសាស្រ្តដែលលំបាកខ្លាំងបំផុត។ គម្រោង អនុគម្រោងសមាសភាគនៃកម្មវិធីសុទ្ធតែមានលក្ខណៈចងសម្ព័ន្ធ តភ្ជាប់យ៉ាងហ្មត់ចត់ ដោយមានទិសដៅច្បាស់លាស់ក្នុងការបង្កើតមុខរបរចិញ្ចឹមជីវិត បង្កើតការងារធ្វើ បង្កើនប្រាក់ចំណូលលំនឹងដល់ជនរួមជាតិភាគតិច។
ដើម្បីផ្សព្វផ្សាយកម្មវិធីទិសដៅជាតិប្រកបដោយប្រសិទ្ធភាព មានការណែនាំជាហូរហែ តាំងពីមជ្ឈិមដល់មូលដ្ឋាន ហើយត្រូវបានកសាងនិងដាក់ឱ្យប្រើប្រាស់។ មានរបៀប វារៈធ្វើការជាច្រើន និងការចុះហត្ថលេខាលើកម្មវិធីសហការជាច្រើន រវាងគណៈកម្មាធិការជនជាតិជាមួយនឹងក្រសួង ស្ថាប័ន ត្រូវបានផ្សព្វផ្សាយអនុវត្តយ៉ាងត្រឹមត្រូវ ច្បាស់លាស់។ ហើយជាដំបូងបង្អស់ ជាមួយនឹងការចាប់ផ្ដើមក្នុងគោលជំហរថ្មី ការប្ដេជ្ញាចិត្តខ្ពស់នៃទូទាំងប្រព័ន្ធនយោបាយ ការឯកភាពរបស់ប្រជាជន ពិសេសគឺជនរួមជាតិភាគតិច កម្មវិធីទិសដៅជាតិបាននិងកំពុងទន្ទឹងរង់ចាំ ឆាប់ពង្រីកប្រសិទ្ធភាពជាក់ស្ដែង ដើម្បីជីវភាពជនរួមជាតិភាគតិច កាន់តែសម្បូរសប្បាយ សុខដុមរមនា និងរុងរឿងពីមួយថ្ងៃទៅមួយថ្ងៃ។
កម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០ (កម្មវិធី) ត្រូវបានរំពឹងថា ជាសេចក្ដីសម្រេចគោលនយោបាយ អភិវឌ្ឍន៍គ្រប់ជ្រុងជ្រោយនៅតំបន់ជនរួមជាតិភាគតិច។ ដកស្រង់ផ្ដើមពីភាពជាក់ស្ដែងផ្សព្វផ្សាយអនុវត្តកម្មវិធី គោលនយោបាយជនជាតិរយ:ពេលកន្លង ភូមិភាគជាច្រើនបានសម្ដែងនូវការរំពឹងទុក ក៏ដូចជាដើម្បីសម្រេចបានរាល់សំណើសម្រាប់កម្មវិធី ពិសេសគឺដំណាក់កាលទី១: ២០២១-២០២៥ មានលក្ខណៈអាចធ្វើទៅបាន សម្រេចបានប្រសិទ្ធភាពខ្ពស់ បន្ទាប់ពីពេលចាប់ផ្ដើមផ្សព្វផ្សាយអនុវត្តន៍។
ដើម្បីសេចក្ដីសម្រេចនៃគោលនយោបាយ អភិវឌ្ឍន៍គ្រប់ជ្រុងជ្រោយ ឆាប់រហ័សនិងចីរភាពនៅតំបន់ជនរួមជាតិភាគតិច ឆាប់បានស៊ីជម្រៅទៅក្នុងជីវភាព
លោក ចៅអាន អនុប្រធានគណៈជនជាតិខេត្តអាងយ៉ាង៖
គប្បីអនុវត្តកម្មវិធីមានចំណុចស្នូលសំខាន់ៗ ប្រសិទ្ធភាព និងចីរភាព
 |
ដើម្បីអនុវត្តន៍កម្មវិធីដំណាក់កាលទី១: ចាប់ពីឆ្នាំ ២០២១ ដល់ឆ្នាំ ២០២៥ គ្រប់ថ្នាក់ គ្រប់ផ្នែក បន្តលើកកម្ពស់ការយល់ដឹង ជ្រួតជ្រាបស៊ីជម្រៅគោលមាគ៌ារបស់បក្ស គោលនយោបាយច្បាប់របស់រដ្ឋ ស្ដីពីការងារជនជាតិ។ កំណត់ច្បាស់នេះគឺជាភារកិច្ចទូទាំងប្រព័ន្ធនយោបាយ ម្ល៉ោះហើយភូមិភាគនានា គប្បីម្ចាស់ការកសាងកម្មវិធី ផែនការនិងរៀបចំអនុវត្តតាមការបែងកម្រិតអភិបាលកិច្ច។ ទន្ទឹមនឹងនោះ បង្កើនការទទួលខុសត្រូវនិងលើកកម្ពស់ប្រសិទ្ធភាព លទ្ធផលអភិបាលកិច្ចនៃការងារជនជាតិ។ គ្រប់ថ្នាក់ គ្រប់ផ្នែក សហការដំណើរការបានល្អនូវការអនុវត្ត គម្រោងសមាសភាគនៃកម្មវិធី តាមសេចក្ដីសម្រេចលេខ ១៧១៩/QĐ-TTg ចុះថ្ងៃទី ១៤/១០/២០២១ របស់នាយករដ្ឋមន្រ្តីនៃរដ្ឋាភិបាល ផ្ដល់សច្ចាប័នលើកម្មវិធី។
ក្រៅពីនោះ គ្រប់ថ្នាក់ គ្រប់ផ្នែកគប្បីអនុវត្តកម្មវិធីមានចំណុចស្នូលសំខាន់ៗ ប្រសិទ្ធភាពនិងចីរភាព ផ្ដោតសំខាន់ទៅលើឃុំ ភូមិលំបាកខ្លាំងបំផុត តំបន់ជនរួមជាតិភាគតិច។ ដោះស្រាយបញ្ហាដែលបន្ទាន់ ចាំបាច់បំផុត; អាទិភាពជំនួយដល់គ្រួសារក្រីក្រ ក្រុមជនជាតិភាគតិចក្រីក្របំផុត។ ធានាលក្ខណៈបើកចំហប្រជាធិបតេយ្យ ពង្រីកសិទ្ធិធ្វើម្ចាស់ និងការរួមចំណែកយ៉ាងសកម្ម ភាពម្ចាស់ការរបស់សហគមន៍និងប្រជាជន; ពង្រីកស្មារតីខិតខំប្រឹងប្រែង ឈានឡើងរបស់ជនរួមជាតិភាគតិច។ ប្រើប្រាស់ប្រភពទុនចំគោលដៅ ប្រសិទ្ធភាព។ បង្កើនការងារឃោសនា ចលនា ផ្សព្វផ្សាយអប់រំច្បាប់នៅតំបន់ជនរួមជាតិភាគតិច ដើម្បីធ្វើឱ្យមានការផ្លាស់ប្ដូរទស្សនៈ លុបបំបាត់នូវទម្លាប់ឱនថយ ពង្រីកល្អស្មារតីខិតខំប្រឹងប្រែង ឈានឡើងរបស់ជនរួមជាតិភាគតិច។ ក្រៅពីនោះ ខេត្តនឹងផ្ដុំកម្លាំងផ្គួបបញ្ចូលនូវយន្តការគោលនយោបាយ សំដៅគួបផ្សំ ផ្ដុំកម្លាំងវិនិយោគ ធានាភាពជាក់ស្ដែងនិងប្រសិទ្ធភាព។ ជំរុញរចនាសម្ព័ន្ធខឿនសេដ្ឋកិច្ច ផ្សារភ្ជាប់ជាមួយនឹងការផ្លាស់ថ្មីទម្រង់កំណើនទាញយកសក្តានុពល ឧត្តមភាព ផ្លាស់ប្ដូរ ពូជដំណាំ សត្វចិញ្ចឹម មានប្រសិទ្ធភាពសេដ្ឋកិច្ចខ្ពស់ ជំរុញអភិវឌ្ឍន៍សេដ្ឋកិច្ច-សង្គម លើកកម្ពស់ជីវភាពសម្ភារៈនិងស្មារតីដល់ប្រជាជន។
លោក ត្រឹងហ្វាងញ៉ ប្រធានគណៈជនជាតិខេត្តកាម៉ាវ៖
គប្បីឆាប់ដាក់ចេញសេចក្ដីណែនាំអនុវត្តចំពោះគម្រោង អនុគម្រោងសមាសភាគចំណុះកម្មវិធី
 |
ឆ្នាំ ២០២២ ការប្រែប្រួលយ៉ាងស្មុគស្មាញនៃជំងឺ COVID-19 ប្រាកដជាបន្តបង្កផលប៉ះពាល់អវិជ្ជមានចំពោះភូមិភាគតំបន់ជនជាតិភាគតិច ជះឥទ្ធិពលគួរសមដល់ដំណើរការផលិតកម្ម ធ្វើអាជីវកម្មនិងជីវភាពប្រជាជន បំផុតគឺជនរួមជាតិភាគតិច។ ចំពោះការងារជនជាតិលើភូមិសាស្រ្ត ខេត្តកាម៉ាវបានផ្ដោតលើចំណុចសំខាន់ៗក្នុងការផ្សព្វផ្សាយអនុវត្តសម្រេចទិសដៅនៃភាគកម្រិតភារកិច្ចរបស់កម្មវិធី គោលនយោបាយជនជាតិត្រូវបានគួបផ្សំក្នុង “គម្រោងរួមអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០” ។ ជាក់ស្ដែង គឺផ្សព្វផ្សាយអនុវត្តប្រកបដោយប្រសិទ្ធភាព ចំពោះគម្រោងសមាសភាគចំនួន ១០ ចំណុះកម្មវិធី; ដំណាក់កាលទី ១: ចាប់ពីឆ្នាំ ២០២១ ដល់ឆ្នាំ២០២៥។
ក្នុងលក្ខណៈដែលថវិកាខេត្តកាម៉ាវនៅជួបការលំបាកច្រើន ស្នើគណៈកម្មាធិការជនជាតិ បូកសរុបធ្វើសេនាធិការជូននាយករដ្ឋមន្ត្រីនៃរដ្ឋាភិបាល អនុញ្ញាតអូសបន្លាយពេលវេលាចំពោះរបបគោលនយោបាយដែលមជ្ឈិមដាក់ចេញជាធរមាន (ពិសេសគឺគោលនយោបាយជំនួយធានារ៉ាប់រងសុខាភិបាល)។ ទន្ទឹមនឹងនោះ សហការជាមួយក្រសួង ផ្នែកមជ្ឈិមដែលបានប្រគល់ឱ្យ ទទួលខុសត្រូវ គ្រប់គ្រងមានឯកសារណែនាំ ច្បាស់លាស់ចំពោះខ្លឹមសារនៃរបបគោលនយោបាយជាធរមាន ដើម្បីធ្វើជាមូលដ្ឋានចង្អុលការដល់ភូមិភាគនានារៀបចំអនុវត្តឱ្យឯកភាព។ សំណូមពរ គណៈកម្មាធិការជនជាតិ និងក្រសួង ស្ថាប័នមជ្ឈិមឆាប់ដាក់ចេញសេចក្ដីណែនាំអនុវត្តចំពោះគម្រោង អនុគម្រោងសមាសភាគចំណុះកម្មវិធី។ ដំណាក់កាលទី១: ចាប់ពីឆ្នាំ ២០២១ ដល់ឆ្នាំ ២០២៥ តាមការប្រគល់ភារៈរបស់នាយករដ្ឋមន្រ្តី នៅត្រង់សេចក្ដីសម្រេច ១៧១៩/QĐ-TTg ចុះថ្ងៃទី ១៤/១០/២០២១ ។ ទន្ទឹមនឹងនោះ ឆាប់ធ្វើសេនាធិការបែងចែកថវិកាជំនួយរបស់ថវិកាមជ្ឈិម ដើម្បីភូមិភាគនានាគ្រប់លក្ខណសម្បត្តិផ្សព្វផ្សាយអនុវត្តកម្មវិធីតាមការកំណត់។
ជីវភាពតំបន់ជនរួមជាតិខ្មែរនៅឃុំខាញ់ប៊ិញ ស្រុកត្រឹងវ៉ាន់ថើយ ខេត្តកាម៉ាវ មានភាពប្រសើរពីមួយថ្ងៃទៅមួយថ្ងៃ។
លោក យ័ញភុក ប្រធានគណៈជនជាតិខេត្តគៀងយ៉ាង៖
ទាញយកសក្តានុភាពនិងឧត្តមភាពរបស់ភូមិភាគ ដើម្បីអភិវឌ្ឍសេដ្ឋកិច្ចតំបន់ជនជាតិ
 |
អនុវត្តផែនការនៃការអនុវត្តកម្មវិធី ខេត្តគៀងយ៉ាង ផ្តុំកម្លាំងទាញយកសក្តានុភាពនិងឧត្តមភាពរបស់ភូមិភាគ ដើម្បីអភិវឌ្ឍសេដ្ឋកិច្ចតំបន់ជនជាតិ។ ដើម្បីអនុវត្តទិសដៅខាងលើ ខេត្តនឹងផ្សព្វផ្សាយគម្រោងនានា ដើម្បីដោះស្រាយស្ថានភាពកង្វះដីសង់ផ្ទះ ដីផលិតកម្ម ទឹកស្អាតប្រើប្រាស់; រៀបចំឡើងគម្រោងប្លង់និងលំនឹងតំបន់ប្រជាជនតាំងទីលំនៅនៅកន្លែងចាំបាច់; ពង្រីកការផលិតកសិកម្ម ពង្រីកសក្តានុភាពនិងឧត្តមភាពនៃតំបន់នីមួយៗ ផលិតមុខទំនិញទៅតាមខ្សែសង្វាក់តម្លៃ; វិនិយោគហេដ្ឋារចនាសម្ព័ន្ធសំខាន់ៗបម្រើការផលិត ជីវភាពនៅតំបន់ជនជាតិភាគតិច; អភិវឌ្ឍការអប់រំនិងបណ្តុះបណ្តាល លើកកម្ពស់ប្រភពធនធានមនុស្ស; អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់ជនជាតិភាគតិច ផ្សារភ្ជាប់ជាមួយការអភិវឌ្ឍទេសចរណ៍ ។ល។ ខិតខំដល់ឆ្នាំ ២០២៥ ប្រាក់ចំណូលមធ្យមភាគរបស់ជនជាតិភាគតិចនៅគៀងយ៉ាងកើនជាងទ្វេដង បើធៀបនឹងឆ្នាំ ២០២០; អត្រាគ្រួសារក្រីក្រក្នុងជនជាតិភាគតិចកាត់បន្ថយពី ១,៥-២% ក្នុងមួយឆ្នាំ; ខិតខំធ្វើយ៉ាងណាឃុំនៅតំបន់ជនជាតិភាគតិច ១០០% មានផ្លូវគមនាគមន៍ រថយន្តអាចបើកបរដល់មជ្ឈមណ្ឌលឃុំ និងផ្លូវតភ្ជាប់ឃុំ ត្រូវបានក្រាលកៅស៊ូឬចាក់បេតុង; កែលម្អហេដ្ឋារចនាសម្ព័ន្ធបច្ចេកទេស ហេដ្ឋារចនាសម្ព័ន្ធសង្គមនៅឃុំ ភូមិលំបាកខ្លាំងតំបន់ជនជាតិភាគតិច។ល។
រយៈពេលកន្លង បណ្តាគោលនយោបាយ វិនិយោគរបស់ខេត្តនិងមជ្ឈិម បានធ្វើឱ្យមុខមាត់តំបន់ជនបទ តំបន់មានជនជាតិភាគតិច រស់នៅកុះករមានភាពល្អប្រសើរ លើកស្ទួយជីវភាពសម្ភារៈនិងស្មារតីរបស់ប្រជាជន។ គោលនយោបាយចំណុះវិស័យវប្បធម៌-សង្គម ត្រូវបានផ្តោតការយកចិត្តទុកដាក់ អនុវត្តគោលនយោបាយ វិស័យអប់រំក៏បានផ្សព្វផ្សាយអនុវត្តល្អ សាលារៀនត្រូវបានវិនិយោគកសាង អត្រាសិស្សជនជាតិភាគតិចរៀននៅរាល់កម្រិតសិក្សាកើនជាលំដាប់។ អត្តសញ្ញាណវប្បធម៌ខ្មែរត្រូវបានអភិរក្សនិងពង្រីក។ល។ ហេតុនេះ ពេលកម្មវិធីបានផ្សព្វផ្សាយត្រឹមត្រូវតាមសន្ទុះល្បឿន ជីវភាពជនជាតិភាគតិចនឹងមានភាពល្អប្រសើរពីមួយថ្ងៃទៅមួយថ្ងៃ។
លោក ឡឹមសិទ្ធ ប្រធានគណៈជនជាតិខេត្តសុកត្រាំង៖
ប្រមូលផ្តុំប្រភពកម្លាំងអភិវឌ្ឍសេដ្ឋកិច្ច-សង្គមតំបន់ជនជាតិភាគតិច
 |
អនុត្តកម្មវិធី ខេត្តសុកត្រាំង បានកំណត់កម្មវិធីនេះជាភារកិច្ចសំខាន់និងជាប្រចាំរបស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ រណសិរ្ស អង្គការមហាជននិងប្រជាជនលើស្មារតីពង្រីកកម្លាំងផ្ទៃក្នុង ឧត្តមភាព សក្តានុភាពរបស់ខេត្ត និងស្មារតីខ្លួនទីពឹងខ្លួនរបស់ជនរួមជាតិភាគតិច។
ដើម្បីអនុវត្តកម្មវិធីប្រកបដោយប្រសិទ្ធភាព ខេត្តផ្តុំកម្លាំងបង្កើនការកៀរគររាល់ប្រភពកម្លាំង; គួបផ្សំផ្សព្វផ្សាយប្រកបដោយប្រសិទ្ធភាពគោលនយោបាយ; ទាញយកសក្តានុភាពនិងឧត្តមភាព ដើម្បីវិនិយោគអភិវឌ្ឍយ៉ាងឆាប់រហ័សនិងចីរភាព ក្នុងនោះ អាទិភាពឱ្យតំបន់លំបាកខ្លាំង។ ទន្ទឹមនឹងនោះ លើកកម្ពស់ប្រសិទ្ធភាពនិងពង្រីកទូលំទូលាយទុនឥណទានអាទិភាពចំពោះកម្មវិធី គម្រោង គ្រួសារប្រជាជន បុគ្គល អង្គការអភិវឌ្ឍផលិត កម្ម អាជីវកម្មក្នុងតំបន់ជនរួមជាតិភាគតិច។ ពិសេស ផ្តោតលើការកសាងប្រព័ន្ធនយោបាយនៅមូលដ្ឋានរឹងមាំ; ពន្លឿនការងារឃោសនាដើម្បីបង្កើតការឯកភាពសង្គម និងពង្រឹងផែនមហាសាមគ្គីជនជាតិ បង្កទំនុកចិត្តក្នុងជនរួមជាតិភាគតិចចំពោះបក្ស រដ្ឋ។ ខេត្តខិតខំដល់ឆ្នាំ ២០២៥ ប្រាក់ចំណូលមធ្យមភាគរបស់ជនជាតិភាគតិចសម្រេចពី ៧០ លានដុងឡើងទៅ; មាន ១០០% ឃុំ សង្កាត់ ទីប្រជុំជនតំបន់ជនជាតិភាគតិចមានផ្លូវគមនាគមន៍ រថយន្តបើកបរដល់មជ្ឈមណ្ឌលឃុំ; ៩០% ភូមិមានផ្លូវចាក់បេតុងនិង៩៩% គ្រួសារជនជាតិភាគតិចមានអគ្គិសនីនិងទឹកស្អាតប្រើប្រាស់; ១០០% ជនរួមជាតិភាគតិច មានសេវាទូរគមនាគមន៍ បង្ខិតជិតព័ត៌មាននិងមធ្យោបាយស្តាប់ មើល; ដោះស្រាយជាង ៩០% ស្ថានភាពកង្វះដីសង់ផ្ទះ លំនៅឋានជូនគ្រួសារជនជាតិភាគតិច។ ជារៀងរាល់ឆ្នាំ ខិតខំកាត់បន្ថយអត្រាគ្រួសារក្រីក្រក្នុងជនរួមជាតិភាគតិចពី ៣-៤%; ១០០% សាលាជនជាតិអន្តេវាសិកសម្រេចបទដ្ឋានជាតិ; ជាង ៩៨% ជនជាតិភាគតិចចូលរួមប័ណ្ណធានារ៉ាប់រងសុខាភិបាល។ល។ អនុវត្តល្អកម្មវិធីនឹងរួមចំណែកអភិវឌ្ឍគ្រប់ជ្រុងជ្រោយនៅតំបន់ជនជាតិភាគតិច។ ពិសេសគឺការងារកាត់បន្ថយភាពក្រីក្រឆាប់រហ័ស ចីរភាព បង្រួញបន្តិចម្តងៗគម្លាតអំពីកម្រិតរស់នៅ ប្រាក់ចំណូលរបស់ជនរួមជាតិភាគតិច បើធៀបនឹងមធ្យមភាគរួមក្នុងទូទាំងប្រទេស។
លោក ថាច់មុនី អនុប្រធានគណៈជនជាតិខេត្តត្រាវិញ៖
មជ្ឈិមគប្បីបែងចែកគ្រប់ប្រភពកម្លាំង ដើម្បីអនុវត្តគម្រោងនានាក្នុងកម្មវិធី
 |
នៅថ្ងៃទី ១៤ ខែកុម្ភៈ ឆ្នាំ ២០២២ គណៈកម្មាធិការប្រជាជនខេត្តត្រាវិញ មានសេចក្តីសម្រេចលេខ ៣៦៩/QĐ-UBND ដាក់ចេញ ផែនការអនុវត្តកម្មវិធី ដំណាក់កាលទី១: ចាប់ពីឆ្នាំ ២០២១ ដល់ឆ្នាំ ២០២៥ លើភូមិសាស្រ្តខេត្តត្រាវិញ ដោយមានគម្រោងចំនួន ៩ ។ ជាក់ស្តែង៖ ដោះស្រាយស្ថានភាពកង្វះដីសង់ផ្ទះ លំនៅឋាន ដីផលិតកម្ម ទឹកស្អាតប្រើប្រាស់។ រៀបចំឡើងគម្រោងប្លង់ រៀបចំចាត់ចែងលំនឹងទីលំនៅប្រជាជននៅកន្លែងចាំបាច់។ អភិវឌ្ឍផលិតកសិកម្ម រុក្ខកម្ម ពង្រីកសក្តានុភាពនិងឧត្តមភាពនៃតំបន់នីមួយៗ ដើម្បីផលិតមុខទំនិញទៅតាមខ្សែសង្វាក់តម្លៃ។ វិនិយោគហេដ្ឋារចនាសម្ព័ន្ធសំខាន់ៗបម្រើការផលិត និងជីវភាពតំបន់ជនរួមជាតិភាគតិច។ អភិវឌ្ឍការអប់រំនិងបណ្តុះបណ្តាល លើកកម្ពស់គុណភាពប្រភពធនធានមនុស្ស។ អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់ជនជាតិភាគតិច ផ្សារភ្ជាប់ជាមួយការអភិវឌ្ឍទេសចរណ៍។ ថែទាំសុខភាពជូនប្រជាជន បង្កើនសុខភាពរាងកាយ មាឌកម្ពស់ ជនជាតិភាគតិច; បង្ការទប់ស្កាត់ការកង្វះអាហារូបត្ថម្ភលើកុមារ។ អនុវត្តសមភាពយ៉េនឌ័រនិងដោះស្រាយបញ្ហាបន្ទាន់ចំពោះស្រ្តីនិងកុមារ។ ឃោសនា ផ្សព្វផ្សាយនិងចលនានៅក្នុងតំបន់ជនរួមជាតិភាគតិច។ ក្នុងសេចក្តីសម្រេចនេះ គណៈកម្មាធិការប្រជាជនខេត្ត បានប្រគល់ការងារជាក់ស្តែងដល់មន្ទីរ គណៈ ផ្នែកក្នុងខេត្ត និងគណៈកម្មាធិការប្រជាជនគ្រប់ស្រុក ត្រៀមលក្ខណៈ ស្មារតីដើម្បីផ្សព្វផ្សាយអនុវត្តគម្រោងទាំង ៩ ដូចពោលខាងលើ។
ជាក់ស្តែងប៉ុន្មានឆ្នាំកន្លង មជ្ឈិមបែងចែកថវិកាដល់ភូមិភាគអនុវត្តគោលនយោបាយជនជាតិនៅមានកម្រិត ដូច្នេះ ទិសដៅមួយចំនួនដាក់ចេញពុំទាន់សម្រេច។ ខណៈពេលដែលកម្មវិធីមានលក្ខណៈទូទៅ លើគ្រប់វិស័យសេដ្ឋកិច្ចសង្គម វប្បធម៌ អប់រំនិងបណ្តុះបណ្តាលការពារប្រទេស ការពារសន្តិសុខ ជាមួយនឹងគម្រោងសមាសភាគទាំង ១០ (ដោយឡែកខេត្តត្រាវិញគឺ ៩ គម្រោង) ត្រូវការប្រភពកម្លាំងច្រើនដើម្បីវិនិយោគឧបត្ថម្ភ។ ហេតុនេះខេត្តត្រាវិញ ស្នើមជ្ឈិមបែងចែកគ្រប់ប្រភពកម្លាំងដើម្បីអនុវត្តគម្រោងនានាក្នុងកម្មវិធី។ រាល់ឆ្នាំ គប្បីឆាប់បែងចែកថវិកា ដើម្បីភូមិភាគម្ចាស់ការផ្សព្វផ្សាយអនុវត្តចាប់ពីដើមឆ្នាំ។
លោក ថាច់យឿង ប្រធានគណៈជនជាតិខេត្តវិញឡុង៖
ត្រៀមជាស្រេចទិសដៅលើកកម្ពស់គុណភាពជីវភាពជនជាតិភាគតិច
 |
ជនរួមជាតិខ្មែរនៅវិញឡុង ភាគច្រើនគឺរស់នៅតំបន់ជ្រៅ តំបន់ឆ្ងាយដាច់ស្រយាល; តំបន់លំបាកនិងតំបន់លំបាកខ្លាំង ប្រមូលផ្តុំច្រើននៅភូមិចំនួន ៤៨ ឃុំចំនួន ១០ និងទីប្រជុំជនចំនួន ១ ចំណុះស្រុកទាំង ៣ គឺស្រុកត្រាអូង តាមប៊ិញ វ៉ុងលីមនិងក្រុងប៊ិញមិញ។ បច្ចុប្បន្ន អត្រាគ្រួសារក្រីក្រក្នុងជនជាតិខ្មែរ ស្រូបអត្រា ១៥,៨៤% នៃចំនួនគ្រួសារខ្មែរក្នុងទូទាំងខេត្ត។ ហេតុនេះ កម្មវិធីរបស់ខេត្ត ផ្តោតលើទិសដៅជាក់ស្តែង៖ ខិតខំធ្វើឱ្យកម្រិតចំណូលមធ្យមភាគរបស់ជនជាតិភាគតិចកើនជាងទ្វេដង បើធៀបនឹងឆ្នាំ ២០២០; អត្រាគ្រួសារក្រីក្រក្នុងជនជាតិភាគតិចជារៀងរាល់ឆ្នាំកាត់បន្ថយជាង ៣%; ឃុំមានផ្លូវគមនាគមន៍រថយន្តបើកបរដល់មជ្ឈមណ្ឌលឃុំត្រូវបានក្រាលកៅស៊ូ ១០០%; ភូមិមានផ្លូវគមនាគមន៍រថយន្តបើកបរដល់មជ្ឈមណ្ឌលត្រូវបានចាក់បេតុង ៧០% ។ សាលារៀន និងដំណាក់សុខាភិបាល ត្រូវបានកសាងរឹងមាំ ១០០%; គ្រួសារប្រជាជនមានបណ្តាញអគ្គិសនីជាតិនិងប្រភពអគ្គិសនីផ្សេងៗសមស្របប្រើប្រាស់ ៩៩%; ជនរួមជាតិភាគតិចមានទឹកស្អាតប្រើប្រាស់ ៩០%; អត្រាសិស្សអាយុ ៥ ឆ្នាំរៀនកម្រិតមតេ្តយ្យសម្រេច ១០០% សិស្សឋិតក្នុងអាយុរៀនកម្រិតបឋមសិក្សាសម្រេចជាង ៩៧% កម្រិតអនុវិទ្យាល័យជាង ៩៥% កម្រិតវិទ្យាល័យជាង ៦០%; មនុស្សអាយុពី ១៥ ឆ្នាំឡើងទៅចេះអាន ចេះសរសេរអក្សរសាកលជាង ៩០%; ពលករ ៥០% ក្នុងកម្រិតអាយុពលកម្ម បានបណ្តុះបណ្តាលវិជ្ជាជីវៈសមស្របនឹងតម្រូវការលក្ខណៈរបស់ជនជាតិភាគតិច ។ល។ ភាគកម្រិតជាក់ស្តែងដល់ឆ្នាំ ២០២៥ គឺកែលម្អហេដ្ឋារចនាសម្ព័ន្ធសេដ្ឋកិច្ច-សង្គម ឧបត្ថម្ភបង្កើតទម្រង់រកស៊ី; រួមចំណែកបង្កើនប្រាក់ចំណូលមធ្យមភាគរបស់ជនជាតិភាគតិច កើនជាងទ្វេដងបើធៀបនឹងឆ្នាំ ២០២០; ដោះស្រាយតម្រូវការចាំបាច់របស់គ្រួសារជនជាតិភាគតិចអំពីផ្ទះ ដីសង់ផ្ទះ។ល។
ដើម្បីពន្លឿនសន្ទុះកម្មវិធី គណៈកម្មាធិការប្រជាជនខេត្តវិញឡុង សម្រេចបង្កើតគណៈចង្អុលការកម្មវិធី។ ជាមួយការបេ្តជ្ញាចិត្តរបស់ភូមិភាគ យើងខ្ញុំជឿជាក់ថា កម្មវិធីនឹងបង្កើនគុណភាពជីវភាពរបស់ជនរួមជាតិក្នុងពេលខាងមុខ៕
ក្រុមអ្នកយកព័ត៌មាន
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
