មហាសាមគ្គីជនជាតិ គំរូក្នុងសហគមន៍

28/03/2022 - 14:08

“នារីដឹកនាំ” ពោរពេញដោយឆន្ទៈស្វាហាប់

ត្រឹងធីភឿងយុង លេខាសម្ព័ន្ធយុវជនឃុំអាងនិញ។

ការខ្នះខ្នែង ការទទួលខុសត្រូវ គំនិតច្នៃប្រតិដ្ឋ ស្ម័គ្រចិត្តលះបង់គឺជាការឱ្យតម្លៃរបស់សមាជិកសម្ព័ន្ធយុវជាច្រើនពីបងស្រី ត្រឹងធីភឿងយុង លេខាសម្ព័ន្ធយុវជនឃុំអាងនិញ ស្រុកចូវថាញ់ ខេត្តសុកត្រាំង។ ដោយឆន្ទៈមោះមុតរបស់យុវវ័យ បងស្រីយុងតែងជាគំរូឈានមុខក្នុងការចលនាជានិច្ច។ ផ្តើមពីនោះ បងស្រីបានដឹកនាំចលនាសម្ព័ន្ធយុវជនកាន់តែរីកចម្រើនខ្លាំងក្លា និងស៊ីជម្រៅពីមួយថ្ងៃទៅមួយថ្ងៃ។

កាលពីឆ្នាំ ២០១៦ បញ្ចប់ការសិក្សាវិទ្យាល័យ បងស្រីយុង បានស្ម័គ្រចិត្តចូលរួមសកម្មភាពចលនានៅសាខាសម្ព័ន្ធយុវជនភូមិកិញមើយ ក្នុងគោលបំណង គឺរួមចំណែកកម្លាំងយុវវ័យដើម្បីបម្រើភូមិស្រុក។ ក្រោយរយៈពេលបម្រើការបាន ១ ឆ្នាំ បងស្រីយុង បានសមាជិកសម្ព័ន្ធយុវជនទំនុកចិត្ត បោះឆ្នោតធ្វើជាលេខាសាខាសម្ព័ន្ធយុវជនភូមិកិញមើយ។ បងស្រីយុង ឱ្យដឹង៖ “ពេលទើបចូលរួមសាខាសម្ព័ន្ធយុវជនភូមិ ការចលនាណាក៏ខ្ញុំចូលរួមទាំងអស់ ដូច៖ ដាំផ្កា ជូនអំណោយ កាប់ឆ្ការផ្លូវ ប្រមូលសំរាម សិល្បៈ។ល។ ខ្ញុំឃើញសកម្មភាពទាំងនោះសុទ្ធតែមានអត្ថន័យជាក់ស្តែង មានប្រយោជន៍ដល់ភូមិស្រុក ម្ល៉ោះហើយខ្ញុំពេញចិត្តណាស់”។ ឆ្លងតាមរយៈការខិតខំប្រឹងប្រែងកាលពីឆ្នាំ ២០១៨ បងស្រីយុង បន្តបានគណៈកម្មាធិការបក្សគ្រប់លំដាប់ថ្នាក់ និងសមាជិកសម្ព័ន្ធយុវជនមានទំនុកចិត្ត បោះឆ្នោតកាន់តំណែងជាលេខាសម្ព័ន្ធយុវជនឃុំអាងនិញមកទល់សព្វថ្ងៃ។

ជាមួយនឹងឆន្ទៈមោះមុត គំនិតច្នៃប្រតិដ្ឋ ស្វាហាប់ បងស្រីយុង តែងចុះទៅភូមិសាស្រ្តជារឿយៗ ដើម្បីក្តាប់ពីគោលបំណងប្រាថ្នារបស់សមាជិកសម្ព័ន្ធយុវជន សំដៅកសាងផែនការបំផុសចលនាឱ្យបានសមស្រប។ ពិសេស បងស្រីបានប្ដេជ្ញាបំផុសចលនាយុវវ័យទូទាំងឃុំ ផ្តុំកម្លាំងចូលរួមកសាងជនបទថ្មី ដោយមានសកម្មភាពជាក់ស្តែងជាច្រើន ដូច៖ ដាំផ្កា ដំឡើងអំពូលភ្លើងបំភ្លឺផ្លូវជនបទ ប្រមូលសំរាមឬសង់បង្គោលទង់។ល។ រួមចំណែកកសាងផ្លូវជនបទ ភ្លឺ បៃតង ស្អាតបាត។ ទន្ទឹមនឹងនោះ បងស្រីយុងថែមទាំងសហការជាមួយនឹងមជ្ឈមណ្ឌល បង្រៀនវិជ្ជាជីវៈរៀបចំផ្តល់ពិគ្រោះ តម្រង់ទិស ឧទ្ទេសនាមការងារធ្វើជូនយុវជនជាង ២០០ នាក់នៅតាមក្រុមហ៊ុន និងសហគ្រាសលើភូមិសាស្រ្តខេត្ត ពិសេសគឺយុវជនខ្មែរ។ ក្រៅពីនេះ បងស្រីយុង ក៏បានកំណត់ទិសដៅសម្រាប់យុវជនជ្រើសយកទម្រង់អភិវឌ្ឍសេដ្ឋកិច្ចឱ្យបានសមស្រប ឧបត្ថម្ភសម្រាប់យុវជនបុលទុនផលិតកម្ម ធ្វើអាជីវកម្ម; បង្កើតក្លឹបយុវជនជួយគ្នាអភិវឌ្ឍសេដ្ឋកិច្ចគ្រួសារ និងផ្ទេរជូនវិទ្យាសាស្រ្តបច្ចេកទេស។ល។ ផ្តើមពីនោះ ប្រទះឃើញទម្រង់ជាច្រើនមានប្រសិទ្ធភាពដូច៖ ទម្រង់ដាំដំណាំរួមផ្សំ ចិញ្ចឹមកង្កែប គោ មាន់។ល។ រកបានប្រាក់ចំណូលលំនឹង។

ត្រឹងធីភឿងយុង ចូលរួមប្រចាំការនៅទីតាំងបង្ការ ប្រឆាំងជំងឺ COVID - ១៩។

បងថាច់ស៊ុង លេខាសាខាសម្ព័ន្ធយុវជន ភូមិអាងនិញ “បងស្រីយុង ជាមនុស្សអស់ពីចិត្ត តែងយល់ច្បាស់ពីជីវភាពគ្រួសាររបស់យុវជន រាល់សកម្មភាពសម្ព័ន្ធយុវជនតែងមានអត្ថន័យ អប់រំជាក់ស្តែងចំពោះយុវជន។ ក្នុងទំនាក់ទំនង បងស្រីយុង តែងរួសរាយរាក់ទាក់ លើកទឹកចិត្តយុវជនខិតខំធ្វើការរកស៊ី ចូលរួមចលនាដើម្បីពង្រីកតួនាទីរបស់យុវជនក្នុងការកសាងភូមិស្រុក។ ចំពោះយុវជនខ្មែរដែលមានតម្រូវការបង្កើតអាជីព ខ្វះដើមទុន បងស្រីយុង ក៏បានឧទ្ទេសនាមឱ្យបុលទុនពីធនាគារគោលនយោបាយសង្គមកិច្ច ។ ដោយបានបងស្រីយុង ជួយខ្ញុំបុលបាន ៥០ លានដុង បោះទុនលើតូរ្យតន្រ្តីសម្រាប់បម្រើក្នុងពិធីមង្គលការ ពិធីបុណ្យ ម្ល៉ោះហើយរកបានប្រាក់ចំណូលលំនឹងជីវភាពធូរធារ”។

លេខាសម្ព័ន្ធយុវជនឃុំ ត្រឹងធីភឿងយុង បានកសាងសកម្មភាពចលនាជាច្រើនដែលមានប្រយោជន៍សម្រាប់សមាជិកសម្ព័ន្ធយុវជន និងមានអត្ថន័យជាក់ស្តែងក្នុងការកសាងឃុំអាងនិញសម្រេចបទដ្ឋានជនបទថ្មី។ បងស្រីយុង ចែករំលែក៖ “រាល់សកម្មភាពចលនាសម្ព័ន្ធយុវជនដែលមានប្រយោជន៍ច្រើនដល់សង្គម ម្ល៉ោះហើយធ្វើឱ្យខ្ញុំកាន់តែមានឆន្ទៈមោះមុតខ្លាំងឡើង។ ពិសេស កិច្ចការសម្ព័ន្ធយុវជនបានលត់ដំខ្ញុំឱ្យមានចរិតស្លូតបូត រួសរាយក្នុងការទំនាក់ទំនង និងមានឱកាសជួយមិត្តភ័ក្តិសមាជិកសម្ព័ន្ធយុវជនខ្មែរ ដើម្បីកំណត់ទិសដៅវិជ្ជាជីវៈ អភិវឌ្ឍសេដ្ឋកិច្ច។ ទន្ទឹមនឹងនោះ ខ្ញុំនៅទាំងមានឱកាស ដើម្បីផ្សព្វផ្សាយអប់រំដល់យុវជនឱ្យអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយក្រឹត្យច្បាប់របស់រដ្ឋទៀតផង។ ពិសេស ចលនាយុវជនខ្នះខ្នែង ស្ម័គ្រចូលរួមចលនាសម្ព័ន្ធយុវជនមូលដ្ឋាន និងធ្វើដំណើរឡើងទៅបំពេញកាតព្វកិច្ចយោធាការពារមាតុភូមិ”។

ឆ្នាំ ២០២១ បងស្រីយុង ទទួលបានបណ្ណសរសើររបស់គណៈកម្មាធិការប្រជាជនខេត្ត។ នេះគឺជាកម្លាំងចលករដើម្បីលេខាសម្ព័ន្ធយុវជន ជនជាតិខ្មែរ ត្រឹងធីភឿងយុង បន្តការរៀនសូត្រ លត់ដំបំណិនច្នៃប្រតិដ្ឋ រួមចំណែកកសាងគំរូយុវជនក្នុងសម័យថ្មី៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ