ព្រឹត្តិការណ៍ - នយោបាយ ព្រឹត្តិការណ៍

07/03/2022 - 14:19

ក្រសួងការងារ-យុទ្ធជនពិការនិងសង្គមកិច្ច និង UNDP ចុះកិច្ចព្រមព្រៀងសហប្រតិបត្តិការលើវិស័យកាត់បន្ថយភាពក្រីក្រ

ការិយាល័យជាតិ ស្ដីពីការកាត់បន្ថយភាពក្រីក្រ (ក្រសួងការងារ-យុទ្ធជនពិការ និងសង្គមកិច្ច) រួមជាមួយនឹង UNDP (កម្មវិធីអភិវឌ្ឍន៍របស់អង្គការសហប្រជាជាតិ) បានចុះកិច្ចព្រមព្រៀងសហប្រតិបត្តិការលើវិស័យកាត់បន្ថយភាពក្រីក្រ និងឧទ្ទេសនាមគម្រោង សហប្រតិបត្តិការរវាងក្រសួងការងារ-យុទ្ធជនពិការនិងសង្គមកិច្ច ក្រសួងការបរទេស និងពាណិជ្ជកម្មអូស្រ្តាលី UNDP ស្ដីពី "ការកសាងកម្មវិធីនិងពិគ្រោះគោលនយោបាយ ស្ដីពីកាត់បន្ថយភាពក្រីក្រពហុទិស និងប្រកបដោយចីរភាព ដំណាក់កាល ២០២១-២០២៣"។

ក្រសួងការងារ-យុទ្ធជនពិការនិងសង្គមកិច្ច និង UNDP ចុះកិច្ចព្រមព្រៀងសហប្រតិបត្តិការលើវិស័យកាត់បន្ថយភាពក្រីក្រ។ រូបថត៖ ត្វឹងឌឹក – TTXVN

ថ្លែងយោបល់ក្នុងពិធីចុះកិច្ចព្រមព្រៀង លោកស្រី Caitlin Wiesen តំណាង UNDP ប្រចាំនៅវៀតណាម បានបញ្ជាក់ ស្ថានភាពក្រីក្រអូសអន្លាយមានកម្រិតខ្ពស់ ក្នុងចំណោមក្រុមជនជាតិភាគតិច ក៏ដូចជាតំបន់នៅជាប់មាត់សមុទ្រ កោះ គឺជាការសាកល្បងមួយចំពោះវៀតណាម និងរាំងស្ទះការសម្រេចទិសដៅនៃការអភិវឌ្ឍប្រកបដោយចីរភាព មិនទុកឱ្យអ្នកណាម្នាក់នៅខាងក្រោយ។

ទន្ទឹមនឹងនោះ ជំងឺ COVID-១៩ ធាតុពិតគឺ ជាជំហានថយក្រោយមួយ ឆ្លុះបញ្ចាំងក្នុងការវាយតម្លៃរហ័សរបស់ UNDP អំពីផលប៉ះពាល់សេដ្ឋកិច្ច-សង្គមនៃជំងឺរាតត្បាតនេះទៅលើគ្រួសារនិងអាជីវកម្មដែលងាយរងផលប៉ះពាល់។ លោកស្រី Caitlin Wiesen អះអាង៖ ឆ្លងតាមរយៈការចុះហត្ថលេខាលើអនុស្សរណៈថ្ងៃនេះ UNDP នឹងបន្តពិគ្រោះយោបល់ពីគោលនយោបាយនិងជំនួយបច្ចេកទេសជូនក្រសួងការងារ -យុទ្ធជនពិការនិងសង្គមកិច្ច ដើម្បីពង្រីកទម្រង់និងដំណោះស្រាយច្នៃប្រតិដ្ឋដែលបានពិសោធន៍សម្រេចជោគជ័យនិងអនុវត្តទិសដៅ កម្មវិធីគឺកាត់បន្ថយចំនួនគ្រួសារក្រីក្រ គ្រួសារប្រកៀកបន្ទាត់ក្រចុះនៅពាក់កណ្ដាលនាឆ្នាំ ២០២៥។

គម្រោង៖ “កសាងកម្មវិធីនិងពិគ្រោះគោលនយោបាយស្ដីពីកាត់បន្ថយភាពក្រីក្រពហុទិស និងចីរភាព ដំណាក់កាល ២០២១ - ២០២៣” ជំនួយបច្ចេកទេសជូនដល់ក្រសួងការងារ-យុទ្ធជនពិការនិងសង្គមកិច្ច រួមមានខ្លឹមសារដូចជា៖ សិក្សាស្រាវជ្រាវ ស្នើកសាងខ្លឹមសារមួយចំនួននៃកម្មវិធីទិសដៅជាតិកាត់បន្ថយភាពក្រីក្រ ប្រកបដោយចីរភាព ដំណាក់កាល ២០២១- ២០២៥”។ ឆ្លងតាមរយៈនោះ កម្មវិធីកាត់បន្ថយភាពក្រីក្រ ក្នុងដំណាក់កាលខាងមុខនឹងមានខ្លឹមសារផ្លាស់ថ្មីជាច្រើន សមស្របជាមួយនឹងតម្រូវការនៃស្ថានភាពជាក់ស្ដែង; បង្កយន្តការបើកទូលាយថែមទៀតជូនរដ្ឋអំណាចនិងប្រជាជនភូមិភាគច្នៃប្រតិដ្ឋ ពង្រីកកម្លាំងផ្ទៃក្នុងក្នុងសហគមន៍; អនុវត្តវិធានការច្នៃប្រតិដ្ឋដែលបានពិសោធន៍សម្រេចជោគជ័យ ជួយកាត់បន្ថយភាពក្រីក្រឆាប់រហ័សនិងប្រកបដោយចីរភាព ក្នុងគម្រោងជំនួយពង្រីកមុខរបរចិញ្ចឹមជីវិតនិងរកបានប្រាក់ចំណូល ព្រមជាមួយនោះ កៀរគរអាជីវកម្មចូលរួមអភិវឌ្ឍសង្វាក់តម្លៃ រួមដំណើរជាមួយនឹងប្រជាជនជំនួយបច្ចេកទេសកែលម្អ មុខរបរចិញ្ចឹមជីវិត។ល។៕

យោង៖ dantocmiennui.vn

ចែករំលែកអត្ថបទ

ពាក្យគន្លឹះ