ព្រឹត្តិការណ៍ - នយោបាយ ព្រឹត្តិការណ៍

07/03/2022 - 14:19

នាយករដ្ឋមន្ត្រី ផាមមញជិញ៖

សាងសង់ផ្លូវល្បឿនលឿនត្រូវបង្កើតបរិយាកាសអភិវឌ្ឍថ្មី

កន្លងហើយថ្មីៗ នៅទីស្នាក់ការរដ្ឋាភិបាល នាយករដ្ឋមន្ត្រី ផាមមិញជិញ បានដឹកនាំកិច្ចប្រជុំប្រចាំការនៃរដ្ឋាភិបាលតាមប្រព័ន្ធអនឡាញ ជាមួយនឹងភូមិភាគនានា ស្តាប់របាយការណ៍សិក្សាជំហានដំបូងសមិទ្ធលទ្ធភាពនៃគម្រោងចរាចរណ៍សំខាន់ៗចំនួន ៥ រួមមានៈ ផ្លូវក្រវ៉ាត់ក្រុងលេខ ៤ តំបន់រដ្ឋធានីហាណូយ; ផ្លូវក្រវ៉ាត់ក្រុងលេខ ៣ ហូជីមិញ; ផ្លូវល្បឿនលឿនចូវដុក - កឹងធើ - សុកត្រាំង; ផ្លូវល្បឿនលឿនខាញ់ហ្វា - បួងម៉ាថួក; ផ្លូវល្បឿនលឿនបៀងហ្វា - វ៉ុងតៅ ។

នាយករដ្ឋមន្ត្រី ផាមមិញជិញ ដឹកនាំកិច្ចប្រជុំ។ រូបថត៖ យ៉ឿងយ៉ាង - TTXVN

ក្នុងកិច្ចប្រជុំ បន្ទាប់ពីបានស្តាប់របាយការណ៍សង្ខេប របាយការណ៍វាយតម្លៃ និងរបាយការណ៍សិក្សាជំហានដំបូង សមិទ្ធលទ្ធភាពគ្រោងការទាំងនោះ ឧបនាយករដ្ឋមន្ត្រី ថ្នាក់ដឹកនាំក្រសួង ស្ថាប័ន ខេត្ត ក្រុងបានពិភាក្សាលើបញ្ហាផែនការ នីតិវិធី ការកៀរគរធនធាន។ បណ្តាបញ្ហាបច្ចេកទេស សន្ទុះល្បឿន; វិនិយោគិន អ្នកគ្រប់គ្រងគម្រោង; ការងារឈូសឆាយទីធ្លា; ទាញយកបរិស្ថានអភិវឌ្ឍថ្មីដែលកើតឡើងដោយខ្សែផ្លូវ; ការងារត្រួតពិនិត្យ ឃ្លាំមើល ។ល។ ក្នុងអំឡុងពេលអនុវត្តគម្រោង។

ថ្លែងក្នុងអង្គប្រជុំ នាយករដ្ឋមន្ត្រី ផាមមិញជិញ បានសង្កត់ធ្ងន់ថា សេចក្តីសម្រេចចិត្តនៃមហាសន្និបាតបក្សលើកទី ១៣ បានកំណត់ថា ក្នុងអាណត្តិឆ្នាំ ២០២១-២០២៦ ទូទាំងប្រទេសត្រូវសាងសង់សម្រេចផ្លូវល្បឿនលឿន ប្រមាណ ២.០០០ គីឡូម៉ែត្រ។ បច្ចុប្បន្នយើងកំពុងសាងសង់ខ្សែផ្លូវមានប្រវែង ៧០០ គីឡូម៉ែត្រ ហើយថ្ងៃនេះ រដ្ឋាភិបាល និងបណ្តាក្រសួង ស្ថាប័ន និងភូមិភាគនានា កំពុងពិភាក្សាគ្នាដើម្បីសាងសង់បន្ថែមផ្លូវល្បឿនលឿន ៥០០ គីឡូម៉ែត្រទៀត។ ហេតុនោះ ប្រសិនបើការិយាល័យនយោបាយ និងរដ្ឋសភាអនុម័ត ក្នុងអាណត្តិនេះ យើងនឹងមានផ្លូវល្បឿនលឿនប្រមាណ ១.២០០ គីឡូម៉ែត្រ។ ដើម្បីសម្រេចបានទិសដៅដែលបានកំណត់ រដ្ឋាភិបាល ក្រសួង ស្ថាប័ន និងភូមិភាគនានាត្រូវប្តេជ្ញាចិត្តយ៉ាងខ្ពស់។ ការខិតខំប្រឹងប្រែងត្រូវឱ្យអស់ពីទំហឹង; សកម្មភាពត្រូវតែប្តូរផ្តាច់; កំណត់ច្បាស់ បញ្ហាស្នូល ចំណុចសំខាន់ទាំងការដឹកនាំ ចង្អុលការ និងការប្រមូលផ្តុំនៃដើមទុន; ចាត់តាំងអនុវត្តត្រូវប្រកបដោយលក្ខណៈវិទ្យាសាស្ត្រ សមហេតុផល និងមានប្រសិទ្ធភាព។ ទន្ទឹមនឹងនោះ ត្រូវសិក្សាបទពិសោធន៍តាំងពីការលំបាក និងភាពកង្វះខាតក្នុងការអនុវត្តសាងសង់ផ្លូវល្បឿនលឿននាពេលកន្លង ដើម្បីជម្នះ និងអនុវត្តឱ្យកាន់តែប្រសើរជាងសម្រាប់គម្រោងបច្ចុប្បន្ន និងពេលអនាគត។ នាយករដ្ឋមន្ត្រីបានសង្កត់ធ្ងន់ទៀតថា បណ្តាគម្រោងផ្លូវល្បឿនលឿន គប្បីដំណើរការតាមទិសដៅត្រង់ និងខ្លីបំផុតដែលអាចធ្វើបាន បើផ្លូវឆ្លងកាត់ទន្លេត្រូវចាប់ស្ពាន បើឆ្លងកាត់ភ្នំត្រូវជីករូង បើឆ្លងកាត់វាលស្រែត្រូវចាក់ដី។ មិនត្រូវធ្វើអមតាមតំបន់តាំងលំនៅឋាន ដើម្បីជៀសវាងការចំណាយច្រើនសម្រាប់ការឈូសឆាយទីធ្លា និងការបង្កើតបរិស្ថានអភិវឌ្ឍថ្មី។

យោង៖ ទីភ្នាក់ងារសារព័ត៌មានវៀតណាម

ចែករំលែកអត្ថបទ

ពាក្យគន្លឹះ