សុខភាព - អប់រំ សុខភាព

14/02/2022 - 09:05

រុក្ខជាតិឱសថ ៤ មុខជួយបង្កើនប្រព័ន្ធភាពសុាំនៃរាងកាយ

ក្រុមអ្នកឯកទេសផ្នែកសុខភាព ឱ្យដឹង៖ ដើម្បីបង្កើតប្រព័ន្ធភាពសុាំរឹងមាំ យើងទាំងអស់គ្នាគប្បីបំប៉នប្រភេទវីតាម៉ីនមួយចំនួនជាកំហិតហូបចុក ឱ្យបានត្រឹមត្រូវ ដេកស្កប់ស្កល់និងព្យាយាមហាត់ប្រាណជាដើម។ ក្រៅពីនេះ ការប្រើប្រាស់រុក្ខជាតិ ឱសថមួយចំនួន ក៏ជាការរួមចំណែកបង្កើនប្រព័ន្ធភាពសុាំមានប្រសិទ្ធភាពសម្រាប់រាងកាយផងដែរ តួយ៉ាងដូចរុក្ខជាតិឱសថ ៤ មុខខាងក្រោម៖

អីុឈីនហ្សាណាស្វាយ គឺជារុក្ខជាតិឱសថមួយមានអត្ថប្រយោជន៍បង្កើនប្រព័ន្ធការពាររាងកាយយ៉ាងមានប្រសិទ្ធភាព។ រូប៖ atural Living Family

+ អីុឈីនហ្សាណាស្វាយ (Echinacea)៖ យោងតាមឯកសារមួយដែលបានប្រកាសលើមូលដ្ឋានទិន្នន័យ Cochrane Library ការប្រើប្រាស់អីុឈីនហ្សាណាស្វាយ ក្រោយពីឃើញមានអាការផ្ដាសាយ (ដូចហៀរសំបោរ និងតឹងច្រមុះ) អាចនឹងជួយកាត់បន្ថយរយៈពេលជំងឺ ធ្វើទុក្ខនិងកម្រិតធ្ងន់ធ្ងរនៃការផ្ដាសាយ។ ដូចគ្នានោះដែរ ការវាយតម្លៃមួយផ្សេងទៀតដែលចុះផ្សាយក្នុងទស្សនាវដ្តី Advances in Integrative Medicine បានបង្ហាញ៖ អីុឈីនហ្សាណាស្វាយ មានអត្ថប្រយោជន៍សម្រាប់អ្នកជំងឺ រលាកផ្លូវដង្ហើមស្រួចស្រាវ ប្រសិនបើគេប្រើប្រាស់វាភ្លាមនៅពេលដែលទើបមានអាការ។

+ មើមខ្ទឹមស អាស្រ័យដោយមានសមាសភាពប្រឆាំងនឹងបាក់តេរី ប្រឆាំងនឹងវីរុស ឬប្រឆាំងនឹងប៉ារ៉ាស៊ីតខ្លាំងក្លា ដូច្នេះមើមខ្ទឹមស ជួយរាងកាយប្រឆាំងបាននូវហានិភ័យនៃការឆ្លងមេរោគក្នុងដើមទ្រូងនិងផ្លូវដកដង្ហើមជាដើម។ ក្នុងការសិក្សាស្រាវជ្រាវមួយដែលចុះផ្សាយលើ Cochrane Library ក្រុមអ្នកឯកទេសបានជ្រើស ដោយចៃដន្យចំពោះអ្នកចូលរួមឱ្យហូបខ្ទឹមស ដែលផ្ទុកសារធាតុ ១៨០ mg allicin/ថ្ងៃ ក្នុងរយៈពេល ១២ សប្តាហ៍ ឬសារធាតុគ្មានតម្លៃជាឱសថ។ លទ្ធផលសឱ្យឃើញថា ក្រុមដែលប្រើប្រាស់មើមខ្ទឹមសតិចមានហានិភ័យផ្ដាសាយជាង ហើយក៏ឆាប់ជាសះស្បើយពីជំងឺបើប្រៀប នឹងក្រុមដែលប្រើសារធាតុគ្មានតម្លៃជាឱសថ។ រីឯការសិក្សាស្រាវជ្រាវមួយផ្សេងទៀត សារធាតុ allicin ក្នុងមើមខ្ទឹមសមានសមាសភាពប្រឆាំងនឹងបាក់តេរី អាស្រ័យហេតុនោះ វាអាចនឹងប្រឆាំងបាននូវរាល់មេរោគដែលបណ្តាលឱ្យពុល ចំណីអាហារដូច៖ salmonella និង E. coli។

+ យិនស៊ិន តាមការសិក្សាស្រាវជ្រាវមួយ យិនស៊ិនមានអត្ថប្រយោជន៍បង្កើនសុខភាពសម្រាប់ក្រពេញ HPA (បានន័យថា ក្រពេញខាងក្នុង ក្រពេញស្លេស្ម ក្រពេញតម្រងនោម) ភ្នាក់ងារទទួលបន្ទុកសម្រួលការប្រតិកម្មនៃប្រព័ន្ធការពាររាងកាយចំពោះភាពតានតឹងស្មារតី ម្ល៉ោះហើយក៏ជួយបង្កើនប្រព័ន្ធភាពសុាំដល់រាងកាយផងដែរ។ មិនតែប៉ុណ្ណោះ យិនស៊ិនថែមទាំងជួយរក្សាតុល្យភាព ប្រព័ន្ធការពាររាងកាយដោយវិធីសម្រួលប្រភេទកោសិកាការពាររាងកាយផ្សេងៗគ្នា (រួមមានកោសិកា T កោសិកា B កោសិកាកម្ចាត់បែបធម្មជាតិ និងម៉ាក្រូហា្វហ្ស) មានមុខងារសម្គាល់ដឹងនូវភាពគំរាមដល់រាងកាយនិងប្រឆាំងទប់ទល់វិញ។ កំណត់ចំណាំ យិនស៊ិនមានប្រតិកម្មខ្លាំងណាស់ ម្ល៉ោះហើយ លោកអ្នកគប្បីសាកសួរយោបល់ពីវេជ្ជបណ្ឌិត ប្រសិនបើចង់ប្រើប្រាស់។ វិធីប្រើប្រាស់យិនស៊ិនជាទូទៅគឺឆុងតែជាមួយមើមយិនស៊ិនស្រស់ ឬក៏ផឹកយិនស៊ិនជាគ្រាប់ឱសថ។

+ ផ្សិតលិញជី៖ សមាសធាតុ beta-glucan ក្នុងផ្សិតម្ជុលត្រូវបានគេយល់ថាមានសមត្ថភាព រំញោចរាល់ប្រភេទកោសិកាផ្សេងៗគ្នាក្នុងប្រព័ន្ធការពាររាងកាយ (រួមមានកោសិកាឯកណៃ យូកោសិកាកម្ចាត់បែបធម្មជាតិនិងកោសិកាដុះបន្លា) ផ្តើមពីនោះ ជួយវាមានសមត្ថភាពរកឃើញនិងប្រឆាំងការឆ្លងមេរោគបានល្អជាង។ សក្ខីភាពមួយបានបង្ហាញ សារធាតុ beta -glu can ដែលមានក្នុងផ្សិតលិញជី ថែមទាំងមានគុណប្រយោជន៍ប្រឆាំងនឹងដុំពក ទប់ស្កាត់ការរីកចម្រើននៃកោសិកាមហារីកទៀតផង។ អាចនឹងប្រើប្រាស់ផ្សិតលិញជីប្រភេទម្សៅឬគ្រាប់៕

ហឿងថាវ ( យោង៖ Insider) - លីសៀ

ចែករំលែកអត្ថបទ

ពាក្យគន្លឹះ