ព្រឹត្តិការណ៍ - នយោបាយ ព្រឹត្តិការណ៍

17/01/2022 - 07:39

ឆ្នាំ ២០២២ អាទិភាពប្រភពកម្លាំង អនុវត្តកម្មវិធីស្តារ និងអភិវឌ្ឍសេដ្ឋកិច្ច - សង្គមប្រកបដោយប្រសិទ្ធភាព

ក្នុងកិច្ចប្រជុំតាមអនឡាញរបស់រដ្ឋាភិបាលជាមួយនឹងភូមិភាគ ផ្សព្វផ្សាយសេចក្តីសន្និដ្ឋានរបស់មជ្ឈិម និងសេចក្តីសម្រេចចិត្តរបស់រដ្ឋសភា នីតិកាល XV និងផែនការអភិវឌ្ឍសេដ្ឋកិច្ច-សង្គម ឆ្នាំ ២០២២ ឧបនាយករដ្ឋមន្ត្រីប្រចាំការរដ្ឋាភិបាល ផាមប៊ិញមិញ ឱ្យដឹង៖ មជ្ឈិមបក្សមានសេចក្តីសន្និដ្ឋាន រដ្ឋសភានិងរដ្ឋាភិបាល បានប្រកាសឱ្យប្រើសេចក្តីសម្រេចចិត្ត; ក្នុងនោះ កំណត់ទិសដៅ ភារកិច្ចអភិវឌ្ឍសេដ្ឋកិច្ច-សង្គមឆ្នាំ ២០២២ ។ អាស្រ័យហេតុនេះ ក្រសួង ផ្នែក ភូមិភាគ គប្បីផ្តុំកម្លាំងអាទិភាពប្រភពកម្លាំង អនុវត្តប្រកបដោយប្រសិទ្ធភាពកម្មវិធីបង្ការ ប្រឆាំងជំងឺ COVID-១៩ និងកម្មវិធីស្តារនិងអភិវឌ្ឍសេដ្ឋកិច្ច-សង្គម។

អគ្គលេខាបក្ស ង្វៀងភូត្រុង ប្រធានរដ្ឋ ង្វៀងស្វឹងភុក ប្រធានរដ្ឋសភា វ៉ឿងឌិញហ្វែ នាយករដ្ឋមន្ត្រី ផាមមិញជិញជាមួយនឹងថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាមចូលរួមអង្គសន្និបាត។ រូបថត៖ VGP/ញុឹកបាក់

“ឆ្នាំ២០២២ ជាឆ្នាំមានអត្ថន័យដ៏សំខាន់ បង្កជាមូលដ្ឋានគ្រឹះក្នុងការអនុវត្តទិសដៅនៃផែនការ៥ ឆ្នាំ ២០២១-២០២៥ ។ ព្យាករណ៍ ស្ថានការណ៍អន្តរជាតិ ឃើញថាក្នុងប្រទេស មានកាលានុវត្តភាពងាយស្រួល និងការលំបាក សាកល្បងលាយឡំគ្នា។ ជំងឺ COVID-១៩ អាចបណ្តាលឱ្យស្មុគស្មាញ កាន់តែគ្រោះថ្នាក់ជាងជាមួយនឹងការលេចឡើងនៃមេរោគបំប្លែងថ្មី។ កំណើនសេដ្ឋកិច្ចពិភពលោកមិនទាន់ស្មើ មិនទាន់រឹងមាំ បង្កប់នូវហានិភ័យច្រើននិងអាចទាបជាងឆ្នាំ ២០២១; អតិផរណាកើនខ្ពស់នៅប្រទេសជាច្រើន” ឧបនាយករដ្ឋមន្ត្រី ផាមប៊ិញមិញ បានគូសបញ្ជាក់ដូច្នេះ។

ក្នុងឆ្នាំ ២០២២ ក្រោមប្រធានបទ “សាមគ្គី ក្រឹត្យក្រម ម្ចាស់ការបន្សាំសុវត្ថិភាព ប្រសិទ្ធភាព ស្តារនិងអភិវឌ្ឍសេដ្ឋកិច្ច” រដ្ឋាភិបាលនឹងតាមដានស្ថានការណ៍ ឆ្លៀតប្រើប្រាស់អស់ពីលទ្ធភាពរាល់កាលានុវត្តភាព ដើម្បីជំរុញដំណើរការស្តារនិងអភិវឌ្ឍសេដ្ឋកិច្ច-សង្គមទូទាំងប្រទេស លើគ្រប់ផ្នែក គ្រប់វិស័យ ភូមិភាគនិងរក្សាកម្លាំងចលករកំណើនក្នុងរយៈពេលវែង ឆ្លៀតប្រើប្រាស់អស់ពីលទ្ធភាពកម្លាំងចលករកំណើនថ្មី ចីរភាព។ ឆ្លងតាមរយៈនោះ ផ្តុំកម្លាំងអនុវត្តនូវភារកិច្ចសំខាន់ចំនួន ៣ គឺស្តារ ជំរុញ ផលិតអាជីវកម្ម; ជំរុញនីហរ័ណ; ពន្លឿនសន្ទុះរំសាយទុនវិនិយោគសាធារណៈ និងកៀរគរប្រភពកម្លាំងសហការរវាងរដ្ឋនិងឯកជន ដើម្បីអភិវឌ្ឍប្រព័ន្ធហេដ្ឋារចនាសម្ព័ន្ធ បំផុតគឺហេដ្ឋារចនាសម្ព័ន្ធយុទ្ធសាស្រ្ត។ ទន្ទឹមនឹងនោះ រក្សាស្ថិរភាពម៉ាក្រូសេដ្ឋកិច្ច គ្រប់គ្រងអតិផរណា លើកកម្ពស់ភាពម្ចាស់ការ កម្លាំងទប់ទល់ ភាពបន្សាំនៃខឿនសេដ្ឋកិច្ច។ ក្រៅពីនោះ ជំរុញរចនាសម្ព័ន្ធឡើងវិញនូវខឿនសេដ្ឋកិច្ចពិតប្រាកដ ប្រសិទ្ធភាព; អភិវឌ្ឍពាណិជ្ជកម្មអេឡិចត្រូនិច សេដ្ឋកិច្ចឌីជីថល និងទម្រង់អាជីវកម្មថ្មីផ្អែកលើការអនុវត្តបច្ចេកវិជ្ជាព័ត៌មាន បច្ចេកវិជ្ជាឌីជីថល; វិនិច្ឆ័យនូវបញ្ហាមួយចំនួនដែលនៅកកស្ទះ អូសបន្លាយច្រើនឆ្នាំ។

ឆ្នាំ ២០២១ ប្រទេសយើងត្រូវប្រឈមមុខនឹងការលំបាកសាកល្បងជាច្រើន ដែលមិនធ្លាប់មានតាំងពីមុនមក អាស្រ័យរងផលប៉ះពាល់នៃជំងឺដ៏កាចសាហាវ COVID-១៩។ ស្ថិតក្នុងបរិការណ៍នោះ រដ្ឋាភិបាល រដ្ឋអំណាចភូមិភាគនានា និងទូទាំងប្រព័ន្ធនយោបាយនិយាយរួម បានរួមជាមួយទូទាំងបក្ស ទូទាំងប្រជាជន ទូទាំងកងទ័ពយើង ខិតខំតស៊ូសម្រេចបានកម្រិតខ្ពស់បំផុតនូវទិសដៅ ភារកិច្ចដែលបានដាក់ចេញ និងសម្រេចបាននូវលទ្ធផលសំខាន់ៗ ជាច្រើន គ្រប់ជ្រុងជ្រោយលើគ្រប់វិស័យ។ ប្រទេសយើងបានតទល់ ទប់ស្កាត់ គ្រប់គ្រងជំងឺរាតត្បាត សន្សឹមៗបង្វែរមកស្ថានភាពបន្សាំសុវត្ថិភាព រវាសរវៃ គ្រប់គ្រងជំងឺ COVID-១៩ មានប្រសិទ្ធភាព។ល។ ទោះជាមានការលំបាកក៏ដោយ ប្រទេសយើងនៅតែបន្តការយកចិត្តទុកដាក់អភិវឌ្ឍលើវិស័យវប្បធម៌សង្គម។ មានយន្តការគោលនយោបាយជាច្រើន សំដៅជួយដល់ប្រជាជន អាជីវកម្មដែលរងផលប៉ះពាល់ដោយសារជំងឺរាតត្បាត បានផ្សព្វផ្សាយព្រមៗ គ្នា ប្រកបដោយប្រសិទ្ធភាព រួមចំណែកយ៉ាងសកម្មធានាសុខុមាលភាពសង្គម និងជីវភាពប្រជាជន។ សន្តិសុខនយោបាយ និងសណ្តាប់ធ្នាប់សុវត្ថិភាពសង្គមបានរក្សាលំនឹងជានិច្ច។

អនុវត្តសេចក្តីសន្និដ្ឋានរបស់សន្និបាតមជ្ឈិម ៣ និង៤ រដ្ឋាភិបាលបានប្រញឹកដាក់ជូនការិយាល័យនយោបាយប្រកាសឱ្យប្រើសេចក្តីសន្និដ្ឋាន ស្តីពីកម្មវិធីបង្ការប្រឆាំងជំងឺ COVID- ១៩ និងកម្មវិធីស្តារ អភិវឌ្ឍសេដ្ឋកិច្ច-សង្គម ដាក់ជូនរដ្ឋសភានៅសម័យប្រជុំវិសាមញ្ញដើមឆ្នាំ ២០២២ ស្តីពីគោលនយោបាយឆ្នាំសារពើពន្ធ រូបិយវត្ថុ ដើម្បីឧបត្ថម្ភផ្សព្វផ្សាយកម្មវិធី។ នេះគឺជាគោលការណ៍ ការកំណត់នយោបាយ ដ៏សំខាន់សម្រាប់ស្តារនិងអភិវឌ្ឍសេដ្ឋកិច្ច-សង្គមក្នុងឆ្នាំថ្មី៕

យោង៖ កាសែតជនជាតិនិងតំបន់ភ្នំ-វិមាន

ចែករំលែកអត្ថបទ

ពាក្យគន្លឹះ