គោលនយោបាយ -ការរស់នៅ ច្បាប់

10/01/2022 - 08:55

ការរើសអើងយេនឌ័រក្នុងពលកម្ម ត្រូវពិន័យប្រាក់រហូតដល់ ៣០ លានដុង

(Chinhphu.vn) - រដ្ឋាភិបាលទើបដាក់ឱ្យប្រើអនុក្រឹត្យលេខ ១២៥/២០២១/NĐ-CP កំណត់ពីការពិន័យបទល្មើសផ្នែករដ្ឋបាលក្នុងវិស័យសមភាពយេនឌ័រ។

អនុក្រឹត្យលេខ ១២៥/២០២១/NĐ-CP បានកំណត់ពីការពិន័យចំពោះបទល្មើសផ្នែករដ្ឋ
បាលក្នុងវិស័យសមភាពយេនឌ័រ។ រូបជាឧទាហរណ៍

ក្នុងនោះ អនុក្រឹត្យបានកំណត់ កម្រិតពិន័យ ជាប្រាក់ខ្ពស់បំផុតចំពោះបទល្មើសផ្នែករដ្ឋបាល ក្នុងវិស័យសមភាពយេនឌ័រចំពោះបុគ្គលគឺ ៣០ លានដុង។ អនុក្រឹត្យដាក់កម្រិតពិន័យផ្សេងៗ គ្នាចំពោះបទល្មើសផ្សេងគ្នាក្នុងវិស័យសមភាពយេនឌ័រ។

ការរើសអើងយេនឌ័រក្នុងការតែងតាំងត្រូវពិន័យរហូតដល់ ១០ លានដុង

ជាក់ស្ដែងអនុក្រឹត្យបានកំណត់ការពិន័យចាប់ពី ២ ទៅ ៣ លានដុងចំពោះបទល្មើស៖ ប៉ះពាល់ដល់កិត្តិយស សេចក្តីថ្លៃថ្នូររបស់អ្នកឈរឆ្នោត អ្នកបានឧទ្ទេសនាមឈរឆ្នោតតំណាងរដ្ឋសភា តំណាងក្រុមប្រឹក្សាប្រជាជន ចូលស្ថាប័នដឹកនាំនៃអង្គការនយោបាយ អង្គការនយោបាយ-សង្គម អង្គការនយោបាយសង្គម -វិជ្ជាជីវៈ អង្គការសង្គម-វិជ្ជាជីវៈព្រោះមានការរើសអើងយេនឌ័រ; ប៉ះពាល់ដល់កិត្តិយស សេចក្តីថ្លៃថ្នូរ សំដៅរារាំងការតែងតាំងអ្នកឡើងកាន់តំណែងថ្នាក់គ្រប់គ្រង ដឹកនាំ ឬមុខងារវិជ្ជាជីវៈ ព្រោះមានការរើសអើងយេនឌ័រ។

ទង្វើញុះញង់ អូសទាញអ្នកដទៃបោះឆ្នោតឱ្យតែអ្នកដែលមានភេទណាមួយជាដាច់ខាត ខណៈពេលធ្វើការបោះឆ្នោតចូលស្ថាប័នដឹកនាំនៃអង្គការនយោបាយនឹងត្រូវពិន័យពី ៣-៥ លានដុង។

មិនធ្វើការតែងតាំងអ្នកឡើងកាន់តំណែងគ្រប់គ្រង ដឹកនាំ ឬមុខតំណែងវិជ្ជាជីវៈ ព្រោះមានការរើសអើងយេនឌ័រនឹងត្រូវពិន័យពី ៧-១០ លានដុង។

កម្រិតពិន័យជាប្រាក់ចាប់ពី ១០-១៥ លានដុង អនុវត្តចំពោះបទល្មើស៖ មានការរើសអើងអំពីយេនឌ័រក្នុងការធានា សុវត្ថិភាពពលកម្ម និងអនាម័យពលកម្ម; រើសអើងយេនឌ័រក្នុងការបែងចែកការងារដែលនាំឱ្យមានការគម្លាតគ្នាអំពីប្រាក់ចំណូល។ បដិសេធជ្រើសរើស បុគ្គលិក ឬជ្រើសរើសបុគ្គលិកមានកម្រិតចំពោះពលករដែលជាភេទណាមួយដាច់ខាត។

ពិន័យទឹកប្រាក់ចាប់ពី ២០-៣០ លានដុង ចំពោះទង្វើដាក់ចេញនិងអនុវត្តសេចក្ដីកំណត់ លក្ខន្តិកៈដែលមានការរើសអើងយេនឌ័រ។

ការបែងចែករាប់អានមិនស្មើភាពរវាងសមាជិកក្នុងគ្រួសារ ដោយសារភេទនឹងត្រូវពិន័យដល់ ៥ លានដុង

ក្នុងវិស័យសមភាពយេនឌ័រពាក់ព័ន្ធនឹងគ្រួសារ អនុក្រឹត្យកំណត់ការបែងចែករាប់អាន មិនស្មើភាពរវាងសមាជិកក្នុងគ្រួសារ ដោយសារការរើសអើងភេទ ត្រូវពិន័យចាប់ពី ៣-៥ លានដុង។

ពិន័យជាប្រាក់ចាប់ពី ៥-៧ លានដុងចំពោះបទល្មើស បង្ខិតបង្ខំធ្វើការងារផ្ទះ ប្រើប្រាស់វិធានការបញ្ជៀសគភ៌ វះកាត់បញ្ឈប់កំណើតចាត់ទុកជាភារកិច្ចចំពោះតែភេទណាមួយជាដាច់ខាតនៃសមាជិកក្នុងគ្រួសារ។

ប្រើអំពើហឹង្សា សំដៅរារាំងសមាជិកក្នុងគ្រួសារមានលក្ខណសម្បត្តិគ្រប់គ្រាន់តាមផ្លូវច្បាប់ ដើម្បីចូលរួមសម្រេចទ្រព្យសម្បត្តិដែលជាកម្មសិទ្ធិរួមរបស់គ្រួសារ ព្រោះមានការរើសអើងភេទនឹងត្រូវពិន័យចាប់ពី ៧-១០ លានដុង។

កម្រិតពិន័័យខាងលើ គឺអនុវត្តចំពោះបុគ្គល។ កម្រិតពិន័យចំពោះអង្គការ គឺស្មើពីរដងនឹងកម្រិតពិន័យចំពោះបុគ្គល៕

ប្រែសម្រួល៖ ថាច់ធី 

ចែករំលែកអត្ថបទ

ពាក្យគន្លឹះ