សុខភាព - អប់រំ អប់រំ

27/12/2021 - 10:11

កើ-ដគិតគូរដល់គ្រូបង្រៀន

ផ្នែកអប់រំនិងបណ្តុះបណ្តាលស្រុកកើ-ដ ក្រុងកឹងធើ ផ្តុំកម្លាំងគិតគូរជីវភាពសម្ភារៈ ស្មារតីរបស់កងជួរគ្រូបង្រៀន បំផុតគឺគ្រូបង្រៀននៅតំបន់មានជនរួមជាតិភាគតិចរស់នៅកុះករ។

ពិធីបើកដំណើរការសាងសង់ផ្ទះ “ទ្រនំសុខគ្រូបង្រៀន” ជូនគ្រួសារអ្នកគ្រូហូធីធូវឹង។ រូប៖ សហការី

តាមប្រសាសន៍អ្នកគ្រូឌោធីថាញធ្វី នាយករងសាលាមតេ្តយ្យថើយដុង២ ៖ អ្នកគ្រូហូធីធូវឹង បង្រៀននៅសាលានេះ ៦ ឆ្នាំហើយ។ ទោះជាស្ថានភាពគ្រួសារជួបការលំបាក ប៉ុន្តែអ្នកគ្រូតែងស៊ូទ្រាំជម្នះនូវការលំបាក ដើម្បីបង្ហាត់បង្រៀន ថែទាំកុមារសម្រេចភារកិច្ចបានល្អប្រសើរ។ អ្នកគ្រូវឹង ទើបបានជ្រើសឧបត្ថម្ភសង់ផ្ទះ “ទ្រនំសុខគ្រូបង្រៀន”។ អ្នកគ្រូធូវឹង បង្ហើបឱ្យដឹង៖ “គណៈនាយកសាលា ព្រមទាំងមិត្តរួមអាជីពបានជួយខ្ញុំយ៉ាងច្រើនទាំងផ្នែកស្មារតី ក៏ដូចជាមុខជំនាញវិជ្ជាជីវៈ។ ក្នុងការពិនិត្យជ្រើសរើសឧបត្ថម្ភ សង់ផ្ទះ “ទ្រនំសុខគ្រូបង្រៀន” ថ្មីៗនេះ ខ្ញុំបានជ្រើសរើសឧបត្ថម្ភ ហេតុនោះមានសេចក្តីត្រេកអរក្រៃលែង! ខ្ញុំកាន់តែខិតខំថែមទៀត”។

ចាប់ពីឆ្នាំ ២០២០ ការិយាល័យអប់រំនិងបណ្តុះបណ្តាលស្រុកកើ-ដ អនុវត្តការចលនាសាងសង់ផ្ទះ “ទ្រនំសុខគ្រូបង្រៀន” ជូនកម្មាភិបាល គ្រូបង្រៀនដែលមានស្ថានភាពលំបាក ពិសេស គឺអំពីលំនៅឋាន ដើម្បីជួយគ្រូបង្រៀនមានផ្ទះសម្បែងសមរម្យស្ងប់អារម្មណ៍បម្រើការងារ។ ប្រភពមូលនិធិអនុវត្តផ្តើមពីការរួមចំណែកស្ម័គ្រចិត្តរបស់កម្មាភិបាល គ្រូបង្រៀនរបស់ផ្នែកអប់រំ។ អ្នកគ្រូង្វៀងធីហ្វែ អនុប្រធានការិយាល័យអប់រំនិងបណ្តុះបណ្តាលស្រុកកើ-ដ ឱ្យដឹង៖ ដើម្បីកៀរគរបានមូលនិធិនេះ ការិយាល័យបានផ្សព្វផ្សាយដល់គណៈនាយកសាលា សហជីពនៃសាលានានា ចលនាកម្មាភិបាល គ្រូបង្រៀនរួមវិភាគទានដោយស្ម័គ្រចិត្ត បំផុត គឺលោកគ្រូប្រធានការិយាល័យអប់រំនិងបណ្តុះបណ្តាលស្រុក បានចលនាសប្បុរសជនបន្ថែម។ បន្ទាប់ពីនោះ ផ្នែកអប់រំបានធ្វើការពិនិត្យ និងជ្រើសរើសគ្រូបង្រៀនណាដែលមានស្ថានភាពលំបាកខ្លាំង។ ផ្ទះមួយខ្នងៗបានឧបត្ថម្ភ ៥០ លានដុង គ្រួសារបដិភាគបន្ថែមមួយចំណែកដើម្បីសាងសង់។ ក្នុងខណៈពិនិត្យជ្រើសរើស ឧបត្ថម្ភយើងខ្ញុំតែងក្រើនរំលឹកដល់គ្រប់សាលារៀនទាំងអស់ គប្បីយកចិត្តទុកដាក់ដល់គ្រូបង្រៀននៅលើភូមិសាស្រ្តតំបន់ជនជាតិ តំបន់លំបាក ដូចជាថើយស្វឹង ថើយដុងជាដើម។

ទូទាំងផ្នែកអប់រំស្រុកកើ-ដ មានកម្មាភិបាលគ្រប់គ្រង គ្រូបង្រៀន បុគ្គលិកចំនួន ១.៤៥៣ រូប។ កងជួរគ្រូបង្រៀនកម្រិតមតេ្តយ្យ បឋមសិក្សា អនុវិទ្យាល័យសម្រេចបទដ្ឋានស្រូបអត្រាជាង ៧៦%; ក្នុងនោះ គ្រូបង្រៀនកម្រិតអនុវិទ្យាល័យ ស្រូបអត្រាជាង ៨៣%។ អ្នកគ្រូង្វៀងធីហ្វែ ឱ្យដឹង៖ ជំងឺ COVID-១៩ បានប៉ះពាល់ដល់មនុស្សជាច្រើន ក្នុងនោះក៏មានគ្រូបង្រៀនដែរ ម្ល៉ោះហើយផ្នែកអប់រំបានធ្វើសេនាធិការជូនសហជីព ផ្នែកអប់រំ ឧបត្ថម្ភអំណោយ ៣ ចំណែក (ក្នុងមួយចំណែក ២ លានដុង) ដល់គ្រូបង្រៀនដែលជួបការលំបាកខ្លាំង។ នៅពេលខាងមុខ ផ្នែកនឹងបន្តកៀរគរប្រភពសង្គមូបនីយកម្ម ដើម្បីឧបត្ថម្ភកម្មាភិបាល គ្រូបង្រៀនដែលមានស្ថានភាពលំបាក បង្កលក្ខណៈដើម្បីលោកគ្រូអ្នកគ្រូនឹងនរចិត្តបម្រើការងារបានល្អប្រសើរ។ ឆ្នាំសិក្សាកន្លង ផ្នែកអប់រំស្រុកកើ-ដសម្រេចបានស្នាដៃជាច្រើនក្នុងពិធីប្រឡងថ្នាក់ក្រុង៖ មានគ្រូបង្រៀន ១៤/១៥ រូប ទទួលបានកិត្តិនាមគ្រូបង្រៀនពូកែកម្រិតមតេ្តយ្យ; រង្វាន់លេខ ២ ទូទាំងក្រុមសមាគមដោះដូរ “សរសេរអក្សរស្អាត” កម្រិតបឋមសិក្សានិងរង្វាន់លេខ ៣ ទូទាំងក្រុម ក្នុងពិធីប្រឡង “ច្នៃឧបករណ៍បង្ហាត់បង្រៀន” កម្រិតបឋមសិក្សាជាដើម៕

ប៊ិចង៉ុក-វិមាន

ចែករំលែកអត្ថបទ

ពាក្យគន្លឹះ