គោលនយោបាយ -ការរស់នៅ ច្បាប់

20/12/2021 - 08:30

ជក់បារីនៅកន្លែងដែលមានបទប្បញ្ញត្តិហាម អាចនឹងត្រូវផាកពិន័យដល់ទៅ ៥០០.០០០ ដុង

អនុក្រឹត្យលេខ ១១៧/២០២០/NĐ-CP បានកំណត់ពីការផាកពិន័យចំពោះការបំពានផ្នែករដ្ឋបាលលើវិស័យសុខាភិបាល ក្នុងនោះការបំពានបទប្បញ្ញត្តិស្តីពីកន្លែងហាមឃាត់ជក់បារី នឹងទទួលរងការព្រមាន ឬផាកពិន័យជាប្រាក់ពី ២០០.០០០ - ៥០០.០០០ដុង។ ករណីជក់បារីនៅលើយន្តហោះ ត្រូវអនុវត្តតាមបទប្បញ្ញត្តិអំពីការផាកពិន័យលើការបំពានផ្នែករដ្ឋបាលក្នុងវិស័យអាកាសចរណ៍ស៊ីវិល។

រូបថតជាឧទាហរណ៍។

អនុក្រឹត្យនេះក៏បានកំណត់ការផាកពិន័យជាប្រាក់ពី ៣-៥ លានដុង ចំពោះទង្វើមួយក្នុងបណ្តាទង្វើមានដូចខាងក្រោម៖ មិនមានអក្សរ ឬនិមិត្តសញ្ញា “ហាមឃាត់ជក់បារី” នៅកន្លែងដែលហាមឃាត់ជក់បារីតាមសេចក្តីកំណត់របស់ច្បាប់។ មិនរៀបចំអនុវត្ត ណែនាំ ត្រួតពិនិត្យ ដាស់តឿនក្នុងការអនុវត្តឱ្យបានត្រឹមត្រូវ តាមបទប្បញ្ញត្តិអំពីការហាមឃាត់ជក់បារីនៅកន្លែងដែលស្ថិតនៅក្រោមសិទ្ធិគ្រប់គ្រង ដឹកនាំ។

ក្រៅពីនេះ ពិន័យជាប្រាក់ពី ៥-១០ លានដុង ចំពោះទង្វើមួយក្នុងបណ្តាទង្វើមានដូចខាងក្រោម នៅកន្លែងសម្រាប់អ្នកជក់បារី៖ គ្មានបន្ទប់ និងប្រព័ន្ធខ្យល់ចេញចូលដាច់ដោយឡែកពីកន្លែងមិនជក់បារី។ គ្មានឧបករណ៍សម្រាប់ទុកសំណាកបារី កន្ទុយបារី; មិនមានស្លាកសញ្ញានៅទីតាំងសមស្រប ងាយមើលឃើញ; មិនមានឧបករណ៍បង្ការ និងពន្លត់អគ្គិភ័យ។

ស្តីពីកន្លែងហាមឃាត់ជក់បារី ក្នុងមាត្រាទី ១១, ១២ នៃច្បាប់ស្តីពីការបង្ការ និងប្រឆាំងគ្រោះថ្នាក់នៃការជក់បារី ឆ្នាំ ២០១២ បានកំណត់ជាក់ស្តែងដូចខាងក្រោម:

* ទីតាំងហាមឃាត់ជក់បារីដាច់ខាត៖

- កន្លែងហាមឃាត់ជក់បារីដាច់ខាតនៅខាងក្នុងផ្ទះនិងក្នុងដែនកំណត់បរិវេណ រួមមាន៖ គ្រឹះស្ថានសុខាភិបាល; គ្រឹះស្ថានអប់រំ លើកលែងតែគ្រឹះស្ថានដែលបានកំណត់នៅចំណុច B កថាខណ្ឌ ២ មាត្រា១១ ច្បាប់ស្តីពីការបង្ការ និងប្រឆាំងគ្រោះថ្នាក់នៃការជក់បារី; គ្រឹះស្ថានថែទាំសុខភាព ចិញ្ចឹមបីបាច់ លេង និងកម្សាន្តសម្រាប់កុមារ; គ្រឹះស្ថានឬតំបន់មានហានិភ័យឆាប់ឆេះនិងផ្ទុះខ្ពស់។

- កន្លែងដែលហាមឃាត់ជក់បារីដាច់ខាតនៅខាងក្នុងផ្ទះរួមមាន៖ កន្លែងធ្វើការ; សាលាអនុមហាវិទ្យាល័យ, មហាវិទ្យាល័យ, វិទ្យាស្ថាន; ទីសាធារណៈ លើកលែងតែករណីដែលមានចែងក្នុងកថាខណ្ឌ ១ មាត្រា ១១ និងកថាខណ្ឌ ១ មាត្រា ១២ នៃច្បាប់ស្តីពីការបង្ការ និងប្រឆាំងគ្រោះថ្នាក់នៃការជក់បារី។

- មធ្យោបាយដឹកជញ្ជូនសាធារណៈ ដែលហាមឃាត់ជក់បារីដាច់ខាត រួមមាន៖ រថយន្ត យន្តហោះ និងរថភ្លើង។

* កន្លែងដែលហាមឃាត់ជក់បារីនៅខាងក្នុងផ្ទះ ប៉ុន្តែអនុញ្ញាតឱ្យមានកន្លែងសម្រាប់អ្នកជក់បារី។

- កន្លែងដែលហាមឃាត់ជក់បារីនៅខាងក្នុងផ្ទះ ប៉ុន្តែអនុញ្ញាតឱ្យមានកន្លែងសម្រាប់អ្នកជក់បារី រួមមាន៖ តំបន់ដាច់ដោយឡែកនៃព្រលានយន្តហោះ; ក្លឹបកំសាន្ត ខារ៉ាអូខេ រង្គសាល សណ្ឋាគារ និងកន្លែងស្នាក់នៅទេសចរណ៍; មធ្យោបាយដឹកជញ្ជូនសាធារណៈគឺកប៉ាល់ និងរថភ្លើង។

- កន្លែងសម្រាប់អ្នកជក់បារី ត្រូវធានាថា មានបន្ទប់ និងប្រព័ន្ធខ្យល់ចេញចូលដាច់ដោយឡែកពីកន្លែងមិនជក់បារី; មានធុងសម្រាប់គោះបារី និងដាក់កន្ទុយបារី; មានស្លាកសញ្ញានៅទីតាំងសមស្រប និងងាយមើលឃើញ; មានឧបករណ៍បង្ការ និងពន្លត់អគ្គិភ័យ៕

ង៉ុក អៀង (សរុប)

ចែករំលែកអត្ថបទ

ពាក្យគន្លឹះ