ព្រឹត្តិការណ៍ - នយោបាយ ព្រឹត្តិការណ៍

15/11/2021 - 09:34

ឧបនាយករដ្ឋមន្ត្រី ឡេវ៉ាន់ថាញ់ ដឹកនាំកិច្ចប្រជុំតាមប្រព័ន្ធអនឡាញ ទទួលយកមតិធ្វើឱ្យសុក្រឹតគម្រោងអភិវឌ្ឍន៍ តំបន់វាលរាបទន្លេគឺវឡុង

(Chinhphu.vn) - ឧបនាយករដ្ឋមន្ត្រី ឡេវ៉ាន់ថាញ់ ប្រធានក្រុមប្រឹក្សាសម្របសម្រួលតំបន់វាលរាបទន្លេគឺវឡុង ដំណាក់កាល ២០២១-២០២៥ ទើបដឹកនាំកិច្ចប្រជុំតាមប្រព័ន្ធអនឡាញរបស់ក្រុមប្រឹក្សា ដើម្បីទទួលយកមតិធ្វើឱ្យសុក្រឹតគម្រោងអភិវឌ្ឍន៍តំបន់វាលរាបទន្លេគឺវឡុង ដំ ណាក់កាល ២០២១- ២០៣០ ចក្ខុវិស័យដល់ឆ្នាំ ២០៥០ - ប្លង់គម្រោងអភិវឌ្ឍន៍ដំបូងក្នុងចំណោមគម្រោងអភិវឌ្ឍន៍តំបន់ចំនួន ៦ ក្នុងទូទាំងប្រទេស។

លេខាគណៈកម្មាធិការបក្សក្រុងកឹងធើ ឡេក្វាងម៉ាញ់ ថ្លែងយោបល់ ។ រូប៖VGP/ ឌឹកត្វឹង

សមាជិកក្រុមប្រឹក្សា ដែលជាថ្នាក់ដឹកនាំក្រសួង ស្ថាប័នមួយចំនួន និងខេត្ត ក្រុងតំបន់វាលរាបទន្លេគឺវឡុងទាំង ១៣ ចូលរួមប្រជុំ។

សរុបសេចក្តីក្នុងកិច្ចប្រជុំ ឧបនាយករដ្ឋមន្ត្រី ឡេវ៉ាន់ថាញ់ គូសបញ្ជាក់៖ “អាទិភាពលេខ ១ សម្រាប់ការអភិវឌ្ឍហេដ្ឋារចនាសម្ព័ន្ធគមនាគមន៍។ បើចង់អភិវឌ្ឍបានតំបន់វាលរាបទន្លេគឺវឡុង កិច្ចការដំបូងដែលភូមិភាគនីមួយៗគប្បីផ្តុំកម្លាំងអនុវត្ត នោះគឺអភិវឌ្ឍហេដ្ឋារចនាសម្ព័ន្ធគមនាគមន៍។ ប្រការនេះជួយបង្កើនដល់ការចងសម្ព័ន្ធតំបន់ ពង្រីកតួនាទី ឧត្តមភាពរបស់តំបន់”។ ឧបនាយករដ្ឋមន្ត្រី ឱ្យដឹង៖ បច្ចុប្បន្ន ការរៀបចំផែនការអភិវឌ្ឍន៍ថ្នាក់ជាតិចំនួន ៤ របស់ផ្នែកគមនាគមន៍ដឹកជញ្ជូន (រួមមានគម្រោងអភិវឌ្ឍន៍ផ្លូវគោក ផ្លូវដែក កំពង់ផែ និងផ្លូវទឹក) ត្រូវបានដាក់ឱ្យប្រើប្រាស់ រីឯគម្រោងអភិវឌ្ឍន៍អាកាសចរណ៍ ដែលកំពុងស្ថិតក្នុងដំណាក់កាលផ្តល់សច្ចាប័ន និងស្នើសុំបន្តការធ្វើបច្ចុប្បន្នភាព លើគ្រប់គម្រោងអភិវឌ្ឍន៍ផ្នែកជាតិទាំងនេះទៅជាគម្រោងអភិវឌ្ឍន៍តំបន់វាលរាបទន្លេគឺវឡុង។

ក្រោយពីមានគម្រោងអភិវឌ្ឍន៍ ភូមិភាគនីមួយៗម្ចាស់ការឡើងផែនការ ធ្វើការពង្រីកការវិនិយោគ កៀរគរប្រភពកម្លាំងពីអាជីវកម្មចូលរួមវិនិយោគក្នុងគម្រោង។ ពិសេសភូមិភាគនៅតំបន់វាលរាបទន្លេគឺវឡុង គប្បីផ្តុំកម្លាំងកៀរគរប្រភពដើមទុនពីសង្គមូបនីយកម្ម សម្រាប់អភិវឌ្ឍហេដ្ឋារចនាសម្ព័ន្ធគមនាគមន៍។ តាមប្រសាសន៍ ឧបនាយករដ្ឋមន្ត្រី ការដែលបង្កើតឱ្យមានគ្រប់លើវិជ្ជមានកំណើន គប្បីផ្សារភ្ជាប់ជាមួយនឹងទិសដៅអភិវឌ្ឍន៍ក្រុងកឹងធើ ក្នុងតួនាទីជាមជ្ឈមណ្ឌលរបស់តំបន់។ ពោលគឺបរិយាកាសអភិវឌ្ឍតំបន់គប្បីផ្សារភ្ជាប់ទៅនឹងប្រព័ន្ធដើមទងអំពីឧស្សាហកម្ម។ ផ្តោតខ្លាំងទៅលើការអភិវឌ្ឍបរិយាកាសសមុទ្រផ្សារភ្ជាប់នឹងអភិវឌ្ឍន៍សេដ្ឋកិច្ចសមុទ្រ ចំពោះមុខគឺប្រព័ន្ធហេដ្ឋារចនាសម្ព័ន្ធផ្លូវឆ្នេរសមុទ្រ កំពង់ផែ និងប្រព័ន្ធ logistics ដើម្បីទាញយកផលពីសក្តានុពល តំបន់ដីឆ្នេរសមុទ្រ ខណៈពេលខេត្ត ក្រុង ទាំង ១៣ នៅវាលរាបទន្លេគឺវឡុង មានដល់ទៅ ៧ ខេត្តជាប់ឆ្នេរសមុទ្រ។

ដើម្បីផ្សព្វផ្សាយអនុវត្តគម្រោងអភិវឌ្ឍន៍មានប្រសិទ្ធភាព ឧបនាយករដ្ឋមន្ត្រី បានសំណូមពរក្រសួងផែនការនិងវិនិយោគសហការដិតដល់ជាមួយនឹងគ្រប់ក្រសួង ផ្នែក ភូមិភាគ ក្រុមអ្នកឯកទេសស្រាវជ្រាវ ស្នើដាក់ចេញនូវដំណោះស្រាយ កម្មវិធី គម្រោងជាក់ស្តែង ធានាមានប្រសិទ្ធភាព និងលទ្ធភាព ដើម្បីអាចនឹងផ្សព្វផ្សាយបានជាបន្ទាន់នូវគម្រោងអភិវឌ្ឍន៍ទាំងនេះ ឆ្លើយតបទៅនឹងសំណូមពរនៃការអភិវឌ្ឍ; ទន្ទឹមនឹងនោះ គឺជាមូលដ្ឋានដើម្បីកំណត់ទិសដៅសម្រាប់ការបង្កើត ផ្សព្វផ្សាយគ្រប់គម្រោងអភិវឌ្ឍន៍ខេត្ត ដោយមានការឯកភាពនិងព្រមៗគ្នា។

ឧបនាយករដ្ឋមន្ត្រី បានរំលឹកគ្រប់ភូមិភាគគប្បីយកចិត្តទុកដាក់ជាងទៀតទៅលើគម្រោងដែលបានដាក់បញ្ចូលក្នុងបញ្ជី គម្រោងអភិវឌ្ឍន៍តំបន់។ គប្បីខិតខំអនុវត្ត ដំណើរការឱ្យបានឆាប់រហ័សនូវសំណុំបែបបទវិនិយោគ។ ចំពោះគម្រោងដែលគ្រោងប្រើប្រាស់ទុន ODA ឧបនាយករដ្ឋមន្ត្រី បានស្នើឱ្យមានការជំរុញឆាប់រហ័ស ដំណាក់កាលត្រៀមបម្រុង ដើម្បីអាចនឹងរំសាយថវិកាបានភ្លាមនៅពេលចាត់ចែងដើមទុន។ល។

ឧបនាយករដ្ឋមន្ត្រី បានស្នើ៖ ក្រោយពីកិច្ចប្រជុំនេះ ក្រសួងផែនការនិងវិនិយោគ គប្បីប្រញាប់ធ្វើឱ្យសុក្រឹតរបាយការណ៍ ឯកសារ ដើម្បីដាក់ជូនក្រុមប្រឹក្សាពិនិត្យវាយតម្លៃ ធ្វើការពិនិត្យសម្រេចក្នុងខែវិច្ឆិកា ឆ្នាំ ២០២១; និងផ្តល់សច្ចាប័នក្នុងខែធ្នូឆ្នាំ ២០២១៕

ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ