ព្រឹត្តិការណ៍ - នយោបាយ ព្រឹត្តិការណ៍

19/07/2021 - 14:41

បន្ថែមកម្មាភិបាល យុទ្ធជនការពារព្រំដែនសុកត្រាំង ចំនួន ១៥ រូប ចូលរួមបង្ការប្រឆាំងជំងឺ COVID-១៩

បញ្ជាការដ្ឋានកងទ័ពការពារព្រំដែនខេត្តសុកត្រាំង ទើបធ្វើការចាត់បញ្ជូនកម្មាភិបាល យុទ្ធជន ១៥ រូប បង្កើនកម្លាំងដល់ខ្សែបន្ទាត់ព្រំដែនវៀតណាម-កម្ពុជា បំពេញភារកិច្ចគ្រប់គ្រង ការពារព្រំដែន និងចូលរួមការបង្ការប្រឆាំងជំងឺ COVID-១៩ នៅខេត្តអាងយ៉ាង។ កម្មាភិបាល យុទ្ធជន ១៥ រូបនេះ បានចាក់វ៉ាក់សាំងបង្ការជំងឺ COVID-១៩ និងដំណើរការធ្វើតេស្តរហ័ស អវិជ្ជមាន SARS-CoV-២។

កម្មាភិបាល យុទ្ធជនកងទ័ពការពារព្រំដែនសុកត្រាំងទាំង ១៥ រូប ថតរូបអនុស្សាវរីយ៍មុនពេលចេញដំណើរទៅចូលរួមការពារនៅខ្សែបន្ទាត់ព្រំដែនវៀតណាម-កម្ពុជា។

តាមប្រសាសន៍វរសេនីយ៍ឯក ទ្រិញគឹមខឹម មេបញ្ជាការដ្ឋានកងទ័ពការពារព្រំដែនខេត្តសុកត្រាំង នេះជាលើកទី ៥ ហើយ ដែលកងទ័ពការពារព្រំដែនសុកត្រាំង ចាត់កងកម្លាំងបន្ថែមដល់កងទ័ពការពារព្រំដែនអាងយ៉ាង ដើម្បីអនុវត្តភារកិច្ចគ្រប់គ្រង ការពារខ្សែបន្ទាត់ព្រំដែន និងបង្ការប្រឆាំង COVID-១៩។ ក្នុង ៤ លើកមុន កងទ័ពការពារព្រំដែនសុកត្រាំង មានកម្មាភិបាល យុទ្ធជន ៦៣ រូប ស្ម័គ្រចិត្តចុះឈ្មោះចូលរួមបង្ការប្រឆាំងជំងឺឆ្លងនៅតាមខ្សែបន្ទាត់ព្រំដែន៕

យ្វីអាញ-វិមាន 

ចែករំលែកអត្ថបទ

ពាក្យគន្លឹះ