គោលនយោបាយ -ការរស់នៅ គោលនយោបាយ

14/06/2021 - 15:49

ប្រុងប្រយ័ត្នជាមួយការផ្សាយលក់ឧបករណ៍ធ្វើតេស្តរហ័សរកជំងឺ COVID-១៩

ក្រសួងសុខាភិបាល បានផ្តល់អនុសាសន៍ដល់ប្រជាជនត្រូវប្រុងប្រយ័ត្នឱ្យមែនទែន ពីព្រោះឧបករណ៍ធ្វើតេស្តទាំងនេះមិនដឹងថា តើមានប្រសិទ្ធភាពកំណត់ដឹងការឆ្លងវីរុស SARS-CoV-2 ក៏ដូចជាបានផ្តល់អាជ្ញាបណ្ណឱ្យប្រើប្រាស់ទូទៅហើយឬនៅទេ។

 ករណីមួយដែលចុះផ្សាយព័ត៌មានលក់ឧបករណ៍ធ្វើតេស្តរហ័ស។

យោងតាមព័ត៌មានពីក្រសួងសុខាភិបាលឱ្យដឹង៖ បច្ចុប្បន្ន មានបុគ្គលមួយចំនួនបានចុះផ្សាយព័ត៌មានតាមប្រព័ន្ធអនឡាញផ្សាយលក់ឧបករណ៍ធ្វើតេស្តរហ័សរកជំងឺCOVID-១៩។

ចំពោះព័ត៌មានខាងលើនេះ ក្រសួងសុខាភិបាលបានសំណូមពរដល់ប្រជាជនគ្រប់រូប គប្បីប្រុងប្រយ័ត្នឱ្យមែនទែន ពីព្រោះឧបករណ៍ធ្វើតេស្តនេះមិនដឹងថាមានប្រសិទ្ធភាពក្នុងការធ្វើតេស្តកំណត់ដឹងការឆ្លងវីរុស SARS-CoV-2 ដែរឬទេ ហើយបានស្ថាប័នវៀតណាមធ្វើការពិនិត្យ បញ្ជាក់ ក៏ដូចជាផ្តល់អាជ្ញាបណ្ណឱ្យប្រើប្រាស់ទូទៅហើយឬនៅ។

នៅក្នុងបរិការណ៍ជំងឺឆ្លងរាលដាល ដូចបច្ចុប្បន្ននេះ ពិសេសគឺជំងឺCOVID- ១៩ ប្រសិនបើឧបករណ៍ធ្វើតេស្តនេះក្លែងក្លាយ គ្មានគុណភាព មិនត្រឹមតែរកមិនឃើញជំងឺនោះទេ ថែមទាំងប្រឈមនឹងហានិភ័យនៃការឆ្លងរាលដាល ប្រសិនជាដូច្នោះមែន។ល។ អាស្រ័យហេតុនោះ ក្រសួងសុខាភិបាលបានផ្តល់អនុសាសន៍ដល់ប្រជាជនចូរប្រុងប្រយ័ត្ន ជៀសវាងស្ថានភាព “ប្រាក់ក៏បង់ ថង់ក៏ដាច់” ក៏ដូចជានាំគ្រោះមហន្តរាយដល់ខ្លួនឯង គ្រួសារនិងសហគមន៍។

ទន្ទឹមនឹងនោះ ក្រសួងសុខាភិបាលក៏បានស្នើដល់ស្ថាប័នសមត្ថកិច្ច គប្បីអន្តរាគមន៍ដោយការពិនិត្យរាល់ព័ត៌មាន ដែលផ្សាយលក់ខាងលើ៕

យោង៖ Vietnam+ ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ