មហាសាមគ្គីជនជាតិ គំរូក្នុងសហគមន៍

01/06/2021 - 08:32

អតីត​យុទ្ធ​ជន​ធ្វើ​សេដ្ឋ​កិច្ច​ពូកែ​

លោក​ ឡឹម​វ៉ាន់​កួរ​ នៅ​ភូមិ​កញ្ចោង​ផ្សារ ឃុំ​ភូកឹង​ ស្រុក​ទីវ​កឹង​ ខេត្ត​ត្រា​វិញ​ មិន​ត្រឹម​តែ​ជា​សមា​ជិក​អតីត​យុទ្ធ​ជន​គំ​រូ​ធ្វើ​សេដ្ឋ​កិច្ច​ពូកែ​ប៉ុណ្ណោះ​ទេ​ គាត់​នៅ​ទាំង​ឈាន​មុខ​រាល់​ការ​ចលនា​នៅ​ភូមិ​ភាគ​ទៀត​ផង​។​

 ​ លោក​ឡឹម​វ៉ាន់​កួរ​ ក្នុង​គ្រឹះ​ស្ថាន​លក់​ចំ​ណី​និង​ថ្នាំ​ព្យា​បាល​សត្វ​របស់​គ្រួ​សារ​។​

ឆ្នាំ ១៩៧៩ យុវ​ជន​ឡឹម​វ៉ាន់​កួ បាន​ចូល​បម្រើ​កង​ទ័ព​ រួច​ទៅ​បំ​ពេញ​កាតព្វ​កិច្ច​អន្តរ​ជាតិ​នៅ​ប្រ​ទេស​កម្ពុជា​។​ ជា​អ្នក​មាន​ចំ​ណេះ​ដឹង​ និង​ចេះ​ភាសា​ខ្មែរ​ទៀត​នោះ​ គាត់​បាន​ប្រ​គល់​ភារ​កិច្ច​ជា​អ្នក​បក​ប្រែ និង​ឧបត្ថម្ភ​ប្រ​ទេស​ជា​មិត្ត​ក្នុង​ការ​ងារ​កសាង​ប្រ​ទេស​ កសាង​រដ្ឋ​អំ​ណាច​ឡើង​វិញ​ក្រោយ​ពី​សង្គ្រាម​។​ ឆ្លង​កាត់​ជាង​ ៤ ឆ្នាំ​ចូល​រួម​តស៊ូ​នៅ​ប្រ​ទេស​មិត្ត​ កម្ពុជា​ គាត់​ឃើញ​ផ្ទាល់​ភ្នែក​មិត្ត​រួម​កង​ពលី​ជីវិត និង​ឃើញ​ពី​ស្ថាន​ភាព​កង្វះ​ខាត​ ការ​លំ​បាក​លំ​បិន​របស់​ប្រ​ជា​ជន​កម្ពុជា​ក្នុង​សម័យ​សង្គ្រាម​។​ ចំ​ពោះ​មុខ​ស្ថាន​ភាព​នោះ​ គាត់​រួម​ជា​មួយ​នឹង​មិត្ត​រួម​កង​ បាន​បញ្ចេញ​ស្មារតី​ជួយ​គ្នា​ទៅ​វិញ​ទៅ​មក​ ជួយ​គ្នា​ក្នុង​គ្រា​មាន​អា​សន្ន​ ព្រម​ទាំង​ចែក​រំលែក​ជា​មួយ​នឹង​ប្រ​ជា​ជន​កម្ពុជា​ ទាំង​សម្ភារៈ​និង​ស្មារតី​។​

លោក​ឡឹម​វ៉ាន់​កួរ​ ឱ្យ​ដឹង​៖ "រំសាយ​ពី​ជួរ​ទ័ព​វិល​មក​ស្រុក​កំ​ណើត​ ខ្ញុំ​បាន​រៀប​ការ​រួច​ចេញ​នៅ​ដោយ​ឡែក​ កាល​នោះ​ ខ្ញុំ​មាន​ដី​ស្រែ​តែ​បួន​កុង​ប៉ុណ្ណោះ​ ម្ល៉ោះ​ហើយ​ជីវ​ភាព​គ្រួ​សារ​ជួប​ការ​លំ​បាក​ច្រើន​។​ ប៉ុន្តែ​ជា​មួយ​នឹង​ការ​ប្តេជ្ញា​ចិត្ត​ផ្លាស់​ប្តូរ​ជីវ​ភាព​ ខ្ញុំ​មិន​ត្រឹម​តែ​ធ្វើ​ស្រែ​ប៉ុណ្ណោះ​ទេ​ នៅ​ទាំង​ចិញ្ចឹម​ទា ជ្រូក​ គោ​ និង​បើក​ដេប៉ូ​លក់​ចំ​ណី​សត្វ​ទៀត​ផង​។​ ក្រោយ​មក​ សង្កេត​ឃើញ​ការ​រក​ស៊ី​នេះ​មាន​លំ​នឹង​ ម្ល៉ោះ​ហើយ​ខ្ញុំ​ពង្រីក​អា​ជីវ​កម្ម​បន្ថែម​ និង​បើក​គ្រឹះ​ស្ថាន​ជួញ​ដូរ​ចំ​ណី​និង​ថ្នាំ​ព្យា​បាល​សត្វ​ដល់​មាមីង​ក្នុង​ភូមិ​"។​ អា​ស្រ័យ​រវៀស​រវៃ​គិត​គូរ​ធ្វើ​ការ​រក​ស៊ី​និង​ប្រិត​សំ​ចៃ​ក្នុង​ការ​ចាយ​វាយ​ ម្ល៉ោះ​ហើយ​ទើប​ជីវ​ភាព​គ្រួ​សារ​អតីត​យុទ្ធ​ជន​ ឡឹម​វ៉ាន់​កួរ​ កាន់​តែលំ​នឹង​ពី​មួយ​ថ្ងៃ​ទៅ​មួយ​ថ្ងៃ​។​ ផ្តើម​ពី​ដី​ស្រែ​ ៤ កុង​ដំ​បូង​ ឥឡូវ​ដី​ស្រែ​របស់​គាត់​មាន​ដល់​ទៅ​ ៣០ កុង​ឯណោះ​ ហើយ​ទ្រុង​ក្រោល​របស់​គ្រួ​សារ​គាត់​ ពេល​ណា​ក៏​ចិញ្ចឹម​ទា​សាច់​រាប់​រយ​ក្បាល​ ជ្រូក​មេ​រាប់​សិប​ក្បាល​ និង​គោ​ចំ​នួន​ ១០ ក្បាល​។​ បច្ចុប្បន្ន​ គ្រឹះ​ស្ថាន​អា​ជីវ​កម្ម​របស់​គ្រួ​សារ​គាត់​ជួញ​ដូរ​លំ​នឹង​ ហើយ​ជា​និច្ច​កាល​ជាគ្រឹះ​ស្ថាន​ជា​ទីទុក​ចិត្ត​របស់​អ្នក​ចិញ្ចឹម​សត្វ​នៅ​ភូមិ​ភាគ​។​ តាំង​ពី​ការ​ធ្វើ​ស្រែ​ ចិញ្ចឹម​សត្វ​ គួបផ្សំ​នឹង​ធ្វើ​អា​ជីវ​កម្ម​ គ្រួ​សារ​គាត់​រក​បាន​ប្រាក់​ចំ​ណូល​ជិត​ ១ ពាន់​លាន​ដុង​រៀង​រាល់​ឆ្នាំ​ ក្រោយ​ពី​ទូទាត់​នៅ​ចំ​ណេញ​ជាង​ ៣០០ លាន​ដុង​។​

លោក​ ង្វៀង​វ៉ាន់​ខាញ់​ អនុប្រ​ធាន​សមា​គម​អតីត​យុទ្ធ​ជន​ឃុំ​ភូកឹង​ ឱ្យ​ដឹង​៖ "អតីត​យុទ្ធ​ជន​ ឡឹម​វ៉ាន់​កួរ​ មិន​ត្រឹម​តែ​អង់​អាច​ក្នុង​ការ​ប្រ​យុទ្ធ​តស៊ូ​ប៉ុណ្ណោះ​ទេ​ នៅ​ទាំង​មាន​គំ​និត​ច្នៃ​ប្រ​តិដ្ឋ​ ឧស្សាហ៍​ព្យា​យាម​ក្នុង​ការ​ផលិត​កម្ម​ ធ្វើ​អា​ជីវ​កម្ម​ទៀត​ផង​។​ ទោះ​ជា​នៅ​ទីណា​ និង​ធ្វើ​អ្វី​ក៏​ដោយ​ អតីត​យុទ្ធ​ជន​ឡឹម​វ៉ាន់​កួរ​ តែង​ពង្រីក​គុណ​សម្បត្តិ​ជា​កង​ទ័ព​អ៊ំ​ហូ ខិត​ខំ​ធ្វើ​ការ​រក​ស៊ី​ ឈាន​ឡើង​លំ​នឹង​ជីវ​ភាព​ ចែក​រំលែក​សម្ភារៈ​ ស្មារតី​ដល់​មិត្ត​រួម​កង​ និង​ប្រ​ជា​ជន​នៅ​ភូមិ​ភាគ​"៕​

សើុង​ម៉ាល័យ​-វិមាន​

 

ចែករំលែកអត្ថបទ