ព្រឹត្តិការណ៍ - នយោបាយ ព្រឹត្តិការណ៍

18/05/2021 - 07:56

សុកត្រាំង ចលនាបាន ៥១,៥ ពាន់លានដុង សម្រាប់សង់ផ្ទះជូនគ្រួសារក្រីក្រ

ក្នុងពិធីជួបជុំអំណរខួបអនុស្សាវរីយ៍ ៤៦ ឆ្នាំ ទិវារំដោះភាគខាងត្បូង ឯកភាពទឹកដី (៣០/៤/១៩៧៥ - ៣០/៤/២០២១) គណៈកម្មាធិការរណសិរ្សមាតុភូមិវៀតណាមខេត្តសុកត្រាំង បានបំផុសចលនាឧបត្ថម្ភសង់ផ្ទះជូនគ្រួសារក្រីក្រ ជួបលំបាកខាងលំនៅឋានលើភូមិសាស្រ្តខេត្តសុកត្រាំង។

ក្រុមហ៊ុនចំកាត់សមាជិកមួយឆ្នោតសុកត្រាំងឧបត្ថម្ភទឹកប្រាក់ ១២ ពាន់លានដុងសម្រាប់សង់ផ្ទះជូនគ្រួសារក្រីក្រលើភូមិសាស្រ្តខេត្ត។

មានអង្គការ បុគ្គល អាជីវកម្មជាច្រើនទាំងក្នុងនិងក្រៅខេត្ត បានឧបត្ថម្ភទឹកប្រាក់សរុប ៥១,៥ ពាន់លានដុង។ ក្នុងនោះ ក្រុមហ៊ុនចំកាត់សមាជិកមួយឆ្នោតសុកត្រាំងឧបត្ថម្ភទឹកប្រាក់ ១២ ពាន់លានដុង ធនាគារពាណិជ្ជកម្មភាគហ៊ុនឧស្សាហពាណិជ្ជកម្មវៀតណាមសាខាសុកត្រាំង ឧបត្ថម្ភ ១០ ពាន់លានដុង មូលនិធិថៀងតឹម សម្ព័ន្ធក្រុមហ៊ុន VinGroup ឧបត្ថម្ភទឹកប្រាក់ ៥ ពាន់លានដុង សម្ព័ន្ធក្រុមហ៊ុន Bamboo Capital ឧបត្ថម្ភទឹកប្រាក់ ៥ ពាន់លានដុង ។ល។ ចំនួនទឹកប្រាក់ឧបត្ថម្ភទាំងនេះ ឆ្លើយតបបានតម្រូវការខាងទុនជាង ៣០% សម្រាប់សង់ផ្ទះជូនគ្រួសារក្រីក្រ ៣.៦៤០ គ្រួសារ ដែលកំពុងជួបលំបាកខាងលំនៅឋាន។

ចាប់ពីឆ្នាំ ២០១៦ មកទល់ពេលនេះ ជាមួយនឹងទឹកប្រាក់ឧបត្ថម្ភរបស់រដ្ឋាភិបាល និងទឹកប្រាក់ចលនាសរុប ៨៣៨ ពាន់លានដុង ខេត្តសុកត្រាំងបានសាងសង់និងជួសជុលផ្ទះចំនួន ១៣.៦៦៦ ខ្នងជូនដល់គ្រួសារមានសគុណ គ្រួសារស្ថិតក្នុងក្របខ័ណ្ឌគោលនយោបាយ គ្រួសារក្រីក្រ គ្រួសារប្រកៀកបន្ទាត់ក្រដែលត្រូវការចាំបាច់ខាងលំនៅឋាន៕

លីធាន - ថាច់ធី

ចែករំលែកអត្ថបទ

ពាក្យគន្លឹះ