17/05/2021 - 16:22

ប្រ​សិទ្ធ​ភាព​នៃ​សាលា​រៀន​គំ​រូ​ផ្លាស់​ថ្មី​

យោង​តាម​គ្រូ​បង្រៀន​ជា​ច្រើន​នៅ​ក្រុង​កឹង​ធើ ទម្រង់​សា​លា​រៀន​គំ​រូ​ផ្លាស់​ថ្មី​រួម​នឹង​វិធាន​ការ​បង្ហាត់​បង្រៀន​សកម្ម​បាន​ជួយ​ឱ្យ​សិស្ស​ពង្រីក​ភាព​ម្ចាស់​ការ​ និង​គំ​និត​ច្នៃ​ប្រ​តិដ្ឋ​។​

ទិដ្ឋ​ភាព​បៃតង​របស់​ទីធ្លា​សា​លា​វិទ្យា​ល័យ​ទ្រុង​អាង​។​

ម៉ោង​ប្រ​ជុំ​ជីវ​ភាព​នៅ​ទីធ្លា​ខាង​ក្រៅ​របស់​សិស្ស​មត្តេយ្យទីប្រ​ជុំ​ជន​ផុង​ដៀង ស្រុក​ផុង​ដៀង កាន់​តែ​មាន​ភាព​រស់​រវើក​ថែម​ទៀត​ខណៈ​ពេល​ប្អូន​ៗ​ត្រូវ​បាន​អ្នក​គ្រូ​ណែ​នាំ​ដក​ស្មៅ​ ប្រ​មូល​ផល​បន្លែ​បង្ការ​។​ល។​ អ្នក​គ្រូ​ហា​ហាយ​លី នា​យិកា​សាលា​មត្តេយ្យ ទីប្រ​ជុំ​ជន​ផុងដៀង ឱ្យ​ដឹង​៖ “សាលា​មត្តេយ្យ​ផុង​ដៀង ជា​សា​លា​ដំ​បូង​បង្អស់​របស់​ស្រុក​ ត្រូវ​បាន​ជ្រើស​អនុវត្ត​ទម្រង់​សា​លា​រៀន​គំ​រូ​ផ្លាស់​ថ្មី​។​ ផ្នែក​ការ​ងារ​មួយ​ក្នុង​ចំ​ណោម​ផ្នែក​ការ​ងារ​នៃ​ទម្រង់​នេះ​ គឺកន្លែង​ដាំ​បន្លែ​ ដាំ​ផ្កា​ ។​ល។​ ម៉ោង​រៀន​នៅ​ទីធ្លា​ខាង​ក្រៅ​ គឺ​អ្នក​គ្រូ​ណែ​នា​ំប្អូន​ៗ​កុមារ​ស្រោច​ទឹក​បន្លែផ្កា​ ជម្រះ​ស្មៅ​ និង​ប្រ​មូល​ផល​បន្លែ​។​ នេះ​ជារបៀប​បង្ហាត់​បង្រៀន​មាន​ភាព​រស់​រវើក ប្រ​សិទ្ធ​ភាព​ ជួយ​បណ្ដុះ​អត្ត​ចរិត​កុមារ​”។​

គ្រូ​និង​សិស្ស​សាលា​មត្តេយ្យទីប្រ​ជុំ​ជន​ផុង​ដៀង រួម​គ្នា​ឆ្លង​កាត់​បទ​ពិសោធន៍។​

យោង​តាម​កម្រិត​រៀន​នីមួយ​ៗ​ ទម្រង់​សាលា​រៀន​គំ​រូ​ផ្លាស់​ថ្មី​ក៏​មាន​ខ្លឹម​សារ​សម​ស្រប​ ប៉ុន្តែ​មាន​ចំ​ណុច​រួម​ គឺវ​ិធាន​ការ​បង្ហាត់​បង្រៀន​ មាន​លក្ខណៈ​ឆ្លង​កាត់​បទ​ពិសោធន​៍ ជួយ​សិស្ស​ឱ្យ​មាន​ភាព​ជឿ​ជាក់​ ហាត់​ពត់​បំ​ណិន​ជីវិត។​ ផ្ដើម​ពី​នោះ​ សិស្ស​កាន់​តែ​មាន​ការ​ទទួល​ខុស​ត្រូវ​ចំ​ពោះ​ខ្លួន​ឯង​ គ្រួ​សារ​និង​សហ​គមន៍។​ លោក​គ្រូ​ឡេ​វ៉ាន់​យ៉ុង នា​យក​សាលា​វិទ្យា​ល័យ​ទ្រុង​អាង​ ស្រុក​កើ-ដ ឱ្យ​ដឹង​៖ “ថ្វី​បើ​សាលា​នៅ​តំ​បន់​ជ្រៅ​ក៏​ពិត​មែន​ ប៉ុន្តែ​សិស្សា​នុសិស្ស​របស់​សាលា​មាន​ការ​សម្រប​សម្រួល​ និង​អនុវត្ត​ល្អ​លក្ខណ​សម្បត្តិ​សម្ភារ​ៈរបស់​ទម្រង់​ដើម្បី​ច្នៃ​ប្រ​តិដ្ឋ​ ទទួល​បាន​រង្វាន់​ជា​ច្រើន​ស្ដី​ពី​វិទ្យា​សាស្រ្ត​បច្ចេក​ទេស​ថ្នាក់​ក្រុង​”។​ ប្រ​ការ​រីក​រាយ​នៃ​ទម្រង់​សាលា​រៀន​គំ​រូ​ផ្លាស់​ថ្មី​គឺ​ភាព​ស៊ី​វិ​ល័យ​ ធ្វើ​បច្ចុប្បន្ន​ភាព​ជា​ប្រ​ចាំ​ជុំ​វិញ​បញ្ហា​សង្គម​ ដើម្បី​គ្រូ​បង្រៀន​កំ​ណត់​ទិស​ដៅ​សម​ស្រប​ដល់​សិស្ស​។​ តាម​ប្រ​សាសន៍​ លោក​ង្វៀង​វ៉ាន់​ជី ប្រ​ធាន​ការិ​យាល័យ​អប់​រំនិង​បណ្តុះ​បណ្តាល​ស្រុក​ថើយ​ឡាយ​ ទម្រង់​សាលា​រៀន​គំ​រូ​ផ្លាស់​ថ្មី​មាន​បន្ទប់​ “ពិគ្រោះ​យោ​បល់​ចិត្ត​សាស្រ្ត​ក្នុង​ដំ​ណើរ​រៀន​សូត្រ​” ម្ល៉ោះ​ហើយ​សិស្ស​មាន​កន្លែង​សម្រាប់​ដោះ​ស្រាយ​បញ្ហា​ក្នុង​ចិត្ត​។​ ផ្ដើម​ពី​នោះ​ គ្រូ​បង្រៀន​ក្ដោប​ក្ដាប់​ចិត្ត​សាស្រ្ត​បាន​ទាន់​ពេល​ និង​ពិគ្រោះ​យោ​បល់​ជូន​សិស្ស​។​ល។​

ផ្ដើម​ពី​ ៤ សាលា​រៀន​ដំ​បូង​ មក​ទល់​ឥឡូ​វ ក្រុង​មាន​ ៥៣ សាលា​អនុវត្ត​ទម្រង់​សាលា​រៀន​គំ​រូ​ផ្លាស់​ថ្មី​។​ តាម​ប្រ​សាសន៍​របស់​អ្នក​ស្រី​ ត្រឹង​ហុង​ថឹម នា​យិកា​មន្ទីរ​អប់​រំនិង​បណ្តុះ​បណ្តា​ល​ក្រុង​កឹង​ធើ ក្រោយ​រយៈ​ពេល​ ៤ ឆ្នាំ​អនុវត្ត​ទម្រង់​នេះ​ គុណ​ភាព​អប់​រំរបស់​សាលា​ដែល​ចូល​រួម​ទម្រង់​មាន​ការ​វិវឌ្ឍន៍​តាម​ទិស​ដៅ​វិជ្ជ​មាន​។​ ជា​ពិសេស​ កម្មា​ភិបាល​គ្រូ​បង្រៀន​ បង្កើន​ភាព​ម្ចាស់​ការ​ច្នៃ​ប្រ​តិដ្ឋ​ក្នុង​ការ​គ្រប់​គ្រង​ និង​ផ្លាស់​ថ្មី​វិធាន​ការ​បង្ហាត់​បង្រៀន​។​ សាលា​រៀន​ដែល​អនុវត្ត​ទម្រង់​នេះ​ សុទ្ធ​តែ​មាន​ទិដ្ឋ​ភាព​បៃ​តង​ សិស្សា​នុ​សិស្ស​ខ្នះ​ខ្នែង​ចូល​រួម​រាល់​សកម្ម​ភាព​ សម្អាត​សាលា​ បន្ទប់​រៀន​ ឱ្យ​កាន់​តែមាន​ភាព​ជ្រះ​ស្អាត​៕​

                            ហា​ថាញ - ថាច់​ធី

ចែករំលែកអត្ថបទ