19/04/2021 - 16:06

ទម្រង់​រៀន​សូត្រ​បាន​ចូល​ទៅ​ក្នុង​ជីវ​ភាព​

ចលនា​“ រៀន​សូត្រ​អស់​មួយ​ជីវិត​ក្នុង​គ្រួ​សារ ​វង្ស​ត្រកូល​ សហគមន៍​និង​អង្គ​ភាព​” នៃ​ខេត្ត​ហូវ​យ៉ាង​បាន​ចូល​ទៅ​ក្នុង​ជីវ​ភាព​។​ ផ្តើម​ពី​នោះ​ បាន​រួម​ចំ​ណែក​ក្នុង​ការ​លើក​កម្ពស់​កម្រិត​ប្រ​ជា​បញ្ញា​ សមត្ថ​ភាព​កម្មា​ភិបាល​និង​ប្រ​ជា​ជន​ ជំ​រុញ​ការ​អភិវឌ្ឍ​សេដ្ឋ​កិច្ច​-សង្គម​នៅ​ភូមិ​ភាគ​។​

លោក​ស្រី​ ង្វៀង​ធីធ្វីហាំង នា​យក​មន្ទីរ​អប់​រំនិង​បណ្តុះ​បណ្តាល​ខេត្ត​ហូវ​យ៉ាង​ ជូន​ប័ណ្ណ​សរ​សើរ​របស់​គណៈ​កម្មា​ធិការ​ប្រ​ជា​ជន​ខេត្ត​ដល់​គ្រួ​សារ​រៀន​សូត្រ​ឆ្នើម​។​

ក្នុង​រយៈ​ពេល​៥ ឆ្នាំ​កន្លង​ សមាគម​ជំ​រុញ​ការ​សិក្សា​គ្រប់​លំ​ដាប់​ថ្នាក់​នៃ​ខេត្ត​ហូវ​យ៉ាង​ បាន​រៀប​ចំ​សន្និ​សីទ​ផ្សព្វ​ផ្សាយ​ហ្វឹក​ហាត់ ណែ​នាំ​ចំ​នួន​ ១៥៥ លើក​ជូន​ដល់​កម្មា​ភិបាល​ជាង​៤.១៦០ រូប ​ពី​ថ្នាក់​ខេត្ត​ដល់​ថ្នាក់​មូល​ដ្ឋាន​ អំ​ពី​ចលនា​“ រៀន​សូត្រ​អស់​មួយ​ជីវិត​ក្នុង​គ្រួ​សារ​ វង្ស​ត្រកូល​ សហគមន៍​និង​អង្គ​ភាព​”។​ ទន្ទឹម​នឹង​នេះ​ឃោ​សនា​ គួប​ផ្សំ​ផ្សព្វ​ផ្សាយ​ដល់​សមា​ជិក​និង​ប្រ​ជា​ជន​អំ​ពី​ការ​កសាង​គ្រួ​សារ​ វង្ស​ត្រកូល​ សហ​គមន៍និង​អង្គ​ភាព​រៀន​សូត្រ​។​ រហូត​មក​ដល់​ពេល​នេះ​ ខេត្ត​បាន​ទទួល​ស្គាល់​ គ្រួ​សារ​រៀន​សូត្រ​ជាង​ ៣៥៦.០០០។​ វង្ស​ត្រកូល​រៀន​សូត្រ​ចំ​នួន​ ១០៨៤ ។​ សហគមន៍រៀន​ សូត្រ​ចំ​នួន​ ១.៥៩៣ អង្គ​ភាព​រៀន​សូត្រ​ចំ​នួន​ ១.១១៩ ។​ល។​ លោក ​ឡឹម​ខេម នៅ​ភូមិ​ ១០ ឃុំ​លឿង​ងៀ ស្រុក​ឡុង​មី ឱ្យ​ដឹង​៖ “ ខ្ញុំ​គិត​ថា​ វប្បធម៌​គឺជា​កូន​សោរ​ដើម្បី​បើក​ទ្វារ​ជីវិត ដូច្នេះ​ ខ្ញុំ​ព្យា​យាម​ជំ​នះ​រាល់​ការ​លំ​បាក​ក្នុង​ជីវិត ដើម្បី​ចិញ្ចឹម​កូន​ៗ​រៀន​ឱ្យ​បាន​ជោគ​ជ័យ​។​ បច្ចុប្បន្ន​ កូន​ទាំង​ ៤ នាក់​របស់​ខ្ញុំ​បាន​ក្លាយ​ជា​វេជ្ជ​បណ្ឌិត​ និង​វិស្វករ​ មាន​ការ​ងារ​ធ្វើ​ និង​រក​បាន​ប្រាក់​ចំ​ណូល​លំ​នឹង​ ហើយ​កូន​ៗ​របស់​ខ្ញុំ​បាន​បន្ត​ ចិញ្ចឹម​ចៅ​ៗ​រៀន​សូត្រ​ ដើម្បី​ក្លាយ​ជាវង្ស​ត្រកូល​រៀន​សូត្រ​”។​ ចំ​ណែក​លោក​សើុង​គិត​ អ្នក​មាន​ប្រ​ជា​ប្រិយ​នៅ​ឃុំ​សា​ភៀង មាន​ប្រ​សាសន៍​៖  “ ភូមិ​ ៥ មាន​ជន​ជាតិ​ខ្មែរ​រស់​នៅ​កុះ​ករ​ ប៉ុន្តែ​ នរ​ណា​ក៏​គិត​គូរ​ឱ្យ​កូន​រៀន​សូត្រ​បាន​ជោគ​ជ័យ​ដែរ​។​ គ្រួ​សារ​ខ្ញុំ​មាន​កូន​ ៣ នាក់ ក៏​ក្លាយជា​វេជ្ជ​បណ្ឌិត​និង​នគរ​បាល​ផង​ដែរ​។​ រយៈ​ពេល​ជា​ច្រើន​ឆ្នាំ​កន្លង​ ភូមិ​ ៥ តែង​បាន​ទទួល​ស្គាល់​ជា​សហ​គមន៍​រៀន​សូត្រ​។​ ផ្តើម​ពី​រៀន​បាន​ជោគ​ជ័យ​ មាន​ការ​ងារ​ធ្វើ​និង​រក​បាន​ប្រាក់​ចំ​ណូល​លំ​នឹង​ ម្ល៉ោះ​ហើយ​ជីវ​ភាព​របស់​ប្រ​ជា​ជន​ខ្មែរ​នៅ​ភូមិ​ ៥ កាន់​តែមាន​ភាព​ល្អ​ប្រ​សើរ​ឡើង​”។​

យោង​តាម​ប្រ​សាសន៍​ លោក​ ប៉ូវ​វ៉ាន់​ឡេម ប្រ​ធាន​សមាគម​ជំ​រុញ​ការ​សិក្សា​ខេត្ត​ហូវ​យ៉ាង​ បាន​ឱ្យ​ដឹង​៖ ចលនា​ “រៀន​សូត្រ​អស់​មួយ​ជីវិត​នៅ​ក្នុង​គ្រួ​សារ​ វង្ស​ត្រកូល​ សហ​គមន៍ និង​អង្គ​ភាព​” បាន​រួម​ចំ​ណែ​ក​លើក​កម្ពស់​ការ​យល់​ដឹង​ចំ​ពោះ​កម្មា​ភិបាល​ និង​ប្រ​ជា​ជន​ពី​អត្ថ​ន័យ​ និង​សារៈ​សំ​ខាន់​នៃ​ការ​ងារ​ជំ​រុញ​ការ​សិក្សា​ ជំ​រុញ​បញ្ញវន្ត​របស់​ខេត្ត​។​ ដោយ​មូល​ហេតុ​នោះ​ ភូមិ​ភាគ​មាន​គ្រួ​សារ​  វង្ស​ត្រកូល​ សហ​គមន៍ ​និង​អង្គ​ភាព​ជា​ច្រើន​បាន​ទទួល​ស្គាល់​។​ រួម​ចំ​ណែក​លើក​កម្ពស់​កម្រិត​ប្រ​ជា​បញ្ញា​ ប្រ​ភព​ធន​ធាន​មនុស្ស​ ការ​អភិវឌ្ឍ​សេដ្ឋ​កិច្ច​វប្បធម៌​ និង​សង្គម​របស់​ភូមិ​ភាគ​៕​

                     លីធាន​-ប្រែសម្រួល​៖ សុផន

ចែករំលែកអត្ថបទ